Melkisedek Prihsduhd oh kih kan
Nan Mwomwohdiso mweimwei en prihsduhd kin wiawi pahn kawehid pen koun en prihsduhd men me kin kolokol kih koaros en prihsduhdo.
I pilada ien ekis kosoia duen prihsduhd en Koht, padahk wet miehier meh silimen me kosoia me prihsduhd wet pahn kapaiada serepein pwulopwul kan, pwutak pwulopwul kan, oh lih akan.
Prihsduhd iei manaman oh mweimwei sarawi me kin neknek pwe en kin wia sapwelimen Koht doadoahk ong kamwaupen sapwelime serikan koaros. Prihsduhd kaidehn irail me katengtengdieng pwukoah en prihsduhd de me kin wie doadoahngki. Ohl me kolokol prihsduhd kaidehn irail prihsduhd. Eri kitail en dehr koasoakin irail en kasarawihla ohlakan ong prihsduhd, ah e konehng kitail en koasoakin irail me kin kolokol prihsduhd oh.
Manaman en prihsduhdo kin mihmi nan Mwomwohdiso oh pil nan pwihn en peneinei. Ahpw manaman en prihsduhd oh mweimwei en prihsduhd ara doadoahk sohte duepene nan mwomwohdiso oh nan peneinei. Mepwukat koaros e wiawisang tepin tiahk kan me Koht ketkihda. Kahrepen Sapwelimen Koht koasondi iei pwe en kahlua sapwelime seri kan ong mour soutik. Peneinei en nan mour et koasoamwpwal ong sapwelimen Kauno kosoandi. Mwomwodiso wet mieier pwe en kihda dahme pwung kan, manaman akan. oh tiahk sarawi kan me konehng en kounopada peneinei kan en ehupene ong mour soutik. Eri, pokon en Peneinei kan oh Mwomwohdiso en Sises Krais ahneki kehlail ni arail kin ehupene. Kapai kan en prihsduhd—me duwehte rongamwahu unseko oh pil tiahk sarawi kan me duwehte pepdais, katengtengdi oh alehda kisakis en Ngehn Sarawi, doahdoahk en nan tehnpas sarawi, oh pwopwoud soutuk—kin kohiong ohl oh lih akan koaros.1
Prihsduhd me kitail kosokosoia wasaht iei Melkasidek Prihsduhd, kapwurupwurdo sang ni tepin Kapwurupwurdohn rongamwahu o. Sohsep Smith oh Oliver Cowdery kasarawilahr sang Peter, Seims, oh Sohn, me kasalehda me irail “kolokol kih koaros en kanimwo, oh ansou unseko nan irair en ansouet” (Doctrine and Covenants 128:20). Irail Wahnparon me wereilahr kat alehdi manaman wet sang rehn Pein Sounkomour o. Koaros mweimwei kan de ohpis en nan prihsduhd kan wia mehn kapatapat kei ong Melkasidek Prihstuhd (Tehk Doctrine and Covenants 107:5), pwe e “kolokol pwung en presiden, oh e kolokol manaman oh mweimwei pohn ohpis koaros en nan mwomwohdiso wet ni sounpar koaros nan sampah” (Doctrine and Covenants 107:8).
Nan Mwomwohdiso wet, manaman en prishduhd laudo, me iei Melkasidek Prihsduhd, oh me tikitik o de Aaronic Prihsduhdo kin doadoahk pahn kaweid en kaunen prihsduhd o, me duwehte pisop de presiden, me kolokol kih kan koaros en prihsduhd. Pwe kitail en wehweki oh doadoahki prihsduhd oh manaman nan Mwomwodiso wet kitail anahne ese oh wehweki kesempwal poan kih kan en prihsduhd.
Kih kan en Melkasidek prihsduhd en nan kanihmwo kohdo sang rehn Peter, James, oh John, ahpw met e sohte kaunsekehla kapwurupwurdohn kih kan en prihsduhd. Ekei kih en prihsduhd kohdo mwuhr. Mwurinte kasarawihn tehnpas sarawi en nan mwehi et nan Kirtland, Ohio, soukohp silimen, Moses, Elias, oh Elijah—kapwurehdo “kih kan en mweih et,” pil iangahki kih kan en kapwurupwur penehn Isreal oh doadoahk en tehnpas en Kauno (Tehk Doctrine and Covenants 110), nin duen Presiden Eyring eh apwtehn kawewehda ni sansal.
Karasaras me keieu mwahu en doadoahk ki kih kan iei nan doadoahk sarawi kan en prihsduhd. Tiahk sarawi iei doadoahk wahu ehu me kin kawewehda duwen wiahda inou sarawi kan oh inou en kapai kan. Nan Mwomwodiso, tiahk sarawi koaros kin wiawi pahn mweimwei en kaun en prihsduhd men me kolokol kih kan en tiahk sarawi o.
