Kveðja frá Níkaragva!

Lærið um börn himnesks föður víða um heim.

Níkaragva er land í Mið-Ameríku. Nærri 7 milljónir manna búa þar!

Tungumál

Opinbert tungumál er spænska. Sumir tala einnig frumbyggjamál eins og miskito, sumo og rama.

¿Nahki sma?

Það þýðir „Hvernig hefur þú það?“ á miskito!

Útbreiða fagnaðarerindið

Fyrstu trúboðarnir komu til Níkaragva árið 1953. Í dag eru meðlimir kirkjunnar þar fleiri en 100.000! Þar er meira að segja verið að byggja musteri.

Hákarlar í Níkaragvavatni

Nautháfar geta lifað bæði í sjó og í ferskvatni. Þetta þýðir að þeir geta lifað í sjó, ám og vötnum! Þeir synda frá Atlantshafinu upp langa á til að lifa í Níkaragvavatni.

Palo de Mayo

Íbúar Níkaragva halda mikla hátíð sem nefnist Palo de Mayo þegar regntímabilið hefst. Þeir skreyta tré eða stöng með litríkum borðum til að dansa í kringum og skemmta sér allan mánuðinn.

Verkefni

Chuwis

Chuwis er leikur sem börn spila í Níkaragva. Til að spila þennan leik þarf grænar baunir (eða prik) og holu í jörðina (eða bolla). Hver leikmaður fær 5 grænar baunir. Fyrsti leikmaðurinn hendir grænum baunum ofan í holuna, einni í einu. Ef hann hittir ekki einni, hættir hann og næsti tekur við. Sá sem er fyrstur að hitta öllum 5 grænu baununum í holuna vinnur!

Uppskrift

Gallopinto

Í Níkaragva borða margir þennan rétt með hrísgrjónum og baunum daglega. Hér er uppskrift sem þið getið prófað!

1. Hitið 2 matskeiðar af olíu og ½ saxaðann gulan lauk. Hrærið í fimm mínútur.

2. Hrærið saman við 1 1/2 bolla hvítum hrísgrjónum í 2 til 3 mínútur.

3. Bætið við salti og 3 bollum af vatni. Takið fræin úr hálfri grænni papriku og setjið ofan á.

4. Setjið pottlokið ofan á og sjóðið þar til vatnið er nánast horfið.

5. Hendið paprikunni og hrærið saman við 2 bolla af elduðum rauðum eða svörtum baunum og 1/2 teskeið hvítlauksdufti. Látið sjóða í um 10 mínútur.

Verið viss um að fá hjálp frá fullorðnum!

Myndskreyting: Dave Klüg