“Tehnpas wet Pahn Kokouda Ni Mwarei”
(Doctrine and Covenants 124:40)
Ahpw, Inou oh tiahk sarawi kan me kin wiawi nan tehnpas sarawi kin wiawi pwehn kamwakehlehda atail mohngiong kan oh pwe sapwelimen Koht seri kan en pil kak lapalapala.
Nahn Pahr 200[riepwiki] samwalahro, nan wasa sarawio, Sohsep Smith koasoaiog Koht, Sahm Souktik, oh sapwelime Ieros, Sises Krais. Sohsep Esehsang Ira, duen koht sahm, Sises Krais oh Ngehn sarawi, oh kaudiahl soutuk me kopwurpwurdohn rongamwahuo wahdo nan imwin rahn pwukat “mwehi en marain unsek nan ansou koaros.”1
Pahr siluh mwurihsang, ni soutik en Septempe 21, 1823, Sohsep alehdi pasapengpen en ah kapakap, nan eh perehu marainla lau “maraisang marain en nisouwas.”2 Tohnleng men ahpw sansalda limwahn dewehu, ekeriki edehu oh kosoia, “me e wia meninkeder men sang mwoalen Koht … oh me mware iei Moroni.”3 I kaweidki Joseph duen eh pahn kapwurehdo pwuken Mormon.
Oh mwuri Moroni ahpw padahk sang nan pwuhk en Malakai nan Kadehde Mering, ni lepin lokaia kan ah ekiste weksang nan pwuhk en King James Version:
“Kilang, I pahn kasaleiong uhk Prihsduhd o, sang nan pehn soukohp Elijah, mwohn ketido lapalapo oh rahn kamasopwehk en Kouno. …
Oh e pahn padokedi nan mohngiong en serihkan inoukan me wiawidahr ong mehn kawah ko, oh mohngiong enseri kan pahn sohpeieng arail pahpa kan. Pwe ma soh, ah sampah wet unsek pahn mwomwla ni eh pahn ketdo.”4
Me keieu kesemwpal, en Moroni kaweid ong Joseph Smith me pid en Elijah pwukoah me tapiada doadoahk en nan tehnpas sarawi oh poadoapoad en peneinei ni imwin ansou oh e pil wia kahrepe keieu en kopwurpwurdohn “meh koaros, me Koht ketin mahsanihier sang ni ewen Sapwelimen soukohp kan sangete ni tapio.”5
I peki sawasepen Ngehno ni atail pahn ehupene esehla duen inou sarawi kan, tiahk sarawi kan, oh kapai kan me mie ong kitail nan tehnpas sarawi en Mwomwohdiso en Sises Krais en Souleng en Imwin Rahn Akan.
Ketdo Sapahl en Elijah
I men tepikihda peidek mengei ehu: Dahme kahrehda ketdo sapahl en Elijah kesempwal?
“Kitail esehla sang ni kaudiahl en nan atail mwehi me Elijah kolokol manaman en Melkesidik Prihsdud”6oh ihme wia keimwseklahn soukohp me kolokol manamano mwohn ansou en Sises Krais”7
Soukohp Joseph Smith kawehwehda, “Ngehn, manaman, oh pwukoah en Elijah iei, me e ahneki manaman en kolokol kih … unsek en prihsduhd … ;oh pil … alehdi … tiahk sarawi koaros en wein Koht, me iangahki kapwurepene mohngiong kan en pahpa kan oh seri kan oh seri kan ong pahpa kan, pil iangahki irail akan me ketket nanleng.”8
Manaman sarawi en katengtengpene wet konehng pwehki “dahme Koht pein Ihr katengepene sampah pil pahn katengtengpene nanleng: oh dahme kamwermwerpeseng sampah pahn pil duehte nanleng.”8
Joseph pil doulahte oh kawehwehda, “Ia mwomwen Koht eh pahn kapitala mwehi wet? E pahn kadaredo soukohp Elijah. … Elijah pahn wahdo inou sarawi kan pwehn katengepen mohngiong en Pahpah kan oh neirail seri kan, oh seri kan ong arail pahpa kan.”10
Elijah ketdo iangih Moses pohn nahnahu oh kihong Peter, Seims, oh Sohn manamano.11 Elijah pil ketdo iangahki Moses oh Elias nan Epreil 3, 1836, nan Tehnpas Sarawi en Kirtland oh kihong manamanohte rehn Joseph Smith oh Oliver Cowdery.12
Kopwurpwurdohn manaman en katengteng wet sang Elijah nan pahr 1836 [kid welipwiki silihsek weneu] udahn konehng pwehn kaunopada sampah ong ketdo keriau en Sounkomouro oh pil tapiada doadoahk en kadaudok en peneinei nan sampah pwon.
