Maswali na Majibu

“Ninawezaje kuwa mfano kwa wanafamilia wanaotatizika kuishi mafundisho ya Yesu Kristo?”

“Tunakuwa vielelezo kwa waaminio kwa kuishi injili ya Yesu Kristo katika usemi, katika mwenendo, katika upendo, katika imani, na katika usafi. Tunapofanya hivyo, nuru yetu itaangaza kwa ajili ya wengine kuiona.”

Rais Thomas S. Monson (1927–2018), “Kuwa Mfano na Nuru,” mkutano mkuu wa Okt. 2015 (Ensign au Liahona, Nov 2015, 86).

Onesha, Hudumu, na Shiriki

msichana

“Ioneshe familia yako jinsi gani kuishi injili hukufanya uhisi furaha. Unaweza kuwahudumia na kushiriki uzoefu wako pamoja nao. Unaweza pia kuwaalika wamisionari kuwa na jioni ya nyumbani nyumbani kwako.”

Luciana M., 18, Mendoza, Argentina

Tafuta Kuelewa

msichana

“Baadhi ya washiriki wa familia yangu wamefanya baadhi ya mambo ambayo hayako sambamba na viwango vya Mungu. Jaribu kuelewa sababu zao kwa ajili ya kile wanachofanya. Hii haimaanishi wewe ufanye kile wanachokifanya. La muhimu zaidi, wapende bila kujali kile wanachofanya au wanachosema.

Melody E., 13, Texas, Marekani

Mfuate Mwokozi

msichana

“Mimi daima ninajaribu kuwa mfano kwa familia yangu kwa kuzungumza kuhusu mafundisho ya Kanisa. Daima ninajaribu kumuakisi Kristo kwangu mwenyewe. Ninajua kwamba kama ninamfuata Yeye, nitaweza kuwa mfano mwema kwa familia yangu na kusaidia kuleta nuru ya Kristo katika maisha yao.”

Adalia C., 19, Rio Grande do Sul, Brazili

Piga Miziki Yeye Kuinua

msichana

“Ninahakikisha ninazungukwa na vyombo vizuri vya habari ambavyo vinamleta Roho ndani ya nyumba yangu. Kupiga wimbo wa dini kwenye kinanda kunanisaidia nihisi furaha hata kama washiriki wa familia yangu wanatatizika. Endelea kumtegemea Mwokozi kwa ajili ya furaha na amani, hata kama wengine wanaokuzunguka hawafanyi hivyo.

Lauren B., 14, Maryland, Marekani

Wapende

“Huwezi kubadilisha chaguzi za washiriki wa familia yako sawa tu na wao wasivyoweza kubadili zako, lakini daima unaweza kuwapenda. Kristo alionesha upendo mwingi kwa watu ambao hawakukubaliana naye au hata hawakumpenda. Kila mtu ni mtoto wa Mungu, na kupitia upendo wako, wanaweza kuhisi upendo wa Baba wa Mbinguni.

Brooklyn D., 17, Utah, Marekani

Tafuta Kuona kama Kristo Anavyoona

mvulana

“Kuwa na upendo kama wa Kristo na kujaribu kuona zaidi ya udhaifu wao kunaweza kutusaidia tuelewe kile wanachopitia. Yesu Kristo anamwelewa kila mmoja wetu kikamilifu. Na tunaweza kuanza kuona na kuwasaidia wengine kama Yeye anavyofanya kama tutamwomba atuongoze.

John K., 17, Indiana, Marekani

Usihukumu

“Ninajifunza kuwapenda, kuwa mkarimu, na kutowahukumu.”

Logan C., 18, Utah, Marekani

Majibu haya yanakusudiwa kuwa ya msaada na mtazamo, na siyo kama matamko rasmi ya mafundisho ya Kanisa.

Je, Wewe Unafikiria Nini?

“Hakuna mtu shuleni anayeshiriki viwango vyangu. Ninawezaje kuwa na marafiki wema huko?”

Tuma jibu na picha yako kabla ya Agosti 15, 2023.

Tuandikie barua pepe kwenye [e-mail]. Au nenda kwenye ftsoy.ChurchofJesusChrist.org na bofya “Submit Your Work.” Ingia kwa kutumia Akaunti yako ya Kanisa kisha uchague “For the Strength of Youth” kwenye sehemu ya “Choose Magazine.” Bofya “Add File” ili uchague faili na picha zako, kisha ubofye “Submit” ili upakie na utume faili lako.

Majibu yanaweza kuhaririwa kwa ajili ya urefu au ufafanuzi.