Werkihda Ohsahna
Met, riei ohl oh lih akan, ni atail kawauwih en Joseph Smith Kairoihr Keieu en Sahmo oh Ieroso, se pehm me e pahn pwung kitail en patpene peren oh iang Werkihda Osahna.
Likwer sarawi wet tepin wiawi nan mwehi wet ni kasarawihn kapidolong en Tehnpas Sarawi en Kirtland ni Mahs 27, 1836. Met e kin wiawiher ni kasarawihn kapidelong en tehnpas sarawi koaros. Met e wia ehu kasarawi lapalap ehu ong Sahmo oh Ieroso, me wia kasansalepen mwomwen aramasoko ni ansou me Sounkomouro ketin wia Sapwellime ketlong nan Serusalem, E pil kasalehda dahme Joseph pwulopwulo lelehng rahno nan Mwutin Tuhke Sarawi--ahpw mehlel, me Sahmo oh Ieroso wia Aramas sarawi riemen me kitail kin kapinga oh kaudekiong.
Met I pahn kamwomwehda mwomwen Werkihda Osahna eh kin wiawi. Ni ahi wia met, I luke iangatail kan nan mihdia en apwalih kemwekid kesempwal wet ki woulap oh wahu.
Emen emen me iang patehng en ale ehu angkasi mwakelekel pwetepweten, kolada ni keimwen ehu imwihko, oh oaloahlki ni koaros wiakinte ehu inda, “Osahna, Osahna, Osahna ong Koht oh Simpwulo,“ kapwurehiong pak silu, mwuri nda “Amen, Amen, oh Amen.“ Ama sohte amwail angkasi, eri kumwail kak oaloahlkihte pehmwail kan.
Riei ohl oh lih akan, met I luke kumwail en uhda oh iang patehng Werkihda Osahna oh mwurin met iei koul en “Hosanna Anthem” oh “The Spirit of God“1 pahn wiawi.
Sang ni ruwes en sounkaweid koul, menlau iang koulki “The Spirit of God.”
Ohsahna, Ohsahna, Ohsahna ong Koht oh Sihmpwulo.
Ohsahna, Ohsahna, Ohsahna ong Koht oh Sihmpwulo.
Ohsahna, Ohsahna, Ohsahna ong Koht oh Sihmpwulo.
Ahmen, Ahmen, oh Ahmen.