ការចាប់ផ្ដើមនៃការស្ដារឡើងវិញ

សូមរៀនអំពីរបៀបដែល យ៉ូសែប ស៊្មីធ ត្រូវបានដឹកនាំឲ្យស្ដារឡើងវិញនូវសាសនាចក្ររបស់ព្រះយេស៊ូវគ្រីស្ទ ។

ភូមិប៉ាលម៉ៃរ៉ា រដ្ឋញូវយ៉ក ( ឆ្នាំ១៨២០ ) ៖ យ៉ូសែប ស្ម៊ីធ និងគ្រួសាររបស់លោកបានរស់នៅទីនេះ ។ សមាជិកគ្រួសាររបស់យ៉ូសែបទាំងអស់បានចូលរួមព្រះវិហារផ្សេងៗគ្នា ហើយយ៉ូសែបមិនដឹងថាត្រូវចូលរួមព្រះវិហារមួយណាទេ ។ លោកបានអាននៅក្នុងព្រះគម្ពីរប៊ីប « បើអ្នករាល់គ្នាណាមួយខ្វះប្រាជ្ញា មានតែសូមដល់ព្រះ » ( យ៉ាកុប ១:៥ ) ។
ព្រៃពិសិដ្ឋ ( និទាឃរដូវ ឆ្នាំ១៨២០ ) ៖ យ៉ូសែប ស្ម៊ីធ បានអធិស្ឋាន ហើយទូលសួរដល់ព្រះថាលោកគួរចូលរួមព្រះវិហារមួយណា ។ ព្រះវរបិតាសួគ៌ និងព្រះយេស៊ូវបានយាងមកជួបលោក ។ ទ្រង់ទាំងទ្វេបានប្រាប់លោកថា លោកមិនគួរចូលរួមព្រះវិហារណាមួយឡើយ ។ ទ្រង់ទាំងទ្វេបានហៅយ៉ូសែបឲ្យជួយស្ដារឡើងវិញនូវភាពពេញលេញនៃដំណឹងល្អរបស់ព្រះយេស៊ូវគ្រីស្ទនៅលើផែនដី ។
បន្ទប់របស់យ៉ូសែប ( ឆ្នាំ១៨២៣ ) ៖ ទេវតាមរ៉ូណៃបានមកជួបយ៉ូសែប ។ លោកបានប្រាប់យ៉ូសែប អំពីផ្ទាំងមាសដែលផ្ទុកនូវភាពពេញលេញនៃដំណឹងល្អរបស់ព្រះយេស៊ូវគ្រីស្ទ ។ ពេលដែលមរ៉ូណៃបាននិយាយ យ៉ូសែបបានឃើញការនិមិត្ដនៃទីកន្លែងដែលបានកប់ផ្ទាំងទាំងនោះ ។
ភ្នំគូម៉ូរ៉ា ( ឆ្នាំ១៨២៧ ) ៖ ទេវតាមរ៉ូណៃបានឲ្យផ្ទាំងមាសដល់ យ៉ូសែប ស៊្មីធ នៅលើភ្នំគូម៉ូរ៉ា ។ យ៉ូសែបក៏បានទទួលឧបករណ៍ពិសេសដែលបានកប់ជាមួយនឹងផ្ទាំងទាំងនោះផងដែរ ។ ព្រះបានរៀបចំឧបករណ៍ទាំងនោះដើម្បីជួយលោកបកប្រែផ្ទាំងទាំងឡាយ ។ ផ្ទាំងទាំងឡាយដែលបានបកប្រែបានក្លាយជាព្រះគម្ពីរមរមន ដើម្បីឲ្យបុត្រាបុត្រីទាំងអស់របស់ព្រះអាចអានព្រះបន្ទូលរបស់ទ្រង់ ។