weliakapwla, wekidala oh kamwakelehda mohngiong kan
Lepin mahsen mohngiong kin doadoahk pak 1,000[kid] nan doadoahk kesempwal kan. Lepin koasoai mengei ahpw kesempwal wet kin ansou koaros kasalehda pepehm en emen emen. Atail mohngiong kan—uwen atail anahn kan, pepehm, koasoandi, ineng, oh wiewia kan—kin kasalehda ihs kitail oh dahme kitail pahn wiahla ehu rahn. oh wiepen sapwelimen Koht doadoahk kin wekidekla, wekila, oh kamwakelehda mohngiong kan sang ni inou sarawi kan en rongamwahuo oh tiahk sarawi kan en prihsduhd.
Kitail sohte kin kawada oh pidelong nan tehnpas sarawi kan pwehn ahnekihte ansou mwahu ong pein kitail de atail peneinei kan. Ahpw, Inou oh tiahk sarawi kan me kin wiawi nan tehnpas sarawi kin wiawi pwehn kamwakehlehda atail mohngiong kan oh pwe sapwelimen KOht seri kan en pil kak lapalapala.
Padokedi nan mohniong en serih kan inou kan me kohiengehr mehn kawah kan —me iangahki Abraham, Isaac, oh Jacob—wekidehng mohngiong en seri kan ohng arail pahpa kan, wia ropirop en poadepen peneinei, oh wia doadoahk sarawi ong me melahr kan wia doadoahk kei me pahn kapaiada emen emen pali koaros en sampah oh nanleng. Ansou me kitail pahn ngoangkihla doadoahk sarawi wet, kitail peikiong sapwelimen Koht kosonned me iei en poakohng Koht oh mehn mpatail kan.13 Soangen sawas wet kin seweseikitail en mehlelieng “Rong Ih!”14 oh kohdo rehn Sounkomouro.15
Inou oh tiahk en prihsduhd me keieu sarawi koaros kin alahdihte nan tehnpas sarawi—Tehnpas en Kauno. Soahng koaros me kin kolkoldi ih kin wiawi nan tehnpas sarawi kin kasalehda uwen kesempwalpen Sises Krais oh sapwelime pwukoah nan Sapwelimen Sahm Nanleng pilahn en peren.
Sang mas loale kohla liki
Presiden Ezra Taft Benson kasalehda duwen koasoandi kesempwal ehu me sounkomouro kaunopada pwehn kapwaiada koasoandi en “unsekla oh mour soutuk en aramas akan.”16 E mahsanih, “Kauno kin doadoahk sang loale kohla liki. Sampah kin doadoahk sang mas liki kohla loale. sampah pahn kihsang aramas akan wasa samin kan. Krais kin kihsang samin rehn aramas akan, oh irail ahpw pein kihrailsang nan wasa samin. Sampah kin wekidala aramas sang ni ah kin wekidala arail wasahn kousoan. Krais kin wekidala aramas, oh aramas kan ahpw kin pein wekidala arail wasahn koasoan kan. Sampah kak kamwahuiala wiewiahn aramas, ahpw Krais kin wekidala mwomwen aramas emen.”17
Inou sarawi kan oh prihsduhd wia inoandehn doadoahk en weliakapw oh ipwsapahl me sohte imwi; ih mwomwen Kauno eh kin doadoahk ong kitail sang loale kohla liki. Inou sarawi kan me kin waun kohkohlahte, tamataman ansou koaros, oh intingihdi “sang Ngehn en Koht … nan mohngiong kan”18kin kaunopada kahrepe oh kamehlelpen kapai nanleng oh kohkohlahte. Tiahk sarawi kan me kin alahldi ni warohng oh kin kolokol ketketemen kohkohlahte kin retingada wenihw en nanleng me pahn kak elehda manaman en koht en kin mihmi nan atail mour kan.