Tiahk sarawi kin wiawi sang emen aramas me kasarawihong nan ohpis en prihsduhd me kin doadoahk pahn kaweid en emen me kolokol kih kan en prihsduhd. Ni karasepe, irail akan me kolokol ohpis en Aaronic Prihsduhd doadoahk nan kasarawihn kamadipw sarawi pahn manaman en kih oh kaweid en pisop, me kolokol kih kan koaros en Aaronic Prihsduhd. Pil songen doadoahk kesempwalo pil kin doadoahk ong lih akan me kin doadoahk nan tehnpas sarawi pahn manaman en prihsduhd. Mendahte lih akan ah sohte kin iang kolokol ohpis en prishsduhd, irail kin wia doadoahk sarawi kan pahn manaman en presiden en tehnpas sarawio, me kolokol kih kan ong tiahk sarawi kan en tehnpas sarawi.
Ehu karasaras en manaman en prihsduhd pahn kaweid en ih me kolokol kih kan iei padahk en ohl oh lih akan me ahneki pwukoah en padahkiwei rongamwahu o, nan perehn kasikuhl kan nan arahil ward kan de nan arail mission. Ekei karasaras iei irail akan me kolokol pwukoah laud kan nan ward oh kin doadoangki arail manaman en prihsduhd nan arail pwukoah laud kan sang ni kapahreki arail doadoahk kan oh ni arail kin kasarawiong oh pil kaweid en kaunen prihsduhd me kolokol kih kan nan ward de pil nan steik. Iei met mwomwen mweimwei oh manaman en prihsduhd ah kin doadoahk oh kin kaperenda nan Mwomwohdiso en Sises Krais en Souleng en Imwin-Rahn akan.2
Mweimwei en Prihsduhd pil kin doadoahk oh kapai poa kan kin sansalda nan peneinei en Souleng en Imwin-Rahn Akan. Sang peneinei, me wewehki ohl emen me kolokol prihsduhd oh lih pwopwoud emen oh neira serihkan. Ih pil kapatahiong wekipeseng me sang ni ehupene kan me kin wiawi sang mehla de mweipeseng en pwopwoud ehu.
Tepin padahk en prihsduhd men pahn kin doadoahk te pahn kaweid pen emen me kolokol kih kan me kin doadoahk nan mwomwohdiso ahpw kaidehn ong peneinei. Ni karasepe, pahpa men me kin kaunda oh doadoahki prihsduhd me mih nan ah kisin peneinei sang ni mweimwei en prihsduhd me kolokol. E sohte anahne en ahneki kaweid de mweimwei sang ih me kolokol kih kan en prihsduhd kan pwe en wia ah doadoahk kan nan ah kisin peneinei. Met me iangahki kihla kaweid ong emen kisehn ah peneinei, wiahda mihting en peneinei kan, kihda kapaikan en prihsduhd ong ah pwoud oh neira seri kan, de kihda kapai en kamwahuila soumwahu kan ong emen tohn ah peneinei de mehteikan.3 Tohn Mwomwohdiso kan kin padahki peneinei kan ahpw re sohte kin kihda kaweid en doadoahk en mweimwei en prihsduhd nan peneinei.
Mehlel wet kin doadoahk ansou me pahpao sohte kin mie oh nohnou me wia moangen peneinei o. E pahn kauhnda nan ihmwe oh wia dipwisou en doadoahk en wahdo manaman oh kapai kan en prihsduhd o nan ah peneinei sang ni ah kasarawihlar oh katengtengdier nan tehnpas sarawio. Ni ah sohte ahneki mweimwei en kihda kapai en prihsduhd kan doadoahk wet kak wiawi sang rehn emen me kolokol ohpis en prihsduhd, ahpw e kak wia doadoahk en kaun tei kan koaros nan ah peneinei. Nan doadoahk wet, e pahn doadoahki manaman en prihsduhd oh ong kamwahupen nah seri kan me e kin kaunda ni ah wia soun kaunda men nan peneinei.4
Ma pahpa kan pahn kalaudehla arail prihsduhd nan arail peneinei, e pahn kalaudehla doadoahk en Mwomwohdiso sang sohng teikan me re pahn wia. Pahpa kan me kolokol Melkisedek Prihsduhd anahne doadoahngki arail mweimwei “sang ni ngongki, lokolok-laud, sang mwahu oh karakarahk, oh sang ni limpok aktikitik” (Doctrine and Covenants 121:41). Pali me iloa ong ni doadoahk en mweimwei en prihsduhd o inenen kesempwal nan peneinei. Irahil akan me kolokol prihsduhd pahn anahne kolokol kosonned akan pwe rehn kak ahneki manaman en prihsduhd pwe rehn kak kihda kapakap en kapai kan ong arail peneinei. Irail me pahn kin kamwahuila ehupenehn nan peneinei kan pwe peneinei kan en kin kak peki rehrail kapakap en kapai kan. Oh pahpa oh nohno anahne koangoangehki kapakap en kapai en prihsduhd en kin wiawi ansou kan koaros.5
Nan mihting en kapokon pwutak, ni ansou mwotomwot me kitahil pereperesang kitahil kahpwal en soumwahu keper ohn sampah, kitahil kasukuhlkiher duen padahk mehlel kan en mour soutik. I koangoangehki emen emen kitail en ahneki ehu pwoarin mas “ehute” en alehdi mehlel en mour soutik pwukat pwe paliweretail kan “pahn audaudkihda unsek en maraino (3 Nephi 13:22).
