Tadiavo ny heriny

Fomba 7 hahazoana ny herin’i Jesoa Kristy

Nosoratan’i Becca Aylworth Wright

Gazetibokin’ny Fiangonana

“I Jesoa Kristy no herin’ny zatovo.” Ahoana no ahafahan’izany ho tonga zavatratena misy ho anao fa tsy teny teny ambara tsy misy lanjany fotsiny?

“I Jesoa Kristy no herin’ny zatovo.” Mihoatra noho ny hevitra tsara izany.Fahamarinana mahery vaika ampianarin’ireo mpaminany sy apôstôly izany¹—saingy refeha ampiharintsika ihany, raha toa ka ataontsika loharanon’ny herintsika i Jesoa Kristy.Nefa ahoana no anaovantsika izany?Ahoana no amelantsika an’i Jesoa Kristy hanampy antsika hihamatanjaka kokoa?Ireto misy hevitra vitsivitsy.

Sary nataon’i Toby Newsome

1 Mandraisa hery avy amin’ny fitandremana ny fanekempihavananao

“Inona no loharanon’izany hery ara-tsafidim-pitondrantena sy ara-panahy izany, ary ahoana no ahazoantsika izany?Andriamanitra no loharano.Ny fomba ahafahantsika mahazo izany hery izany dia amin’ny alalan’ny fanekempihavanana ataontsika Aminy.”

Ny Loholona D. Todd Christofferson ao amin’ny Kôlejin’ny Apôstôly Roambinifolo, fihaonamben’ny Fiangonana maneran-tany, apr. 2009 (Liahona, mey 2009, 20).

2 Mandraisa hery avy amin’ny Famakiana ny teniny

“Ny tenin’Andriamanitra … dia manana ny hery hampatanjaka ny Olomasina … mba hahafahany manohitra ny ratsy sy mifikitra amin’ny tsara ary mahita fifaliana eto amin’ity fiainana ity.”

Ny Filoha Ezra Taft Benson (1899–1994), “The Power of the Word,” apr. 1986 fihaonamben’ny Fiangonana maneran-tany, apr. 1986 (Ensign, May 1986, 80).

Afaka mampitony ny fanahy mikorontana, manome fiadanana, sy fanantenana ary famerenana ny fahatokian-tena amin’ny fahaiza-manao ananan’ny tena hanoherana ny fanambin’ny fiainana ny soratra masina. Manana hery mahery vaika manasitrana ny fanamby ara-pihetseham-po koa izy ireny rehefa mifototra amin’ny finoana ny Mpamonjy.”

Ny Loholona Richard G. Scott (1928-2015) tao amin’ny Kôlejin’ny Apôstôly Roambinifolo, fihaonamben’ny Fiangonana maneran-tany, ôkt. 2011 (Ensign, nôv. 2011, 6).

3 Mandraisa hery avy amin’ny Fitandremana ny didy

“Azo avy amin’ny fibebahana ny fiarovoana antsika.Tonga avy amin’ny fankatoavana ny didin’ Andriamanitra ny herintsika.”

Ny Filoha Gordon B. Hinckley (1910–2008), “The Times in Which We Live,” fihaonamben’ny Fiangonana maneran-tany, apr. 2001 (Ensign, Nov. 2001, 74).

“Raha toa ka mitandrina ny didin’ Andriamanitra ny zanak’olombelona, dia mamelona sy mampahery azy Izy.”

1 Nefia 17:3.

4 Mandraisa hery avy amin’ny fibebahana isan’andro

“Amin’ny alalan’ny finoana ny Sorompanavotan’i Jesoa Kristy sy ny fibebahana amin’ny fahotany, [ny isam-batan’olona] dia mandray hery sy fanampiana hanaovana asa tsara, izay tsy ho azon’izy ireo hazonina raha izy ireo ihany no avela hanao izany.”

Bible Dictionary, “Grace,” Médiathèque de l’Évangile.

5 Mandraisa hery avy amin’ny fikatsahana sy ny fanarahana izay voalazan’ny fanambarana

“Inona no hitranga rehefa mihaino sy mitandrina ary manaraka amin’ny nahim-po kokoa izay nolazain’ny Mpamonjy sy izay lazainy amin’izao fotoana izao amin’ny alalan’ny mpaminaniny ianareo?Mampanantena aho fa hotahiana amin’ny hery lehibe kokoa ianareo hahafahana miatrika ny fakam-panahy sy ny ady ary ny fahalemena. …Ary mampanantena aho fa hitombo ny fahafahanareo mahatsapa fifaliana na dia mitombo aza ireo zavatra mampisafotofoto eo amin’ny fiainanareo”

Ny Filoha Russell M. Nelson, “Henoy Izy,” Fihaonamben’ny Fiangonana maneran-tany, apr. 2020 (Liahona, mey 2020, 90).

6 Mandraisa hery avy amin’ny Vavaka

“Ny hery ara-panahy ananantsika dia hatanjahina amin’ny alalan’ny vavaka.Rehefa mila hevitra amin’ Andriamanitra amin’ny ataontsika rehetra isika dia hotarihiny ho amin’ny tsara.”

Ny Filoha Russell M. Nelson, Fihaonamben’ny Fiangonana maneran-tany, ôkt. 1984 (Ensign, Nov. 1984, 31).

7 Mandraisa hery avy amin’ny fanompoana any amin’ny tempoly

“Mba manokana fotoana ho an’ny Tompo ao amin’ny tranony masina.Tsy hisy zavatra izay hanamafy ny fototra ara-panahinao toy ny fanompoana sy ny fitsaohana ao amin’ny tempoly.”

Ny Filoha Russell M. Nelson, “Manokàna fotoana ho an’ny Tompo,” fihaonamben’ny Fiangonana maneran-tany, ôkt. 2021 (Liahona, nôv. 2021, 121).

“Tena tiako tokoa ny fomba ahazoantsika hery avy amin’i Jesoa Kristy, saingy tsy maintsy mikatsaka izany sy manao asa amim-pinoana isika.”

Grace T., 15 taona, Etazonia

Fanamarihana

1. Jereo ny Ho zatovo mahery!: Torolalana hanaovana safidy (2022), 2.