Raprapahki Wasahn Komoal sang Melimel en mour
Sises Krais oh Sapwelime Tomwo iei wasahn rokila me kitail koaros anahne, mendahte moalimoal akan me kin kamwkamwakid atail mour.
Nan pahr kid duwepwiki samwa samwalahro, ansou me ih mih nan College, ih iang doadoahkong Fourth Company en Santiago Fire Department nan Chile. Ansou me ih wie doadoahk wasao, I kin kouson nan Fire Station o pwe I wia soun silasil en nihpwong. Kolahng ni imwin pahr re padahkiong ie me ih pahn doadoahk nihpwong en pahrakapw pwehki rahno kin wia ansou en kahpwal tohto. I pwuriamwei ngehi sapeng, mehlel?
I tamataman ei awiawi iengei tohn dodohk kan ansou me e lel nan lukopen pwong anapi kan tepier posopos nan Town en Santiago. Se tapiadahr aht pereperen ohng emen emen oh indinda Parakapw mwahu. Ni ansouohte pehl en nan fire station o pa katairongda pwe en kesehkin kiht me mie kahpwal ehu pwaradahr. Se ale aht kepwe kan oh lusdahng nan warat mehn kakun kisiniei o. Ni aht tangatang kohla ni kahpwal o, se daulih mwutumwut en aramas akan ahr pereperenki pahr kahpw o. I kasawiahda me irail sohte ahneki pwunod oh kahpwal. Irail inenen saledek oh pereperen ni pwohngo. Ah iet wasa ieu me keren, aramas me se tengetenge en sewese ko mih nan lapalahn kahpwal.
Irair wet sewese ie ien medewehda me mendahte atail mour ah pahn inenen tangamwahu, ansou o pahn kohdo me emen emen kitail pahn sohpai kahpwal oh melimel me pahn katikala atail kak en dadaur. Ni palinwar, palingehn, oh kediroap en doadoak kan; kahpwal teikan; oh song teikan duen mour oh mehla e wia ekei karasaras en kisinieng me kitail kin sopai nan mour wet.
Ansou me kitail kin sopai kisinieng pwukat, kitail kin kalapw sonsued de masepwehk. President Russell M. Nelson said, “Pwoson iei winien masepwehk”—pwoson atail Kaun Sises Krais (“ Mweidohng Amw Pwoson en Sansalda,” Liahnona, May 2014, 29). Ni ai kilanger melimel me kin lelohng mour en aramas, I diarada me sohte lipilipil songen melimel dah me kin lel kitail—mendahte ma mie epwelpe de sohte imwi—wasahn rokla ehute, oh e duehte ohng melimel teikan koaros. Ih sawas me Samatail Nanleng ketkido iei atail Kaun Sises Krais oh Sapwelime Tomwo.
Sohte emen kitail me sohte pahn iang sopai kahpwal pwukat. Soukohp en mahs Helaman, padahngki duen met: “Tamataman me iei pohn paip en atail Sounkomour, me iei Krais, Sapwellimen Koht Iehroso, me kitail anahne kauwada atail poahsoan powe; pwe ansou me tepelo pahn kadarodo ah kisinieng kehlail kan, ah engipip kan, ni ansou me ah takai ais kan oh ah melimel kehlail kan pahn lelehnguhk, e sohte pahn mie mene pohmw en apihiukdihla nan lehn nsensuwed oh weikek poatoapoat, pwehki paip me kitail kokouda powe, me iei poahsoan mehlel, poahsoan me ma aramas kokouda powe re sohte kak pwupwidi” (Helaman 5:12).
Elder Robert D. Hales, me wehwehkihier duen kisinieng pwukat, kosoia, “Lokolok inenen laud; ahpw mwomwen atail pahn mwekid ong ni lokolok pwukat pahn kohsang rehn emente. Lokolok kak lelohng kitail ni mwohmw ehu de riahu. E kak wia kakehlepen de weliakapw me sang ni pwoson, de e pil kak wia mehkot sakanakan nan atail mour ama kitail sohte pwoson Sapwelimen Kauno tomwo” (“Am pahtou pahn wekiong peren,” Ensign,Nohpempe 1983, 66).
