Uringii Bwaai Ake Ko Riai ni Karaoi Bwa Ko Aonga n Okira Tamam are i Karawa
Iai ana banna ni katoto Iesu Kristo ae kororaoi are tina iria, ao te kawai nakon mweengara ae akea tokiia a kona n ae ti ibukin Ana reirei, Maiuna, ao Ana angakarea ni kamaiu—n raonaki ma Matena ao Manga Utina.
Inanon 1946, te tia ukeuke ae te kairake ae arana Arthur Hasler e tamarake irarikin karaangan te maunga n uakaan nakon mweengana ngke e rinanon te bwai are e kairia nakon te kukune ae kakaawaki iaon aroia ika ni karekea kawaia n oki nakon te tabo are a bungiaki iai.
N tamwarakean te maunga, n aki nooraki man te tabo are e mena iai n te bwaronran are e tatangiria n uarerekena, Hasler e waekoa n oki ana ururing n te bwai are e aki iangoia. E taku, “Ngkai e kare te ang ae mwaitoro, n uoti boiararan ueen te mosses ao te karaombwain, are e uotaki n rabeen atibu n tian tabo aika uoua, bwarobwaron te ran ao nnena i matan te maunga e waekoa n roko n au iango.”1
Booi akanne a waekoa n oki manga uringan te bwai are e riki n uarerekena ao n uringa mweengana.
Ngkana te boi anne are kona iai ni kauringa anne nakoina, e katinea bwa tao te boi e kona naba ni kauringa ana iango te tiamon are, imwiin ririki n tiku n te marawa ae tangaina, e kona n oki nakon raoi te ran are e bungiaki iai ni kaabung.
Ni boboto iaon te bwai are e rinanona aei, Hasler, n raonaki ma taan kakaae ake tabeman, a reitinako ni kabwarabwara bwa te tiamon e uringa raoi te boi are e na buokia ni borau nga ma nga te maire ni kakaea kawaia n okiri mweengaia man te marawa.
Te karaki aei e kauringai bwa N na iangoia bwa teuana te bwai ae moan te kakaawaki are ti kona ni karaoia n te maiu aei bwa tina kina ao n uringa te kawai n oki rikaaki nakon Tamara are i Karawa ao ni kakaonimaki ma te kimwareirei n teimatoa rinanon te mwananga.
I iangoi aua kauring ake, ngkana a kabonganaki ao ni karaoaki n tainako inanon maiura, e kona ni manga kauringa te namakin ni mweengara i karawa.
Te moan, Ti Kona n Uringnga Bwa Ngaira Natin te Atua
Iai rikira mai karawa. Ataakina bwa ngaira natin te Atua ao E tangiriira bwa tina manga oki Nakoina bon teuana te moan mwaneka iaon kawaira n okira mweengara i karawa.
Kauringko n te riki aei. Karekea te tai n tainako ni karikirakea te konabwai n totokoa te kariiri nakon ana tititem n totoko rabwatam man uringan kakabwaia ake ko a tia ni karekei mairoun te Uea. Onimakina te kairi are koa tia ni karekea mai Irouna, nakon ae ko ti rairaki nakon ana kataunari te aonaaba ni bairean arom n tau ao ni kakaean kawaim.
N te tai ae tibwa nako I kawara temanna ae I tatangiria imwin rinna n te onaoraki. E tuangai ma te nanokawaki ngke e wene n te kainiwene n te onaoraki, te bwai ae tangiria bwa temanna e na anenea te kuna “Ngai Natin te Atua.” E roko n ana iango bwa e maroa n ti ngaia, e taku, e anganna te rau are e kainnanoia n te aoa anne inanon te aoraki.
Ataakin ae antai ngkoe e bita am namakin ao te bwai are ko karaoia.
Ataakim bwa antai ngkoe ni koaua e katauraoiko riki ni kina ao n uringa kawaim n oki nakon mweengam i karawa ao ni kan maeka ikekei.
Te kauoua, Ti Kona N Uringa Aan te Kateitei are E Kataniira
Te korakora e roko iroura ngkana ti teimatoa n raoiroi, koaua, ao ni kakaonimaki nakon Tamara are i Karawa ao Iesu Kristo, riki ngkana tabeman a tia ni katinanikui ana tua ao reirein te kamaiuaki2
N ana Boki Moomon, Ereman e reireiniia natina mwaane bwa a na uringnga bwa a riai ni katea aaia iaon Iesu Kristo bwa aonga ni karekea te korakora ni kaitara ana karirii te kakaitara. Ngkana te riaboro e kanakoa te ang mai irouna ae korakora ibuakon te ukeuke n anti, bon akea korakorana ni katikiira nako ngkana ti katuka ara onimaki n te tabo ae rang mano—iroun te Tia Kabooira.3
I ataia man te bwai are I a tia n rinanona bwa ngkai ti rineia n ongo Bwanaana ao n iriria, ti na karekea Ana ibuobuoki. Ti na karekea te kantaninga ae rababa riki n arora ao te matata ae nano riki ibukin oin te maiu. Ti na namakina te kaungaki ni waakina te bitaki are e na kairiira nakon mweengara.
