Mour n̄an Kakūrm̧ool Men ko Tōllo̧kim

Jen Būreejtōn Emily Belle Freeman

Būreejtōn eo Eutiej an Doulul eo an Jiron̄ ro

Katak wāween an kain̄i ko an priesthood im bujen kallim̧ur ko naaj kōtļo̧k kajoor an Anij n̄an ibweeb ilo mour eo am̧.

Jem̧aanļo̧k, ļeo ippa, Greg, kar kakōlkōl im loe bwe ekar aikuji surgery eo eļap im elōn̄ allōn̄ ko n̄an chemotherapy. Āinwōt elōn̄ ro iaami im em̧ōj aer barāinwōt jelm̧ae ejja jekjek in wōt, kem ekar m̧ōkaj amim jino jar kōn jipan̄ im kajoor an Anij. Jabōt eo m̧okta jān surgery eo an Greg, kwojkwoj eo ekar maron̄ itok n̄an ruum̧ eo amim ilo hospital.

Ilo iien in, kar n̄a wōt eo iaar bōk kwojkwoj eo. Jidik m̧ōttan pilawe. Juon kab in aibōj. Ilo iien kabun̄jar, kōļmenļo̧kijeņ eo aō ekkā an mije wāween kōjebwebweik kwojkwoj eo—kepooje eo, kōjeraam̧m̧an eo, im ajeeje. Bōtaab ilo ālkin rālepen eo, ikar kejokļo̧kijeņ kōn menin letok eo kōn kajoor an Anij eped n̄an n̄a kōm̧m̧ani kain̄i eo ekwojarjar im bujen kallim̧ur eo ij kōm̧m̧ane ilo aō bōk m̧ōttan pilawe eo im kab in dān eo. Iien eo in ikar aikuji kajoor jān lan̄. Ilo ibwiļōn burom̧ōj eļap, en̄taan, im tarpok, ikar ļōmņak kōn menin letok in me ej kōtļo̧k aō pedped ioon kajoor eo jān E me eļap aō aikuji. Ilo aō bōk koņaō ilo kwojkwoj eo enaaj kar kōkajoorļo̧k jemjerā eo aō ippen Jetōb eo an Irooj, kōtļo̧k aō pedped ioon kajoor eo an Anij, ekoba jerbal in karejar an enjeļ ro im maron̄ eo an Rilo̧mo̧o̧r n̄an anjo̧.

Ijjab tōmak inan̄in kar ļōmņak kōn jon̄an alikkar in mokta im bwe kain̄i ko rejjab pedped wōt ioon ro rej kōm̧m̧ani—ta eo kain̄i im bujen kallim̧ur eo ad ej kōpelļo̧ktok rej barāinwōt aikuj bwe jen kōļmeņļo̧kijeņ kaki. Kain̄i ko an priesthood eo im bujen kallim̧ur ko rej kōtļo̧k an Anij kakwojarjar kōj im kōm̧m̧ane jerbal ko rōkabwilōn̄lōn̄ ilo mour ko ad. Ak ewi wāween an menin bōk jikin?

Juon, bwe juon kain̄i en waļok kajoor eo an Anij ilo mour ko ad, ej aikuj kōm̧m̧an kōn mālim eo jān eo Nejin Anij Wāween ajeļo̧k eo ej eaorōk. Jemān eaar kōmālim Jisōs Kraist kōn kii ko im mālim eo n̄an lale ajeļo̧k kain̄i ko an priesthood eo An. Ium̧win tōl eo An, ilo karōk in priesthood eo An, ļaddik ro nejin Anij em̧ōj kar kapit er n̄an jutak n̄an bōk jikin Nejin Anij.

Kein karuo, jejjab baj kōm̧m̧ani wōt bujen kallim̧ur ko—jej aikuj in kōjparoki. Ilo elōn̄ kain̄i ko an gospel in, jej kōm̧m̧ani bujen ko rekwojarjar ippān Anij; E ej kallim̧ur n̄an kōjeraam̧m̧an kōj ilo ad kōjparoki bujen ko. Jej ke kile bwe ej kobain jimor kain̄i ko an priesthood ippān n̄an kōjparok bujen kallim̧ur ko im ej kōm̧m̧an bwe jen maron̄ bōk kajoor eo an Anij?

