E Señor Tin un Plan pa Nos!

Pa Elder Carlos A Godoy

Di e Setentanan

Si nos sigui biba e manera ku nos ta bibando, e bendishonnan primintí lo wòrdu kumpli?

E ta un privilegio grandi di ta parti di e momentu históriko ora oradornan di konferensha general tin e opshon di papia den nan idioma nativo. E delaster biaha ku mi a papia for di e pulpito aki, mi tabata preokupá riba mi asento ingles. Awor, mi ta preokupá riba e velosidat di mi Portugues. Mi no ke papia mas lihé ku e suptítulonan.

Nos tur a eksperienshá f lo[tin ku bai] eksperenshá momentunan di desishonnan grandi den nos bidanan. Mi mester sigui e karera aki of esun aya? Mi mester sirbi un mishon? Esaki ta e persona korekto pa mi kasa ku n’e?

Esaki ta situashonnan den diferente arianan den nos biba kaminda un kambio chikí den direkshon por tin konsekuensianan signifikativo den futuro. Ku e palabra di Presidente Dieter F. Uchtdorf; “Durante añanan di sirbi e Señor…,mi a siña ku e diferensia di felisidat i tristesa di individuonan, den matrimonionan, i famianan ta un eror di algun gradonan.” (“A Matter of a Few Degrees,” Ensign ofLiahona, May 2008, 58).

Kos nos por evitá e kalkulashonnan di erornan chikí?

Mi ta usa un eksperiensha personal pa ilustrá mi mensahe.

Na e fin di e añanan 1980, nos famia yòn tabata konsistí di mi kasá, Mónica, dos di nos kuater yunan, i ami. Nos tabata biba na São Pualo, Brasil, ami tabata traha pa un bon kompania, i mi a kaba mi estudio na universidat i tambe mi a wòrdu relevá komo Obispu di mi bario kaminda nos tabata biba. E bida tabata bon, i tur kos tabata parse di ta manera e mesterta—te ora un dia un amigu bieu a bini bishitá nos.

Na e konklushon di su bishita, el a hasi un komentario i a hasi un pregunta ku a mishi ku mi konvikshonnan. El a bisa, “Carlos, ta parse ku tur kos ta bayendo bon pa bo, bo famia, i bo karera, i bo servisio den e Iglesia, pero—“ i despues a bini e pregunta, “si bo sigui biba manera bo ta bibando, e bendishonnan primintí den bo bendishon patriarkal lo wòrdu kumpli?

Hamas mi a pensa riba mi bendishon patriarkal di a manera ei. Mi a les’éde bes en kuando pero nunka ku e intenshon di mira [mas] dilanti te na bendishonnan primintí i evaluando kon mi tabata biba den presente.

Despues di su bishita, mi a pone mi atenshon riba mi bendishon patriarkal, puntrando mi mes, “si nos sigui biba manera nos ta bibando, e bendishonnan primintí lo wòrdu kumpli? Despues di pensa riba dje, mi tabatin a pensamentu ku algun kambio tabata nesesario, partikularmente den e relashon ku mi edukashon i trabou.

E no tabata un desishon entre loke tabata korekto of malu pero entre loke tabata bon i mas bon, manera Elder Dallin Hn Oaks a siña ora el a bisa: “Miéntras nos ta konsiderá diferente desishonnan, nos mester kòrda ku e no ta basta ku algu ta bon. Otro desishonnan ta mihó, i tin otronan ku ta esnan di mas mihó” (“Good, Better, Best,” Ensign or Liahona, Nov. 2007, 104–5).

Kon nos por sigurá ku nos ta tuma e mihó desishon?

Aki ta algun prinsipio ku mi a siña.

Prinsipio Number Unu: Nos Mester Konsiderá Nos Opshonan ku e Fin den Mente

Tumando desishonnan ku por afektá nos bidanan i [di] esnan ku nos ta stima sin e vishon mas grandi di nan konsekuensianan por krea riesgonan. Pero, si nos ta proyektá e posibel konsekuensianan di e desishonnan den e futuro, nos por mira ku mihó klaridat e mihó kaminda pa tuma den e presente.

Komprondiendo kken nos ta, di kon nos ta aki, i kiko e Señor ta spera di nos durante a bida aki lo yuda nos pa yega e vishon mas grandi ku nos mester.

Nos por haña ehèmpelnan den e skrituranan kaminda un vishon mas grandi a duna klaridat tokante kua kaminda mester tuma.

Moises a papia ku e Señor kara pa kara, i a siña tokante di e plan di salbashon, i asina a komprendé su papel komo profeta di e unifikashon di Israel.

I Dios a papia ku Moises, bisando: Awor, Mi ta e Señor Dios Todopoderoso. …

I lo Mi mustra bo e obra di mi mannan. …

I mi tin un obra pa bo, Moises, mi yu (Moises 1:3–4, 6).

Ku e komprendementu aki, Moises tabata por perserverá hopi añanan di tribulashon den a desierto i guia Israel bèk na su kas.

Lehi, e profeta grandi di e Buki di Mormon, a soña un soño, i den su vishon el a siña di su mishon pa guia su famia na e tera primintí.

“I a sosodé ku e Señor a manda mi tata, asta den un soño, pa e tuma su famia i bai den e desierto.

“… I el a sali bai den e desierto [i a laga atras], e tera di su herensia, i su oro, i su plata, i su kosnan presioso” (1 Nefi 2:2, 4).

Lehi a keda fiel na e vishon aki apesar di e difikultatnan di e biahe i ku e tabatin ku laga su bida konfortabel pa tras na Yerúsalèm.

