«Եկ, հետևիր ինձ․ միջոցառումներ», Ընկեր, հուլիս 2024, 28-29։
Եկ, հետևիր ինձ. միջոցառումներ
Ընտանեկան երեկոյի համար, սուրբ գրությունների ուսումնասիրության համար, կամ պարզապես զվարճանալու համար։
Հուլիսի 1-7-ը
Երջանկության ծրագիրը․ ձեռագործ
Ահարոնը և Ամմոնը ուսուցանել են Երկնային Հոր երջանկության ծրագրի մասին։ Նրանք կոչում են այն փրկագնման ծրագիր (տես Ալմա 18․36-39 և Ալմա 22)։ Բացեք էջ 12-ը, որպեսզի պատրաստեք երջանկության ծրագրի ձեր սեփական ձեռագործը։
Հուլիսի 8-14-ը
Գործիքներ դառնալ Աստծո ձեռքում
Ամմոնն ասաց իր եղբայրներին․ «Մենք Աստծո ձեռքում գործիքներ դարձվեցինք՝ իրականացնելու այս մեծ աշխատանքը» (Ալմա 26․3)։ Հավաքեք առարկաներ, որոնք կարող եք օգտագործել երաժշտություն ստեղծելու համար։ Այնուհետև հորինեք ռիթմեր և երգեր։ Ճիշտ այնպես, ինչպես մենք օգտագործում ենք գործիքներ երաժշտություն ստեղծելու համար, Աստված կարող է օգտագործել մեզ՝ օգնելու կառուցել Հիսուս Քրիստոսի Եկեղեցին։
Հուլիսի 15-21-ը
Երաժշտական աթոռների հիշեցում
Ալման ուսուցանել է, որ «բոլոր բաները մատնանշում են, որ կա Աստված» (Ալմա 30.44)։ Դա նշանակում է, որ այն ամենը, ինչ Աստված ստեղծել է, կարող է հիշեցնել մեզ Նրա մասին։ Աթոռներով շրջան կազմեք՝ բավարար աթոռներով բոլորի համար, բացառությամբ մեկ անձի։ Թող ինչ-որ մեկը երաժշտություն հնչեցնի և որոշի, թե երբ է այն դադարելու։ Երբ երաժշտությունը դադարում է, բոլորը փորձում են նստել աթոռի վրա։ Աթոռ չունեցողը կիսվում է մի բանով, որը հիշեցնում է Աստծուն։ Շարունակեք, մինչև բոլորը հնարավորություն կունենան կիսվելու։
Հուլիսի 22-28-ը
Ձեր վկայությունը պետք է աճի
Ալման ուսուցանել է, որ երբ դուք լսեք Աստծո խոսքը և անեք բաներ, որոնք ցույց կտան ձեր հավատքը, ձեր վկայությունը ծառի պես կաճի (տես Ալմա 32․37)։ Նկարեք քայլեր, որոնք կարող եք կատարել, որպեսզի օգնեք ծառին աճել, օրինակ՝ ջրել և ապահովել արևի լույսը։ Այնուհետև նկարեք այն, ինչ կարող եք անել, որպեսզի օգնեք ձեր վկայությունն աճի, օրինակ՝ եկեղեցի գնալը և աղոթելը։
Նկարները՝ Քեթի Դոքրիլի