No Bagatelisá ku Kosnan Sagradoado

Pa Elder Larry S. Kacher

Di e Setentanan

Eksaminá boso eskoho pa medio di puntra boso mes e pregunta, “Mi desishonnan ta plantá firma den e suela riku di e evangelio di JesuCristu.

Rumannanhòmber, e desishonnan ku nos ta hasi den e bida aki ta afektá hopi e kurso di nos bida eterno. Tin forsanan tantu visibel komo invisibel ku ta influenshá nos desishonnan. E punto aki a yega mi kas un sinku aña pasá di unmanera ku kasi a kosta mi hopi karu.

Nos tabata biahando ku famia i amigunan na e parti sur di Oman. Nos a disidí pa relahá na playa banda e kosta di e osean Indiko. Djis despues nos a yega, nos yu muhé di djeseis aña, Nellie, a puntra si e por a landa te na un lugá ku e tabata kere ku ta ref. Notando e awa tabata agitá, mi a bis’é ku mi lo bai promé, pensando ku por ta tin korientenan peligroso.

Despues di landa un ratu, mi a yama mi kasá, puntrando si mi tabata serka di e ref. Su kontesta tabata, “Bo a pas’é kaba.” Sin sa mi tabata trapá den un koriente peligroso¹ ku tabata halá lihé mi leu pa laman.

Mi no tabata tin sigur kiko pa hasi. E úniko kos ku mi por pensa pa hasi tabata pa drai i landa bèk te na kosta. Esaki tabata e kos eksakto ku mi no mester hasi. Mi a sinti mi indefenso. Forsanan pafó di mi kòntròl tabata halá mi mas leu den e laman. Loke a hasi kosnan pió tabata ku mi kasá, konfiando den mi desishon, a siguí mi.

Rumannan hòmber, mi a pensa ku tabatin un bon chèns ku mi no lo sobrebibí i ku ami, pa medio di mi desishon, tabata bai kousa e morto di mi kasá. Despues di gran esfuerso i loke ku mi ta kere tabata ku tabata intervenshon divino, di algun manera [òf otro] nos pianan a mishi ku e fondo di santu i nos por a kana ku seguridat bai bèk na nos amigunan i yua muhé.

Tin hopi koriente den e bida mortal aki—tin ta sigur i otronan no. Presidente Spencer W. Kimball a siña ku tin forsanan poderoso den nos propio bidanan ku ta manera e korientenan invisibel di e laman.² E forsanan aki ta real. Nunka nos lo mester ignorá nan.

Laga mi bisa bosnan ofer di otro koriente, un koriente divino, ku a bira un bendishon grandi den mi bida. Mi ta konverso di Iglesia, Promé dku mi konvershon, e ambishon di mi bida tabata pa ski i, komo konsekuensia, mi a muda pa Oropa despues di skol selundario pa kumpli ku mi deseo. Despues di diferente luna,loke a parse di ta e bida ideal, mi a sinti ku lo mi mester a despedí. E tempu ei mi no a komprendé e fuente di e sentimientu, pero mi a skohe pa sihuié. Mi a yega na Provo, Utah, ku un par di bon amigu ku, manera ami, tabata miembronan di un fe diferente.

Miéntras mi tabata na Provo, mi a konosé hende ku tabata biba un bida [hopi] diferente ku mi tabata biba. Mi a sinti mi atraé na nan, maske mi no tabata sa di kon. Den promé, mi a risistí e sentimientunan ei, pero pronto mi a haña un pas i konsuelo ku hamas mi a konosé promé. Mi a kuminsá aseptá un koriente diferente—un ku a hibá mi na un komprendimentu di un Tata Celestial amoroso i na Su Yu, JesuCristu.

Mi a wòrdu bautisá ku mi amigunan den 1972. E koriente nobo aki ku mi a skohé pa sigui, e evangelio di JesuCristu, a duna direkshon i nifikashon na mi bida. Pero, maske e tabatin su desafionan. Tur kos tabata nobo pa mi. Tabatin tempunan ku mi a sinti mi perdí i konfundí. Preguntanan i desafionan tabata bini for di mi amigunan i famia.

