Kadehdepen Krais Ieias.

Sang Pisop Gérald Caussé

Pisop Kakaun

Poahsoan en Pwuhk en Mormon pwe en kapwurehdo pwungin atail wewehki pwukoah doadoahk en Sises Krais nan komourla oh lapalapalahn aramas.

Ehu rahn ketipin nan sipiring 2O17, ritidahn Tehnpas Sarawi nan Paris France wie wihwiahwi ah emen ohl apw aluhlahng emen soun kahluwa aramas ko ni mesen pahtou. E koasoia me e kin kousoan limwahn tehnpas sarawi oh e wehkada me e wia emen aramas me kin uhwong kaupen tehnpas sarawio. E kosoia me ehu rahno ni ah kilkilangiei sang nan ah wenihmw tok, e kilahng lapalahn krein iou ah kihkihdi sansal en Sises sang nanleng oh ni keneinei kihdiong nan pwehl en tehnpas sarawio. Ohlo koasoia me mwekid wet wekidala ah madamadau ong atail mwomwohdisoht. E diarada me kitail iei sapwellimen Kauno souhn papah oh pekimahngki duen sapwung kan me e kakte wiahda.

Kilel

Sansaltakai kohdi ni tehnpas sarawi en Paris nan France.

Sansal en Kristus, me kalinganehla likin tehnpas sarawi nan France oh en Mwomwohdiso dipwisou kan, kadehde atail limpok ong Sounkomouro. Udahn sansal me wiawihkihda takai lingan iei an Bertel Thorvalden doadoak me wia soun mahlen en Danish, me pwarada nan 1820—iei ihte pahr me keioun kaudiahlo alahldi. Sansalo kesihnen ni unsek oh wekisang en irail tohto en soun mahlen en nan mwehio, me kin pali laud kasalehda lokolok en Krais ni lohpwuo. An Thorvalden doadoak kasalehda duen ieias en Krais, me powehdi mehla oh, ni eh kapahwei limehkan, luke kitail en patohla reh. Ihte lipwen metehko ni lime oh alualuwe oh ohla me mih nan pengepenge me kadehde duen lokolok laud me e keidehr loale pwe en kak kamaurala tohn sampah.

Kilel

Limen Sounkomouro ah kapapeseng

Mwein ehu karepen me kitail tohn Mwomwohdiso en Sises Krais en Souleng en Imwin Rahn Akan kin poakoang sansal wet pwe e kin kataman ong kitail nan Pwuhk en Mormon duen Sounkoumouro eh ketdo nan Amerika:

Kilel

Sises Krais pwarek wein America

“Oh iet, irail kilangada aramas emen me kohdidosang nanleng: oh e kapwatki likou puhp pwetepwet ehu; oh e ketidihdo oh uh nan pwungarail. …

“Oh e lelehr ansou me e ketido oh kapahla limehu oh mahsen ong irail, masanih:

“Kilang, Ngehi Sises Krais, …

“…Oh I nimasangehr nan kep katik o me Semeio ketikihong ie, oh kalinganahda Sahm o sang ni ei alehda dipen sampah unsek.”¹

Ih eri luke emen emen ohl, lih, oh seri koaros en kohdo reh oh kiong pehrail kan ni pengepenge kan oh kehn lipwen mete kan nin lime oh aluweluwe kan, oh alehdi pein arail kadehde me iei Ih me Mesaiah me pahn ketdohu.²

Mwekid kaselel wet me wia mwekid laud nan Pwuhk en Mormon. Unsek en “rohng kaselel” en rongamwahu et audaudki mwomwen atail Soundor, eh kapahwei “lime me audaudki mahk”³ pwe en luhkeiong emen emen kitail en kohdo Reh oh alehdi kapai kan en Sapwellime Tomwo.

Poahsoan en Pwuhk en Mormon pwe en kapwurehdo pwungin atail wewehki pwukoah doadoahk en Sises Krais nan komourla oh lapalapalahn aramas. Oaralap wet kin wie kapwkapwurupwuriong sangete nin tapin pwuhk wet lela ni imwin pwuhk wet. Nan ansou en uhwong oh sawewehn palingehn, wehwe laud ong dahme Krais wia nan Kedsemeni oh Golgotha salongala oh ohla. Ia uwen Joseph Smith eh peren ni, eh kawehwe 1 Nephi, e diarada inou kaselel ehu: “Kaimwseklahn ire kan de pwuhk en Mormon pahn kasalehda pwung en keieun Pwuhk Sarawi oh pahn sansalda soahng kan koaros me kohsang nan pwuhk wet: oh pahn dehde iong peneinei kan, poatoh kan, oh aramas koaros, me Simpwul en Koht iei Ieros en Samatail Poatopoat, oh ih me Soundoar en sampah: oh aramas koaros pahn kohdo Reh, ma soh ah re sohte pahn kak komourla.”⁴

Duwen Tomwpen Soundoar o kin inenen sansal oh pwung kin sansal nan pwuhk en Mormon o pwon. Ni ai intingihdi ekei me mehlel pwukat, I luhkei kumwail en medewe ia mwomwen ah wekidala de ia mwomwen ah pahn kak wekidala amw mour.

