Hanapin ang Kanyang Lakas

7 Paraan para Ma-access ang Lakas ni Jesucristo

Ni Becca Aylworth Wright

Mga Magasin ng Simbahan

“Si Jesucristo ang lakas ng mga kabataan.” Paano ito maaaring magkatotoo para sa iyo sa halip na isang kasabihan lamang?

“Si Jesucristo ang lakas ng mga kabataan.” Higit pa ito sa isang magandang ideya. Ito ay makapangyarihang katotohanang itinuro ng mga propeta at apostol¹—pero kung ipamumuhay lamang natin ito, kung gagawin nating pinagmumulan ng ating lakas si Jesucristo. Pero paano natin gagawin iyan? Paano natin tinutulutan si Jesucristo na tulungan tayong maging mas malakas? Narito ang ilang ideya.

Mga larawang-guhit ni Toby Newsome

1 Tumanggap ng Lakas mula sa Pagtupad sa Iyong mga Tipan

“Ano ba ang pinagmumulan ng ganoon kalakas na moral at espirituwal na lakas, at paano natin ito matatamo? Diyos ang pinagmumulan nito. Matatamo natin ang lakas na iyon sa pamamagitan ng ating mga tipan sa Kanya.”

Elder D. Todd Christofferson ng Korum ng Labindalawang Apostol, pangkalahatang kumperensya ng Abr. 2009 (Ensign o Liahona, Mayo 2009, 20).

2 Tumanggap ng Lakas mula sa Pagbabasa ng Kanyang Salita

“Ang salita ng Diyos … ay may kapangyarihang patibayin ang mga Banal … upang mapaglabanan nila ang kasamaan, makakapit sila nang mahigpit sa kabutihan, at makasumpong sila ng kagalakan sa buhay na ito.”

Pangulong Ezra Taft Benson (1899–1994), “The Power of the Word,” pangkalahatang kumperensya ng Abr. 1986 (Ensign, Mayo 1986, 80).

“Kayang panatagin ng mga banal na kasulatan ang balisang kaluluwa, at magdulot ng kapayapaan, pag-asa, at pagbabalik ng tiwala ng isang tao sa kanyang kakayahang labanan ang mga hamon ng buhay. May [mabisang] kapangyarihan itong panatagin ang mga nasaktang damdamin kapag mayroong pananampalataya sa Tagapagligtas.”

Elder Richard G. Scott (1928–2015) ng Korum ng Labindalawang Apostol, pangkalahatang kumperensya ng Okt. 2011 (Liahona, Nob. 2011, 6).

3 Tumanggap ng Lakas mula sa Pagsunod sa Kanyang mga Utos

“Nakasasalay ang ating kaligtasan sa pagsisisi. Ang lakas natin ay nagmumula sa pagsunod sa mga kautusan ng Diyos.”

Pangulong Gordon B. Hinckley (1910–2008), “Sa Panahon Natin Ngayon,” pangkalahatang kumperensya ng Okt. 2001 (Liahona, Ene. 2002, 74).

“At kung mangyayari na ang mga anak ng tao ay susunod sa mga kautusan ng Diyos kanya silang palulusugin, at [palalakasin].”

1 Nephi 17:3.

4 Tumanggap ng Lakas mula sa Araw-araw na Pagsisisi

“Sa pamamagitan ng pananampalataya sa Pagbabayad-sala ni Jesucristo at pagsisisi sa kanilang mga kasalanan, [ang mga indibiduwal] ay tumatanggap ng lakas at tulong na gumawa ng kabutihan na hindi nila magagawa sa sarili lamang nilang kakayahan.”

Gabay sa mga Banal na Kasulatan, “Biyaya,” Gospel Library.

5 Tumanggap ng Lakas mula sa Paghahangad at Pagsunod sa Paghahayag

“Ano ang mangyayari kapag mas hahangarin ninyong pakinggan, marinig, at pansinin ang sinabi ng Tagapagligtas at ang sinasabi Niya ngayon sa pamamagitan ng Kanyang mga propeta? Ipinapangako ko na pagpapalain kayong magkaroon ng ibayong kapangyarihan na harapin ang mga tukso, paghihirap, at kahinaan. … At ipinapangako ko na ang inyong kakayahang magalak ay madaragdagan kahit tumitindi ang mga panliligalig sa inyong buhay.”

Pangulong Russell M. Nelson, “Pakinggan Siya,” pangkalahatang kumperensya ng Abr. 2020 (Ensign o Liahona, Mayo 2020, 90).

6 Tumanggap ng Lakas mula sa Panalangin

“Lumalakas ang ating espirituwal na koneksyon sa Diyos sa pamamagitan ng panalangin. Kapag humingi tayo ng payo sa Diyos sa lahat ng ating ginagawa, gagabayan Niya tayo sa kabutihan.”

Pangulong Russell M. Nelson, pangkalahatang kumperensya ng Okt. 1984 (Ensign, Nob. 1984, 31).

7 Tumanggap ng Lakas mula sa Paglilingkod sa Templo

“Mangyaring maglaan ng panahon para sa Panginoon sa Kanyang banal na bahay. Ang paglilingkod at pagsamba sa templo ang magpapalakas ng inyong espirituwal na pundasyon.”

Pangulong Russell M. Nelson, “Maglaan ng Oras para sa Panginoon,” pangkalahatang kumperensya ng Okt. 2021 (Liahona, Nob. 2021, 121).

“Gusto ko talaga ang pagkakaroon natin ng access sa lakas mula kay Jesucristo, pero kailangan nating hangarin iyon at kumilos nang may pananampalataya.”

Grace T., 15, USA

Tala

1. Tingnan sa Para sa Lakas ng mga Kabataan: Isang Gabay sa Pagpili (2022), 2.