Kitail sohte kin kohdo nan tehnpas sarawi pwehn tangasang de ruksang me suwed kan en sampah. Ahpw, kitail kin kohdo nan tehnpas sarawi pwehn powehdi sampah. Ni atail pahn lukehiong “manaman en Koht”19 nan atail mour sang ni atail pahn alehda tiahk sarawi kan en prihsduhd oh wiahda oh kolokol inou kan, kitail pahn kapaikihda kehl me laudsang pein atail20 pwehn kak powehdi kasongosong kan oh kapwal kan en mourwet oh kitail en wia oh wiahla aramas mwahu.
Dehdehpen Tehnpas wet Pahn Kohpeseng wasa koaros
Keieu en tehnpas sarawi en nan mwehi wet wiawihda nan Kirtland, Ohio oh kasarawihla nan Mahs-27, 1836.
Nan ehu kaudiahl me kohieng Joseph Smith wihk ehu mwurin kasarawio, Kauno mahsanih:
“Mweidohng mohngiong en sapwellimei aramas koaros en perenda, me sang ni arail kehl koaros, kauwada tehnpas wet ni edei. …
“Ei mohngiong en meh kid kei oh kid pak eisek kei pahn perenda mehlel pwehki kapai kan me pahn kohdo, oh pwehki inou me nei ladu kan eldedier nan tehnpas wet.
“Oh eden tehnpas wet pahn kohla lel sapwen liki kan; oh met iei tepidahn kapai me pahn kohdiong pohn nei aramas akan.”21
Menlau kilelehdi lepin mahsen wet mohngiong en meh kid kei oh tohtohsang pahn ahneki peren laud, oh eden tehnpas wet pahn kohla lel sapwen liki kan. Soahng pwukat wia kasansal kowpuriamwei kei nan Epreil 1836 ansou me tohn mowmowhdisoht malaulau oh tehnpas sarawi ehute.
Rahnwet nan pahr 2020, mie tehnpas sarawi 168 me wie doadoahk. Tehnpas sarawi meh pahisek-duwau wie wihwiawi de pakaipe miehier. Tehnpas en Kauno kei pil wihwiawi pohn “sapwdeke kan”22 oh pil nan wasa kan me sohte mweimwei mahso.
Sarawi en endaument ansouet kawehwehdier ni soangen lokaia 88 oh pahn pil tohtohsang met ansou me tehnpas sarawi kan pahn tohtohla pwehn kapaiada sapwelimen Koht seri kan. Mwurin pahr [eisek limau]15 sang met, tohtohn kawehwehdi en lokaia teikan en tiahk sarawi kan pahn tohtosang met pak riau.
Pahr wet kitail pahn weirda pwehl kan oh kawada tehnpas sarawi 18[eisek waleu]. Wekisang rahnteio, e lel pahr 150 [epwiki limeisek] pwehn kak kawada tehnpas sarawi 18[eisek waleu], sang ni kekeudahn mwomwohdisoht nan pahr 1830[kid welipwiki silihsek weneu lel rahn en kasarawihpen tehnpas sarawi en Tokyo sang Presiden Spencer W. Kimball nan pahr 1980.
Na song medewe duwen laudlahn doadoahk en tehnpas sarawi me ahpwte wiawi nan erein ansou en Presiden Russell M. Nelson. Ansou me Presiden Nelson ipwidi nan Septempe 9, 1924, tehnpas sarawihte weneu me wia doadoahk ansouo.
Ansou me e kasarawihong Wahnpoaron men nn Epreil 7, 1984, me iei pahr 60[weneisek] mwurihsang, tehnpas sarawi meh 26[rieisek weneu] me mie, e tohtohkihla me rieisek nan erein pahr 60[weneisek].
