MisingiImara

Kutafuta Nyumba, Upendo, na Kuwa Sehemu ya

Kielelezo na Jessica Parker

Nilikuwa na miaka sita wakati nilipoondoka kwenye familia yangu ya asili. Ilikuwa ya kuhuzunisha na kuogopesha. Miezi michache baada ya hili kutokea, kwa mara ya kwanza nilisikia kuhusu Yesu Kristo.

Nilianza kuitembelea familia moja ambayo ilikuja kuwa familia ya walezi wangu. Walikuwa na watoto wengi ambao walikuwa wakarimu kwangu na walimpenda Mwokozi. Familia yangu mpya waliniruhusu niende kanisani pamoja nao, na nilihisi salama na mwenye furaha huko.

Ilichukua miaka kadhaa ya kwenda Kanisani na kusoma maandiko kabla ya mimi kuelewa injili ilikuwa ni kitu gani, na nilikuwa na hamu kubwa ya kubatizwa. Nilikuwa na umri wa miaka 12 wakati hatimaye nilipoasiliwa na familia ya walezi wangu, na ndipo niliruhusiwa kubatizwa endapo ningetaka!

Kwenye ubatizo wangu, nilitoa ushuhuda wangu na kuhisi upendo wa Mungu umenizunguka kwa nguvu kubwa.

Kusoma Kitabu cha Mormoni na kujifunza kuhusu Yesu Kristo kumenisaidia nijue kwamba siko peke yangu na kwamba mimi ni mtoto wa Mungu. Hata kama mambo hayaendi jinsi ninavyotaka, Yeye daima atakuwa hapo kwa ajili yangu.

Violet B., Hawaii, Marekani