Rālepen eo iaar ļōmņak eļan̄n̄e n̄a, juon leddik in bujen eo nejin Anij, ej lukkuun meļeļe wāween eo n̄an bōk menin letok eo ekajoor an Anij ilo kain̄i ko an priesthood eo im eļan̄n̄e ij kile wāween an jerbal kajoor eo an Anij ilo n̄a.

Ilo 2019 eo juon kūr jen rikanaan eo kar letok n̄an kōrā ro ilo Kabun̄ in, n̄an katakin kōj wāwein n̄an bōk kajoor eo an Rilomo̧o̧r eo ilo mour ko ad Būreejitōn Russel M. Nelson eaar karuwaineneik kōj n̄an ekkatak jān Katak im Bujen Ko 25, juōn relevesōn kar leļo̧k n̄an Emma Smith ilo Harmony, Pennsylvania. Bōk kūr in n̄an ukōt mour eo aō.

Allōn̄ eo ļo̧k eaar itok juon iien eo ikar jab kōtmene n̄an loļo̧k Harmony. Ijo, ium̧win wōjke maple ko, priesthood eo eaar jepļaaktok n̄an Josep Smith im Oliver Cowdery. Ipaake wōjke eo ekar kōjem in m̧weo im̧ōn Josep im Emma. Turejet in jikin kijeek eo ilo m̧weo epād juon wūņtō. Iaar jutak ilo wūņtō eo im ļōmņak ta eo Emma emaron̄ kar kōļmenļo̧kijeņ kake ilo an reinabōjļo̧k n̄an buļōn wōjke ko.

Ilo Juļae 1830 eo, Emma ekar 26 iiō dettan; ekar lukkuun dik. Ekar jilu im jimettan iiō jen iien eo ekar m̧are. Ekar jako laddik eo nejin ilo an nin̄nin̄ wōt—rūttotata nejin. Lōb eo an ļaddik eo ekar pād itūrin wōt m̧weo im̧ōn. Ilo aō jutak ilo wūņtō eo, ekar jab pen n̄an aō elmakot ta eo remaron̄ in kar kobrak ļōmņak ko an. Aaet ekar inepata kake jon̄an jāān ippāer, kōn ļapļo̧k in jorāān ko rej jelet jokne eo aer, kōn ilju im jakļaj eo aer. Im bwe jerbal eo an Anij ekar pād ipeļaakin ijoko otemjej. Ekar ke bar ļōmņak kake ijo jikin ilo karōk eo, ijo koņaan ilo aelōn̄ eo An, im aorōk eo an im̧aan mejān Anij?

Ij ļōmņak emaron̄ kar.

Iturājet in ijo, menin letok eo an maron̄ in priesthood eo an Anij im kii ko rekar jepļaaktok n̄an laļ in. Ekar juon iien eo im Emma eaar lukkuun aikuj kajoor jān lan̄. Ilo ibwiļōn burom̧ōj eļap, en̄taan, im tarpok, ij pijaikļo̧k an Emma kōļmenļo̧kijeņ kake menin letok eo kōn priesthood eo an Anij im emaron̄ kōpelļo̧k kajoor jān E im elukkuun kar ļap an aikuji.

Ak Emma ekar jab jutak wōt ilo wūņtō eo im ļōmņak.

