« ការធ្វើតាមព្រះយេស៊ូវនៅប្រទេសអេស្ដូនី » ប្រិយមិត្ត ខែមករា ឆ្នាំ២០២៥ ទំព័រ ១០–១១ ។
ការធ្វើតាមព្រះយេស៊ូវនៅប្រទេសអេស្ដូនី
ជួបជាមួយនឹងហ៊ូហ្គោ
ហ៊ូហ្គោធ្វើតាមព្រះយេស៊ូវ ដោយការអធិស្ឋានពេលគាត់ត្រូវការជំនួយ ។ គាត់ធ្លាប់មានសុបិនអាក្រក់ ។ គាត់បានអធិស្ឋានដើម្បីទទួលការលួងលោម ។ គាត់និយាយថា « ព្រះយេស៊ូវបានជួយខ្ញុំ » ។
ហ៊ូហ្គោក៏ធ្វើតាមព្រះយេស៊ូវដោយការចែកចាយដំណឹងល្អជាមួយនឹងមិត្ដភក្ដិរបស់គាត់ផងដែរ ។ គាត់ចូលចិត្ដបង្រៀនពួកគេអំពីអ្វីដែលគាត់រៀននៅឯព្រះវិហារ ។ គាត់ប្រាប់ពួកគេថាមនុស្សគ្រប់គ្នាជាកូនរបស់ព្រះ ។ គាត់និយាយថា « ខ្ញុំអញ្ជើញពួកគេទៅព្រះវិហារ និងសកម្មភាពទាំងឡាយ » ។ « វាធ្វើឲ្យខ្ញុំមានអារម្មណ៍ល្អ » ។
អំពី ហ៊ូហ្គោ
អាយុ ៖ ៩ ឆ្នាំ
មកពី ៖ ប្រទេសអេស្តូនី
ភាសា ៖ ភាសាអេស្ដូនី ភាសាអង់គ្លេស
គោលដៅ ៖
១) លេងព្យាណូឲ្យបានល្អជាងមុន ២) រស់នៅជានិរន្ដរ៍ជាមួយគ្រួសាររបស់គាត់ទាំងមូល រួមទាំងជីដូនជីតារបស់គាត់ផងដែរ ។
ចំណង់ចំណូលចិត្ត ៖
-
ការច្រៀងនៅក្នុងក្រុមចម្រៀងអូប៉េរ៉ាថ្នាក់ជាតិអេស្តូនីសម្រាប់កុមារា
-
ការលេងព្យាណូ
-
ការសម្ដែងល្ខោន
-
កីឡាបាល់ទាត់
គ្រួសារ ៖ ម៉ាក់ បងស្រី បងប្រុសពីរនាក់ និងឆ្កែ ឈ្មោះថា អាយឡា
អ្វីដែលហ៊ូហ្គោចូលចិត្ដ
ព្រះគម្ពីរ ៖ នីហ្វៃទី១ ៣:៧
ប្រពៃណីក្នុងគ្រួសារ ៖ ការគូរគំនូរ និងការលាក់ស៊ុតនៅថ្ងៃបុណ្យអ៊ីស្ទើរ
ផ្លែឈើ ៖ ស្វាយ
ពណ៌ ៖ ទឹកក្រូច
ចម្រៀងកុមារ ៖ « ការអធិស្ឋានរបស់កុមារ » ( សៀវភៅចម្រៀងកុមារ ទំព័រ ៦ ) ។
រចនារូបភាពដោយ ស៊ូហ្ស៊ី ហ្គឺរហាត