Ansou me e wiahla Presiden en Mwomwohdisoht, tehnpas sarawi meh 159 miehier, tohtohkilahr meh 133 nan pahr 34 erein eh wia wahnpoaron men.
Sang rahn me e wiahla Presiden en Mwomwohdisoht nan Seniweri 14, 2018, Presiden Nelson pakairkihda tehnpas sarawi meh 35 me pahn kokouda.
Persent duweisek weneu en tehnpas sarawi me miehier ansou wet kasarawihla nan erein mour en Presiden Nelson; persent 84 kasarawihla nan erein eh wia wahnpoaron men.
Kin Poadehng Mehkan me Kin Mie Katepe Ansou Koaros
Nin duwen atail wia towe en Sapwelime Mwomwohdiso kopwurpwurdohu, kitail kin pwuriamweiki soangen mwadang en Sapwelime doadoahk nan imwin rahn pwukat. Oh pil mihehte tehnpas sarawi me tohto pil kohkohdo.
Brigham Young kohpada, “Pwehn kak kanekehla doadoahk wet kitail sohte aahnehte tehnpas sarawi ehu ahpw meh kid kei, oh aramas kid pak eisek kei pahn anahne kohla loale oh wiahda doadoahk sarawi ong irail mehn mahsoako lel ansou ieu me koht kupwuriki.”23
Ni mehlelo, pakairpen tehnpas sarawi koaros wia mehn kair kaperen ehu oh kahrepen kitail en kaping ong Koht. Ahpw, kitail anahne mehleliong inou kan oh tiahk sarawi kan me kak wekidala atail mohngiong kan oh kaloalehla atail pwoson Sounkomouro oh kaidehnte pwehki wasa de kaselel en tehnpaso.
Dahme kitail towe kan en Sapwelimen Koht mwomwohdisoht iei (1) en “Rong Ih!”24 oh nantihong wekidala pein atail mohngiong sang inou oh tiahk sarawi kan, oh (2) en kapwaiada ni unsek pwukoahn sewese kihiong kapai en tehnpas sarawi kan ong koaros ni pali koaros en nanleng oh sampah. Sang ni sapwelime sawas, kitail udahn pahn kapwaiada pwukoah sarawi pwukat.
Kokoudahn Zion
Soukohp Joseph Smith masanih:
“Kahrepen Kokoudahn Zion iei pwehki nehin Koht aramas akan koaros pwungki; Eh wia pwoahson ehu me Soukohp kan, prihst kan, oh nanmwarki kan en doula oh utungada; Re kaskasik rahn kaperen me pahn kohdo ohng kitahil; oh kehlailkihda sang nanleng oh patehng ni peren laud ni arahil koulki, intingidahr oh kohpadahr nan atahil mwehiet.; ahpw re sohte kilang lau re mehla; … e koieng kitail en kilang, patehng oh sewese kadauluhla peren en souleng en Ihmwin-rahn.”25
“Prihsduhd en nanleng o pahn patehng mehn pohn sampah, en kasalehda karepehkan; … doadoahk me Koht oh tohnleng kan madmadau laudki ansou werei sang mehn kawahko; eh kalulehda mour patriarch kan oh soukohp kan; doadoahk ehu me koasondi en powehdi manaman en rotorot, mehn pwurehng kamwahuila sampah, me kin kaperenihda Koht, oh komourpen aramas oh kiserahil kan.”26
I kadehdehki me Sahm oh Ieroso pwarehng Sohsep Smith, oh me Elijah kapwurehdo manaman en katengtengpenehu. Inou oh Tiahk sarawi kan en nan tehnpas sarawi kak kakehlailih kitail la oh kamwakelehda atail mohngiong kan sang ni atail pahn “Rong Ih!”27oh pil alehdi manaman en koht nan atail mour. I pil kadehdehki me doadoahk en imwin rahn akan pahn powehdi manaman en tepelo oh kihong kitail peneinei kan mour soutuk. Sang ni mehlel pwukat I kadehdehki ni mwahr sarawi en Kaun Sises Krais, amen.