Te kateniua, Ti Kona N Uringnga bwa Tina Tataro n Tainako
Ti maeka n te tai are teuana te ririing ke te bwana, ti kona ni waaki ni kakaai kaeka iaon taobiki nako inanon te tata ae mwaiti are e kawakinaki ao e barongaki n te kombiuta ae bubura man mwanganga nako.
Ni kaitaraana, ti karekea te kakao ae beebete bwa tina waaki n ukoukori kaeka mai karawa. “Tataro n taai nako, ao N na b nurakina Tamneiu i aom.” Ngkanne e beita te Uea, “Ao e na korakora kakabwaiaam—eng, e mwaiti riki nakon are ngkana ko karekei kaubwain aon te aba.”4
Te Atua e bwanin ana atatai i aora n tatabemaniira ao e tauraoi n ongo ara tataro. Ngkana ti uringnga n tataro, ti na karekea Ana tangira ae teimatoa, ao mwaitin ara tataro nakon Tamara are i Karawa n aran Kristo, e na mwaiti riki ae e na uotia te Tia Kamaiu nakon maiura ao tina matata riki n te kawai are E a tia ni katanea nakon mweengara i karawa.
Te Kaua, Ti Kona n Uringnga ni Beku Ibukiia Tabeman
Ngkai ti kataia n ira Iesu Kristo man buokakiia ao kaotan te akoi nakoia tabeman, ti karika te aonaaba bwa te tabo ae e na tamaroa riki.
Ara mwakuri e kona ni kakabwaia maiuia naake irarikira n ae tamaroa ao bon maiura naba. Tangiran te ibuobuoki e karaka riki nanon te maiu n anganga ao n anganaki.
Tai kamwinibaea te konabwai are ko karekea ni bitiia tabeman nakon te raoiroi, ni kauoua te ibuobuoki n am mwakuri ao man am banna ni katooto.
Tangiran te beku nakoia tabeman e kairiira iaon te kawai nakon mweengara i karawa—te kawai n riki n ai aron te Tia Kamaiu.
N 1975, imwiin te buaka inanoa, Arnaldo ao Eugenia Teles Grilo ma natiia a tia ni kiitana mweengaia ao bwaai ni kabane ake a tia ni kabobonga rinanon bwi n ririki n te mwakuri korakora. N taai ake ngkoa I aban rikiia i Portugal, te Tari ao Titita Teles Grilo a kaitara te kakaewenako ni manga moanna mai moana. Ma ririki ake imwiina, imwiin kainakin ana Ekaretia Iesu Kristo ibukiia aika Itiaki ni Boong aika Kaitira, a taku,“A bua ara bwai ni kabane, ma te bwai ae raoiroi bwa e kairiira bwa tina iangoa kakawakin kakabwaia aika akea tokiia.”5
E bua mweengaia iaon te aba, ma a kunea te kawai n oki nakon mweengaia i karawa.
Bwaai nako ake ko riai ni katikui n ira te kawai nakon mweengam i karawa e na tara n ae akea te anganano.
Iai ana banna ni katoto Iesu Kristo ae kororaoi are tina iria, ao te kawai nakon mweengara ae akea tokiia a kona n ae ti ibukin Ana reirei, Maiuna, ao Ana angakarea ni kamaiu—n raonaki ma Matena ao Manga Utina.
I kaoi ngkami bwa kam na karekea te kimwareirei n uringnga bwa ngaira natin te Atua ao e tangira te aonaaba n te aro are E kanakoa Natina6 bwa e na kaota te kawai nakoira. I kaoi ngkami bwa kam na uringnga ni kakaonimaki, n bita maium nakon te Tia Kamaiu ao ni katea aam irouna. Uringnga n tataro n tainako ni mwanangam ao ni beku ibukiia tabeman.
Tariu ao mwaneu aika a tangiraki, n Tabatin te Itita aei, I kaota au kakoaua bwa Iesu Kristo bon te Tia Kabooira ao te Tia Kamaiua te aonaaba. Bon ngaia are e kona ni kairiira nakon te taibora n te maiu ae kakukurei ao ni kairiira nakon kawaira. Tina uringnga ao n iriiria nakon mweengara. N aran Iesu Kristo, amen.