Pwe kitail en kak pereniki wasahn rokila me Sises Krais oh Sapwelime Tomwo ketkieng kitail, kitail anahne pwoson ih—pwoson me pahn kahreieng atail pahn kak powehdi kahpwal kan, nan sampahwet. E Inoukidahr me e pahn kamarahda atail katoutou kan ma kitail alehda ih ni soang koaros me kitail wia.
“Kumwail kohdo rehi,” E kosoia, “kumwail koaros me pwangadahr oh toutoukilahr amwail mehn wisik kan, oh I ahpw pahn kakomoaleikumwaildi.
“Kumwail ale oh kapaikada ei mehn wisiket, oh kumwail padahngki sang ie, pwe I me opampap oh nan kapehd karakarahk: kumwail ahpw pahn diar kommoalpen ngenomwail kan.
“Pwe mehn wisik mei pahn kihioneg kumwial me mengei oh audepeh kan me marahra” (Matthew 11:28–30; pil tehk Mosiah 24:14–15).
E sansal ehr me “emen me ahniki pwoson, sohte anahnepen kawehwe. Ong emen me sohte ah pwoson, sohte me kak kawehwehiong.” (Poto wet udahn dokodoke Thomas Aquinas apw e mwomwen wia mehkot me kin lekdeksang nan dahme e kin padahngki kan.) Ahpw, kitail ahneki wehwe ieu ong sohng koaros me kin wiawi pohn sampah, oh pak tohto pak kitail sohte ese pwehda. Dahme e wiewiawihki? Dahme e wiawihkihiong ie? Dahme ih anahne koledi? Ansou me sohte pasapeng kin kodohng kitail, iei ih ansou me mahsen me kohsang atail Sounkomour ong Soukohp Joseph Smith nan Liberty Jail pahn kin doadoahk.
“Nei pwutak, ahneki meleilei nan loalomw; ahmw kasongosong oh ahmw lokolok pahn sohte werei;
“Eri, ma ke pahn daudaurete ni mehlel, Koht pahn ketin kalapalapih komwihla nan sapwellime wehio” (Doctrine and Covenants 121:7–8).
Mendahte aramas tohto kamelelelSises Krais,peidek kesempwal iei ma kitail kameleleih oh ma kitail kamelele sohng kan koaros me e padahkiong kitail oh peki rehtail en wia. Mwein emen pahn medewe, “Ia mwomwen Sises Krais ah pahn ese dahme wiewia wi ong ioa? Ia mwomwen ah pahn ese dahme ih anahne pwe iehn kak preen? Ni mehlel, sang rehn atail Soundor oh weliapatail me soukohp Isaiah kosoiahda ni ah kosoia
“Kitail mwamwahliki oh sohpeisangehr, ohlen lokolok men ih me ahnlahr soangen medek koaros. …
“Ahpw, atail lokolok kan me e lokolokihier, oh atail medek me e toutoukihla. …
“Dipatail kan me e lipwalipwkihda, oh atail wiewia suwed kan me e wowokihki: Lokolok wet kamwahuih kitailla, lipwen ohla ni paliwere kaunsekih kitailla.”(Isaiah 53:3–5).
Wahnpoaron Peter pil padahkiong kitail duwen Sounkomouro ah Masani, “Pein Krais ketkihda kahlepe nin lohpwuo iangahki dipatail kan , pwe kitail en mehla sang dipatail kan oh momourki mour pwung: Sapwelime ohla kan me kamwahuih kitailla” (1 Piter 2:24).
Ni ansoun en kamalahn Peter ah kerendohr ah kosoi kan sohte audaudkihda masepwehk de peikasal, ahpw, e padahkiong souleng kan en “peren,” mendahte “arail mih nan kotoutou laud en kasongosong.” Peter kaweid kin kitail en tamataman me “kasongsong pen atail pwoson mendahte ma e rasehng kisiniei,” pahn elehiong kitail en ale kaping oh lingan oh wahu ansou me Sises Krais pahn ketdo oh kitail pahn alehda “mour soutuk” (1 Piter 1:6–7, 9).