Nan ah padahk ong aramas ngeder ie nan Pwuhk Sarawi oh nan Pwuhk en Mormon, Soundor o padahki me paliweretail ka kak audaudkihda unsek en marain o de unsek en rotorot o. Kitail, ni mehlel, mwahuki kitail en audaudkida maraino, oh atail Soundor o padahkiong kitail dahme kitail kak wia pwe en kak pweida. Kitail anahne rong mahsen akan me pidada mehlel en mour soutuk. E doadoangki karasaras en pwoarin mesetail ka, me kitail kin alehdisang maraino ioa oh kiong nan paliweretail kan. Ma pwoaren mesetail “pahn ehute”—ni ehu songen kosoi ma kitail pahn nannantiong en alehdi maraino oh wewehki—E kawewehda,“paliweretail ka pahn audaudkihda unsek en maraino” (Madiu 6:22; 3 Nephi 13:22). Ahpw ma atail “pwoarin mas pahn sued”—me iei, ma kitail kin kilang sued oh ale oh kiong nan paliweretail kan—E koapoarkin kitail, “paliweretail unsek pahn audaudki unsek en rotorot o” (ire tikitik 23). Pil ehu kawehwe, maraino de rotoroto nan paliwaratail kat kohsang ni ia mwomwen atail kilang—de alehda—mehlel soutiko me kitail kasukuhlkiher.
Kitail anahne idahwen Sapwelimen Sounkomouro luhk en rapahki oh peki en wehwekila mehlel en mour soutik. E inoukiong kitail me Samatail Nanleng men padahkiong koaros duen mehlel kan me re raparapahki (tehk 3 Nephi 14:8). Ma kitail inoangiong met oh doadoahngki pwoarin mesetail ka en alehdi, Sounkomour o inoukiong kitail me mehlel en mour soutiko “pahn ritidahng” ong kitail (tehk 3 Nephi 14:7–8).
Ni karasaras, Sehdan kin mwahuki kapweipwei ih atail madmadau kan oh kahluwai kitail sang sohng kan koaros me kesempwal me duwehte duwen doadoahk en prihsduhd en Koht. Sounkomour o keper kin kitail “soukohp likamw akan, pahn kohdo mih nan likoun sihpw, ahpw loalerail pahn audaudki kilin wolve kan” (3 Nephi 14:15). E ketkieng kitahil sikeng wet pwe kitail en kak pilada me mehlelo nanpwungen padahk tohto me pahn kak kapingada atail madamadau:,“E pahn ese irail sang ni wahrail kan” E padahngki (3 Nephi 14:16). “Tuhke mwahu iou sohte kak kihda wah sakanakan, pil duete tuhke sakanakan iou sohte kak kihda wah mwahu” (ire tikitik 18). Kahrehda, kitail anahne kilang lahng pweidahu—“wah kan”—irehkan me irahil onopkier oh aramas kan me kin padahk ong kitail. Met iei pasapeng keioun mwahu ong tohtohn peidek en uong me kitail korongehier duen Mwomwohdiso oh me kitail kamehlel oh kosonned kan oh kaun akan. Idawehn sikeng me Sounkomour o padahngkier. Kilang wong wah kan—pweidah kan.
Ni ansou me kitail kin medewe wahn mwomwodiso oh koapwurpwurdohn mwomwodiso en Sises Krais, kitail kin perenki mwomwen mwomwodiso, ni momour en towehkan, laudlah sang kisin wasahn kaudoak tikitik nan Intermountain West ong wasa tohto me woa towe 16 million kin mih ioa nan weiteikan likin United States. Sang ni kehirda, se kehndahr duen laudlahn sawas kan me Mwomwohdiso kin wia ohng toweh kan. Kitahil sewese ni atahil kolokol kosonned kan, ni kapwaiada pwukoah kan ong padahngki kopwurupwurdohn rongamwahuo, ni kapwurepene mehn Isreal, oh ni kawada tehnpas sarawi kan nan sampah.
Kitail mih pahn koasoandi en soukohp, Presiden Russell M. Nelson, me ah kaweid iei me Kauno kin ketin doadoangki pwe kitail en kak kehnda sapwelime doadoak nan erein sounpar Riau me e wia atail soun kaweid Kitahil pahn kapaida ansou wet ni atahil pahn karonge Presiden Nelson, me pahn padahk ohng kitahil duen atahil pahn kalaudehla atahil pweida nan kopwurupwurdohn Mwomwohdiso en Sises Krais nan ansou en kahpwal pwukat.
I kadehdeki mehlel en mepwukat koaros oh ih pahn patehng kumwail ni kapakap ki atail soukohp me kitail pahn karonge ansou et, ni mwaren Sises Krais, ahmen.