« តើអ្វីទៅជាពិធីបុណ្យជ្រមុជទឹក និងពិធីបញ្ជាក់ ? » ទស្សនាវដ្តី ប្រិយមិត្ត ខែ ឧសភា ឆ្នាំ ២០២៤ ទំព័រ ៤៦–៤៧ ។
មូលដ្ឋានគ្រឹះនៃដំណឹងល្អ
តើអ្វីទៅជាពិធីបុណ្យជ្រមុជទឹក និងពិធីបញ្ជាក់ ?
រចនារូបភាពដោយ អាព្រីល ស្តុត
ព្រះយេស៊ូវគ្រីស្ទបានទទួលពិធីបុណ្យជ្រមុជទឹក ។ ក្រោយពីប្អូនឈានចូលអាយុ ៨ ឆ្នាំ ប្អូនក៏អាចទទួលបុណ្យជ្រមុជទឹកបានដែរ !
ពេលប្អូនទទួលបុណ្យជ្រមុជទឹក នោះរាងកាយទាំងមូលរបស់ប្អូនលិចចូលទៅក្នុងទឹក ។ ទាំងនេះរំឭកយើងថាអំពើបាប និងការជ្រើសរើសមិនល្អអាចត្រូវបានលាងសម្អាតដោយសារព្រះយេស៊ូវគ្រីស្ទ ។
ប្អូនសន្យានឹងព្រះវរបិតាសួគ៌ថាប្អូននឹងខំអស់ពីសមត្ថភាពដើម្បីធ្វើតាមបទបញ្ញត្តិរបស់ទ្រង់ ។
ក្រោយពីពិធីបុណ្យជ្រមុជទឹក បន្ទាប់គឺពិធីបញ្ជាក់ ។ នេះគឺជាពេលដែលប្អូនទទួលបានអំណោទាននៃព្រះវិញ្ញាណបរិសុទ្ធ ។ នោះមានន័យថាព្រះវិញ្ញាណបរិសុទ្ធអាចគង់នៅជាមួយប្អូនជានិច្ច ! ទ្រង់អាចជួយប្អូនឲ្យធ្វើតាមគំរូរបស់ព្រះយេស៊ូវ ។