Peter pil doulahte
“Kempoakepahi ko, kumwail dehr kin pwuriamwei ki songosong kalol kan me kin lelohng kumwial, duwehte ma soahng wet sohte pahn kin lelohng kumwail:
“Ahpw kumwail perenkihda amwail iang pwaisanki en Krais lokolok, pwe, ni sapwellime lingaling eh pahn sansalda, kumwial en pil iang perenda kowahlap” (1 Peter 4:12–13).
President Russell M Nelson padahngki me “Souleng koaros kak peren nan songen irair koaros. … Ahnsou me atail mour pahn ideidawehn Sapwelimen Kauno plan en koamour … oh Sises Krais oh sapwlime rongamwahuo, kitail kak kehn popohl mendahte dahme wiwiawi—de sohte wiawi—nan atail mour. Peren kin kohsang Reh. I iei kaperenpen sohng koaros” (“Peren oh Ngen en koamour,” Liahona,Nohpempe 2016, 82).
Ei, udahn e inenen mengei en kosoia soahng pwukat ni ansou me kitail sohte mihmi nan melimell sang ni atail pahn momourki oh doadoangki nan ansoun melimel. Ahpw ni ei wia riamwail, I men ken ese me i inenen men ehukiong uhk ia wen kesempwal en ese me Sises Krais oh sapwelime tomwo wia wasahn atail rokila me kitail anahne, mendahte songen melimel me kedkedirapwa atail mour.
I ese me kitail koaros sapwelimen Koht, oh e poakohng kitail, oh kitail sohte kin kelehpw. I luke iuk en kohdo oh kilang me e kak kamararahda amw kotoutou kan oh wia amw wasahn komoal me ke raparapahki. Kohdo oh sewese meteikan diarada wasahn komoal me re inenen anahne. Kohdo oh kousonla reht nan wasahn komoal wet, me pahn sewese iuk oh doarehsang uhk nan melimel en mour wet. Sohte peikasal ieu nan ai mongionget, ma ke kohdo, ke pahn kilang, ke pahn sawas, oh ke pahn kousonla.
Soukohp Alma kadehdeier sohng kat koaros ong na pwutak Helaman: I ese me mehmen me pahn kopworopworki kauno, e pahn sewese irail nan arail kahpwal akan, nan arail kapwunod akan, oh arail kotoutou kan, oh irail pahn iang pilipilda ni imwin rahno.
Pein Sounkomouro Ketin mahsanih:
“Mweidohng amwail mongiong kan en insenamwahula … ; pwe war koaros mihmi nan limei; ahneki meleilei oh ese me iei ngei me Koht. …
“Eri, dehr masak lau lel mehla; pwe omw peren sohte pahn unsekla pohn sampahwet, ahpw rehi” (Doctrine and Covenants 101:16, 36).
Koul me Masani “ahneki meleilei, pali ngehni,” inenen sair ai mongiong nan sohng tohto, e ahneki kaweid en kansenamwahuih palingenitail. Lokaiahn koula ketihtihki:
Ahneki meleilei, pali ngeni: awaho wie kerkerendohr
Iei ih ansou me kitail pahn mih rehn atail Kaun kokohla.
Ansou me kitail kin peikasal, pahtou oh masak kin sohrala.
Insensued pahn manoknokla, ah popohl mehlel pahn pwurodo.
Ahniki meleilei, pali ngeni: Ansou me wekidekla oh pilen mas pahn sohrala.
Koaros komourla oh kapaida kitail pahn tuhpene ni imwilao. (Pwuhken Koul, no. 124)
Ni atail kin sohpai melimel en mour, Ih ese ma kitail pahn wia wen atail kak oh kehlki Sises Krais oh sapwelime tomwo en wia atail wasahn rokila, kitail pahn kapaidaki maiau, insenamwahu, kehlail, tokedihsang suwed, oh meleilei me kitail kin raprapahki, ni atail kamelele nan atail mongiong me ni imwin atail ansou pohn sampah wet, kitail pahn rong mahsen en atail Kaun. “Doadoahk mwahu, soun papah mwahu oh lolopwoat: … pidelong nan popohl en amw Kaun” (Matthew 25:21 (D&C 14:7).Ni mwaren Sises Krais, amen.