Mi mewter a tuma un desishon. Algun di nan preguntanan a krea duda i inseguridat. E desishon tabata unu importante. Unda lo mi mester bai pa kontestanan. Tabatin hopi hende ku tabata ker a konbensé mi di e eror di mi manera di biba—korientenan peligroso a determiná pa halá mi for di e koriente di pas ku a bira un fuente di felisidat. Mi a siña klaramente e prinsipio ku tin “oposishon den tur kos” i e importansia di aktuá pa mi mes i no laga mi albredio [den man di] otronan.³

Mi a puntra mi mes, “Di kon mi lo bandoná algu ku a duná mi hopi konsuelo?” Manera e Señor a kòrda Oliver Cowdery, Mi no a papia pas den bo mente konserniente e asunto?⁴ Mi eksperiensia tabata similar. P’esei, mi a bolbe, ku un kompromiso aionda mas grandi, na un Tata Celestial amoroso, na e skrituranan, i na amigunan di konfiansa

Te ainda tabata tin hopi pregunta ku mi no por kontestá. Kon lo mi atendé e inseguridat ku nan a krea? Na lugá di laga nan destruí e pas i felisidat ku a bini den mi bida, mi a skohe pa pone nan un banda pa un tempu, konfiando ku den e tempu di Señor, E lo bai rebelá tur kos. Mi a haña pas den Su deklarashon na e Profeta Jose: Ata awor, bosnan ta muchanan chikí i bosnan no por soportá tur kos awor; bosnan mester krese den grasia i den konosimentu di e bèrdat.⁵ Mi a skohe pa no kita di for di loke ku mi sa ku tabata bèrdat, dor di sigui un koriente deskonosí i dudoso—un koriente kupotensial peligroso. Manera Presidente N. Eldon Tanner a siña, “mi a siña “k uta [hopi] mas sabí i mihó pa hòmber aseptá e bèrdatnan simpel di e evangelio … i pa aseptá pa medio di fe e kosnan ku e no por komprendé.”⁶

Esaki ker men ku no tin lugá pa investigashon honestu? Puntra e mucha hòmber ku a buska refugio den un mondi sagrado pa sa na kua di tur e iglesianan e mester a uní [su mes]. Tené e Doctrina i Convenios den boso mannan, i sa ku e mayoria di loke a wòrdu revelá den e registro inspirá tabata resultado di un buskeda humilde pa e bèrdat. Manera Jose a haña sa, Si kual kier di bosnan ta falta sabiduria, lag’é pidi na Dios, ku ta duna na tur hòmber … i e lo wòrdu duná na dje.⁷ Pa medio di hasi pregunta sinsero i pa medio di buska kontestadivino, nos ta siña liña pa liña, presepto pa presepto⁸ miéntras nos ta haña mas konosimientu i sabiduria.

E pregunta no ta “tin lugá pa investigashon honestu, i sinseru?” pero “Unda mi ta bai pa haña bèrdat ora mi tin preguntanan?” “Lo mi ta basta sabí pa tene na loke mi sa ku ta berdadero apesar di un par di preguntanan ku mi por tin?” Mi ta tèstifiká ku tin un fuente divino—Un ku sa tur kos—e fin for di e kuminsamentu. Tur kos ta presente dilante di dje.⁹ E skrituranan ta testifiká ku E no ta kana riba kamindanan malu … tampoko e [no] ta variá di loke ku el a bisa.¹⁰

Durante e biaha mortal hamas nos mester pensa ku nos desishonnan ta afektá nos so. Resientemente, un mucha hòmber a bishitá mi kas. E tabatin un bon spiritu, pero mi a sinti ku e no tabata partisipá totalmente den e aktividatnan di Iglesia. El a bisá mi ku el a wòrdu kriá na un kas di evangelio te ora su tata tabata infiel na su mama, resultando den nan divorsio i a influenshá tur su rumannan pa duda e Iglesia i no bai mas. Mi kurason tabata pisá miéntras mi a papia ku e tata yòn ei ku awor, afektá pa e desishonnan di su Tata, tabata kria e spiritunan presioso pafó di e benishonnan di e evangelio di JesuCristu.

