![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F22%2F18%2F22189e67fcdbd2e7459912d4eed4b10e174f4ae8%2F22189e67fcdbd2e7459912d4eed4b10e174f4ae8.jpeg/full/!250,/0/default)
Chon Pwarata, Mwichen Chon ewe Pristut seni Aaron, me Mwichen Fopun
Ekkewe ekesiwin sia awora porous won ar repwe anisi ekkewe anuon me ekewe fopun ar repwe tongeni mamarita non pekin ngun.
Pwi me fefinei mi acheingicheing, mi murrino ai upwe nom sefan remi non ei mwichenapen Mwichefen. Non ei wik, a wor kapas esinesin ngeni chon ewe Mwichefen ussun ekkoch ekesiwin non annuk fan iten ion mi tongeni wiseni wisen chon pwarata ren papatais me ririfengen. Ua mochen poraus usun ekkei unungat mettoch.
-
Emon mi wor noun taropwen mummutan an epwe papatais fan iten emon mi mano non tempel, a tongeni chon pwarata ren emon a wor noun taropwen mumutan non tempel pwan ekkewe mi kouk.
-
Chon ewe Mwichefen mi fen angei ar endowment mi wor nour taropwen mumutan tonong non tempel ir mi tongeni wisen chon pwarata ngeni angangen riri, fan iten ekkewe mi manau me ekkewe mi mano.
-
Emon chon ewe Mwichefen mi fen papatais mi tongeni wisen chon pwarata ren angangen papatais fan iten emon mi manau. Ei ekesiwin epwe fis ren papatais meinisin nukun ewe tempel.
Ekkei ekesiwinin annuk mi chok ekesiwin kokkotun. Ekewe auchean doctrine and covenants rese tongeni ekesiwin. ir remi chok nono auchear non pwan ekoch annuk. Ekkei ekesiwin repwe anapano an famini repwe fiti ekkei angangen annuk pwisin.
Ua pwan mochen kapas ngenikemi non ei fansoun ren ai upwe pwarata ekkoch ekesiwin ren nouch kewe serafo me nour kewe souemwen.
Oupwe chechemeni pwe ua fen tingorei ekkewe sarafon Ewe Mwichefenin Jises Kraist ren Aramas mi Pin non Fansoun Soponon ar repwe fiti noun ewe Samon ewe mwichen sounfiu sarafo ren ar repwe fiti ewe auchean angang won ei fonufan ikenai—ewe chusefanin Israel.1 Ua fen tingorei nouch serafo pokiten ra kon angangoch ar repwe kapas ngeni ekkoch me aporausa met ra nuku non och napanap minne aramas repwe nuku. Ewe angangen ewe chusefan mi namwot ren ach sipwe ammonata ewe fonufan me aramasan fan iten ewe Oruan Niwinsefaniton ewe Samon.
Non eu me eu wart, ewe mwichen sounfiun serafo noun ewe Samon a emwen me ren emon pisop, emon chon angangen Kot mi nukuchar. Aewin me auchean wisan an epwe tumunu ekkewe anuon me fopun non an ewe wart. Ewe pisop me noun kewe chon aninis ra emweni angangen ekkewe mwichen chon ewe Pristut seni Aaron me mwichen Fopun non ewe wart.
Ekkewe ekesiwin sia awora porous won ar repwe anisi ekkewe anuon me ekewe fopun ar repwe tongeni mamarita non pekin ngun. Sia pwan mochen apochokunata ekkewe mwichen chon ewe Pristut seni Aaron me ekewe mwichen Fopun me anisi ekkewe pisop me ekkewe souemwen ren ar angang ngeni ewe minefon tappin aramas.
Iei Elter Quentin L. Cook epwe aporausa ekkei ekesiwin mei akoko ngeni ekkewe anuon. Me nepwinei, non ewe mwichen fefin, Sister Bonnie H. Cordon, Presetenin Mwichen ekkewe Fopun Unusan, epwe aporausa ekkewe ekesiwin mei akoko ngen ekkewe fopun.
Ewe Aewin Prestensi me ekkewe Engon me Ruemon ra chufengen ne apungono ekkei mokutukut ach sipwe apochokuna nouch kewe serafo. O, sia ennetin tongeiir me iotek fan iter! Ir ekkewe “apinukunukun Israel, sounfiun Saion, me ir chon non ewe ranin pon.”2 Sia pwarano ach pwapwaiti ekewe sarafo ra fokun pochokun me apasa ach kinisou ngenir. Non iten Jises Kraist mi pin, amen.