E Profeta Jose Smith ta otro ehèmpel grandi. Pa medio di hopi revelashon, kuminsando ku e Promé Vishon, e tabata por a kompletá su mishon di restorá tur kos (wak Joseph Smith—History 1:1–26).

I kon ta ku nos? Kiko e Señor ta spera di kada unu di nos?

Nos no mester wak un angel pa optené komprenshon. Nos tin e skrituranan, e tèmpel, profetanan bibiente, nos bendishon patriarkal, lidernan inspirá, i, mas ku tur kos, e derecho pa risibí revelashon personal pa guia nos desishonnan.

Prinsipio Number Dos: Nos Mester ta Prepará pa e Desafionan Ku Lo Bini

E mihó kamindanan kasi nunka ta esnan mas fásil. Hopi biaha, e ta e kontrario. Nos por wak e ehèmpelnan di e profetanan ku mi a kaba di menshoná.

Moises, Lehi, i Jose Smith no tabatin bidanan fásil i tòg di e hecho ku nan desishonnan tabata korekto.

Nos ta dispuesto pa paga e presio di nos desishonnan? Nos ta prepará pa sali nos zonanan di komodidat pa alkansá un lugá mihó?

Bolbiendo na e eksperiensha ku mi bendishon patriarkal, mi a yega na e konklushon den e tempu ei ku mi tabatin mester di buska edukashon adishonal i apliká pa un beka na un universidat Merikano. Si mi wòrdua selekshoná, lo mi mester a laga mi trabou, bende tur kos ku nos tabatin, i bai biba na Merka komo un studiante ku beka pa dos aña.

E èksamennan manera TOEFL i GMAT and bira e promé desafio pa mi vense. El a tuma tres aña largu di preparashon, hopi ”no”, i algun ”kisas” promé ku mi a wòrdu akseptá na e universidat. Ainda mi ta kòrda e yamada di telefon ku mi a risibí na final di e di tres aña for di e persona responsabel pa mi beka.

El a bisa, “Carlos, mi tin un algun bon notisia i un algun mal notisia pa bo. E bon notisia ta ku bo ta entre e tres finalista di e aña aki,” Solamente tabatin un lugá habrí e tempu ei. “E mal notisia ta ku un di e kandidatonan ta e yu di un hende importante, e otro ta e yu di un otro hende importante, i despues ta bin abo.”

Lihé mi a kontest’é, “I ami … ami ta un yu di Dios.”

Felismente e mayornan terenal no tabata e faktor desisivo parentela, i mi a wòrdu akseptá e aña ei, den 1992.

Nos ta yunan di Dios Todopoderoso. E ta nos Tata, E ta stima nos, E tin un plan pa nos. Nos no ta akinan den e bida aki pa malgastá nos tempu, bira bieu, i muri. Dios ke pa nos krese i alkansá nos potensial.

Den e palabra di Presidente Thomas S. Monson: “Kada un di bosnan, soltero, of kasá, no importá e edat, tin e oportunidat pa siña i krese. Ampliá bosnan konosementu, tantu intelektual komo spiritual, te na estatura kompleto di bosnan potensial divino.” (“The Mighty Strength of the Relief Society,” Ensign, Nov. 1997, 95).

Prinsipio Number Tres: Nos Mester Kompartí e Vishon aki ku Hende ku Nos ta Stima

Lehi a hasi mas ku algunr di intentonan pa yuda Laman i Lemuel komprendé e importansia di e kambio ku nan tabata hasi. E hecho ku nan no a kompartí e vishon di nan tata a kousa ku nan a keha durante su biaha. Nefi, di otro banda, a buska e Señor pa e por wak loke su tata a wak.

I a sosodé ku despues ami, Nefi, a tende tur e palabra di mi tata, konserniente e kosnan ku el a wak den su vishon,…ami…tabata deseá ku ami por wak tambe, i tende, i sa e kosnan ei, pa medio di e poder di e Spíritu Santu. (1 Nefi 10:17).

Ku e vishon ei, Nefi no solamente por a vense e desafionan di su biaha pero tambe [por a] guia su famia ora esaki tabata nesesario.

E ta probabel ku ora nos disidí di tuma un sierto kaminda, e hende ku nos ta stima lo ta afektá i algun lo kompartí e resultadonan di e desishon ei . Lo ta Ideal, nan lo mester wak e meskos ku nos i kompartí nos mesun konvikshonnan. Esaki no semper ta posibel, pero ora e ta sosodé, e biaha ta mas fásil.

Den e eksperiensha personal ku mi a ilustrá, sin duda mi tabatin mester di e apoyo di mi kasá. E yunan ainda tabata chikí i no tabatin hopi pa bisa, pero e apoyo di mi kasá tabata esensial. Mi ta kòrda, ku promé, Mónica i ami tabatin ku diskutí e kambio di plannan te ora el a sinti kómodo i komprometé [su mes]. E vishon kompartí aki a hasié no solamente apoyá e kambio pero pa bira un parti esensial den su éksito.

Mi sa ku e Señor tin un plan pa nos den e bida aki. E konosé nos. E sa loke ta mihó pa nos. Djis pasó e kosnan ta bayendo bon no ker men ku nos no mester konsiderá ku tin algu mihó. Si nos ta sigui biba manera nos ta bibando, e bendishonnan primintí lo wòrdu kumplí?

Dios ta biba. E ta nos Tata. E Salbador JesuCristu ta biba, i mi sa ku solamente pa medio di Su sakrifisio ekspiatorio nos por haña e forsa pa vense nos desafionan diario. Den e nòmber di JesuCristu amèn.