Otro hòmber ku mi konsosé, un miembro di Iglesia ku un tempu tabata fiel, tabatin preguntanan tokante di sierto doktrina. Na lugá di pidi nos Tata Celestial pa kontesta, el a desidí di konfiá solamente e fuentenan secular pa guia. Su kurason a desviá den e direkshon kontrali miéntras el tabata buska loke tabata parse e honornan di hòmber. Kisas su orguyo a wòrdu satisfasé, por lo méenos pa un tempu, pero e tabata kòrtá for di e podernan di shelu.¹¹ Na lugá di haña bèrdat, el a pèrde su testimonio i a hiba hopi miembronan di famia ku ne.

E dos hòmbernan aki a kai den trampá di koriente invisibel i peligroso i a hiba hopi hende ku nan.

Na otro banda, mi ta pense ku LaRue i Louise Miller, e mayornan di mi kasá, apesar di no tin hopi poseshonnan di mundu, a skohe pa siña e doktrina puro di e evangelio restourá na su yunan i pa biba esaki tur dia den nan bidanan. Pa medio di es’éi nan a bendishoná nan posteridat ku e frutanan di e evangelio i e speransa di bida eterno.

Na nan kas, nan a establesé un patronchi kaminda e saserdosio ta wòrdu respetá, kaminda amor i harmonia ta den abundansia, i kaminda e prinsipionan di e evangelio ta[bata] dirigí nan bidanan. Louise and LaRue, banda di otro, a demonstrá loke kermen biba bidanan manera esun di JesuCristu. Nan yunan por wak klaramente kua koriente di bida lo trese pas i felisidat. I nan a skohe di acuerdo ku esaki. Manera Presidente Kimball a siña, “Si nos por krea … un koriente fuerte, i kontinuo ku ta hiba na nos meta di bida rekto, nos i nos yunan por wòrdu hibá dilanti apesar di e bientunan kontrali di desafionan, desepshon, i tentashonnan.”¹²

Nos desishonnan realmente ta importante? Nan ta afektá nos so? Nos a pone nos kurso firmemente den e koriente eterno di e evangelio restourá?

De bes en kuando, mi tin un imagen ku ta molestiá mi. Ki lo a pasa si riba e dia di Séptémber ei, miéntras mi tabata relahá na e playa di e Osean Indiko, mi lo a bisa mi yu muhé Nellie, “Si, bai dilanti, Landa te na ref.” Of si e tambe a sigui mi ehèmpel i no por a landa bai bèk? Ki lo a pasa si mi tabatin ku biba sabiendo ku mi ehèmpel a resultá ku el a wòrdu halá den e koriente peligroso di laman, pa no bolbe mas.

E korientenan ku nos ta skohe pa sigui ta important? Nos ehèmpelnan ta importante?

Nos Tata Celestial a bendishoná nos ku e regalo supremo di e Spíritu Santu pa guia nos desishonnan. El a primintí nos inspirashon i revelashon si nos ta biba digno pa hañ’éle. Mi ta invitá bosnan pa tuma bentaha di e regalo divino aki i eksaminá boso desishonnan pa medio di puntra boso mes, “Mi desishonnan ta plantá firme den e suelo riku di e evangelio di JesuCristu.?” Mi ta invitá bosnan di hasi kual kier ahuste ku ta nesesario, sea chikí or grandi, pa asegurá e bendishonnan eterno di e plan di nos Tata Celestial tin pa bosnan i pa e esnan bosnan ta stima.

Mi ta testifiká ku JesuCristu ta nos Salbador i Redentor. Mi ta testifiká ku e konbenio ku nos ta hasi ku ne ta sagrado i santu. Nos ta wòrdu siñá ku nunka nos mester bagatelisá e kosnan sagrado.¹³ Ku nos por keda fiel pa semper, mi ta roga den e nòmber di JesuCristu, amèn.