Tomwpoan Sises Krais wia kisakis soh isais ehu me kohiong koaros me ahneki mour, me kin kouson, oh me pahn kouson pohn sampah.⁵
Krais alehda dipatail kan koaros, oh kapataiong atail insensued kan, luwet en paliwar akan, lokolok kan, soumwahu kan, oh kahpwal koaros me kin mih rehn aramas akan. Sohte lokolok, medek, de insensued me E sohte lokolongki ong kitail.⁶
Tomwpen atail Soundor mweidohng kitail en powehdi soahng koaros me sakanakan sangete ni pwopwilahn Adam, pil iangahki melahn paliwar. Pwehki Krais, Sapwellimen Koht seri koaros me ipwidiong pohn sampah, sohte lipilipil ia arail pwung, pahn iang kehn pwurpenehn pali ngehn oh paliwar sang ni manaman en Iasada⁷ oh pwurala Reh pwe en “ale kadeik … nin duwen arail doadoahk kan.”⁸
Ma I pahn wekid, alehdi kapai unsek en sapwellimen Soundoar Tomwo pahn koasonsondi ni keneinei⁹ nan momourki “mahsen en Krais.”¹⁰ Nan en Lihai ouramano, e kilangada “ahl pwoat me inen oh tehtik ¹¹ me kolahng tuhke en komour ehu. Wahko, me wewehki limpoak en Koht kasalehda sang ni kapai kan en Tomwpen Krais, “me inenen lingan oh inenen iou … [oh] iei ih kisakis me keieu laud me kohsang rehn Koht.”12 Pwe kitail en iang alehdi wahn tuhkeo, kitail anahne kakehlaka atail pwoson Sises Krais, koluhla, oh “rong masehn en Koht,”¹³ alehdi tiahk sarawi kesempwal akan, oh kolokol inou sarawi kan lau lel ni imwin atail mour.¹⁴
Sang ni Tomwo, kaidehnte dipatail kan kelehpw me Sises Krais widensang, ahpw E pil ketkihda en mie manaman me Sapwellime werek ko “[tokedihsang] ahnepen aramas,”¹⁵ oh kekeirda ni ”ekis ekis,”¹⁶ oh kalaudehla nan me sarawi¹⁷ pwe ehu rahn irail en kak wiahla aramas unsek kei ni mwomwen Krais,¹⁸ kak en iang pwurehng kousoan rehn Koht¹⁹ oh iang sohsohki kapai kan koaros en Sapwellime wehi nanleng.²⁰

Ehu mehlel me pil kansenamwahu me mih nan Pwuhk en Mormon me iei, Tomwpen Soundoar o me sohte imwi oh tehlap oh e inenen laud oh wia kisakis laud, ahpw e pil mwahu ong emenemen kitail aramas.²¹ Duwehte en Sises eh luke emenemen tounpadahk en Nihpai ko irail en kehn sapwellime ohla kan. E ketin matkihla emenemen kitail, pein emenemen kitail, duwehte ma kumwail de ma ngehite pohn sampah. E kapahdong kitail luhk ehu en kohdo Reh oh iang alehda kapai kan koaros sang ni sapwellime Tomwo.²²

Pein sapwellimen Krais wiewia en Tomwo wiahda mehkot mehlel ni atail pahn tehk oh medewe karasaras en ohl oh lih wadawad kan nan Pwuhk en Mormon. Ekei irail iei Inos, Alma, Siosram, Nanmwarki Lamonai oh ah pwoud, oh aramas akan nan mwein Nanmwarki Bensamin. Arail koasoi kan oh kadehde kehlail kan kiong kitail kadehde en mwomwen mohngiongitail kan pahn kak wekila oh mouritail kan pahn kak wekidekla sang ni sapwellimen Kauno kupwurmwahu oh kupwur kadek. ²³

Soukohp Alma kalelapek rehn nah aramas akan peidek apwal ehu. Soukohp Alma keinemwe rehn sapwellime aramas akan peidek apwal wet: “Ma kumwail kehnehr weliakapw nan mohngiongimwail kan, oh ma kumwail kehnehr koulki koul en limpoak en komour, I pahn kalelapak, kumwail kak kehn ahnsou wet?”²⁴ Peidek wet inenen kesempwal rahn pwukat, pwehki nin duwen atail wia tohnpadahk en Kauno, Sapwellime manaman en komour pahn kin ieiang kitail oh kakelaka kitail, oh pahn kin wekidala emenemen kitail nan rahn koaros.

En Alma peidek pil kak wehwehki ni koasoi: Ia lahs en omw kehnda sapwelimen Kauno kaweid mwahu en Tounmetei en Sounkomouro nan amw mour? Met kin wiawi ni ansou me ke kin kehn peren me “kansenemwahu oh kaselel“²⁵kin kohdo pohmw me kadehdeiong nan palingenomw me dipomw kan lapwadahr; de ansou me kahpwal kamedek kan mararahda; de ansou me amw mongiong mwuterekla oh kowe mahkohng aramas emen me kamedekeiukala. De e kak ansou me ke kin kasawiada amw dodohk en limpoak ong meteikan ah kin keirda, de mwomwen amw linganla wiewiaiong uhk en wiahla emen aramas, ni mwomwen karasaras en Sounkomouro.²⁶

I kadehde me wiewia pwukat koaros me mehlel oh kadehdepen me mour kak wekidekla ni pwoson Sises Krais oh sapwellime Tomwo. Pwuhk en Mormon kin kamarainihla oh kalaudehla atail loaloakong ki kisakis sang nanleng. Ni ansou me ke pahn onopiki pwuhk wet, ke pahn rong kapitien Krais ieias luklukei komwidong Reh. I inouki me ma ke alehda luhk wet oh keid nan sapwellime karasaras kan, Komw pahn alehda Sapwellime wiewia mwahu kan nan amw mour. Sang ni manaman en Ngehn Sarawi, Sounkomouro pahn wekid uhkla nan ehu ehu rahn akan “lahu lel rahn kesemwpwalo”²⁷ma ke pahn, nin duwen me E ketin mahsaniher, “Kilang Sihlangih ie oh ese me iei Ngehi met.”²⁸ Ni mwaren Sises Krais, ahmen.