Ilo an kar Rikanaan eo Josep kar bōk katakin jipan̄ ikijien kii ko, opiij ko, kain̄i ko, im wāween jipan̄ ilo jerbal eo an priesthood, Irooj Make, kōn rikanaan eo An, ekar leļo̧k juon revelesōn n̄an Emma. Ejjab Emma Būreejtōn eo an Doulul eo an Kōrā ro ilo Nauvoo—revelesōn in kar leļo̧k n̄an Emma ke ej 26 an iiō ilo Harmony. Kōn revelesōn, Emma ekar ekkatak kake kwojarjar eo ilowaan buruōn juon im ekkeijel eo ilo bujen im enaaj kar kaļapļo̧k maron̄ eo an kain̄i ko an priesthood ko n̄an jerbal ilo mour eo an.

Ilo jinoin, Irooj eaar kakemeemej Emma kōn ijo jikin ilo karōk eo An, ekoba wōn e im nejin wōn e—juon leddik eo nejin ilo aelōn̄ eo An. Kar karuwaineneik tok n̄an “etetal ilo iaļ ko rerreo,” juon iaļ eo im ekitbuuj kain̄i ko im renaaj kōpelļo̧k kajoor an Anij eļan̄n̄e Emma enaaj depdep wōt ilo bujen ko an.

Kein karuo, ilo iien eo ej burom̧ōj im liaaejļaļ, Irooj eaar leļo̧k juon an kōttōpar. Emma ekar jab wōt wōr jikin im̧aan ilo Jepļaaktok eo; ekar juon eo eaorōk ilo jerbal eo ej bōk jikin. Naaj kar kejenolo̧k e “n̄an tipidiki jeje ko rekwojarjar , im n̄an kōketak kabun̄ in.” Iien ko an renaaj kar “liļo̧k n̄an jeje, im n̄an ekkatak eļap.” Emma ekar bōk juon eddo ekwojarjar n̄an jipan̄ kepooj Armej ro Rekwojarjar n̄an kabun̄jar; al ko aer n̄an Irooj kar bōki āinwōt jet jar ko im “uwaak kōn juon kōjeraam̧m̧ān ioon bōraer.”

Āliktata, Irooj eaar kalikkar juon wāween eo n̄an bōk kwojarjar eo itulowa eo im ekar kepooj Emma n̄an m̧ōņōņō indreo. “Ijjeļo̧kun n̄e kwoj kōm̧m̧ane,” Irooj ekar kōmeļeļeiki, “ijo Ij pād ie kwo jab maron̄ itok.”

Eļan̄n̄e jenaaj lukkuun riiti jekjōn 25 jej loe juon jerbal in wōnm̧aanļo̧k eo ej bōk jikin. Emma enaaj kar oktak jān juon eo Nejin ilo aelōn̄ in lan̄ n̄an “juon kōrā in kāālet” n̄an juon lerooj. Kain̄i ko an Priesthood eo an Aaron im Melchizedek kobaļo̧k ippen kejparok bujen kallim̧ur ko an rekar kōkajoorļo̧k jemjerā eo an ippen Jetōb eo im ippen enjeļ ro, ilo an kajoorļo̧k n̄an dibuk mour eo an kōn tōl eo ekwojarjar. Ilo kajoor eo An ekwojarjar, Anij ekar kemour buruōn, kōļapļo̧k maron̄ eo an, im ukote n̄an armej eo E ekar jeļā bwe emaron̄ kar erom̧. Im ilo kain̄i ko an Melkisedek Priesthood, “kajoor in āinwōt anij [enaaj kar] waļok” ilo mour eo an im Irooj enaaj kar kōjepel ran̄ōl eo bwe en maron̄ bōk meļeļe jān E. En̄iin ej wāween an jerbal kajoor eo an Anij ilo kōj.

Būreejtōn Russell M. Nelson ekar katakin:

Men otemjej ko me rekar waļo̧k ilo jikin in ewōr jeno̧k ko raorōk n̄an mour ko ami. Jepļaaktok eo an priesthood eo, ippānļo̧k ko̧o̧njeļ eo an Irooj n̄an Emma, maron̄ unin tōl im kōjeraam̧m̧an kōm̧ kajjojo. …

“…Bōk kajoor eo an Anij ilo mour eo am̧ ej aikuj ejja men ko wōt me Irooj ekar kōmeļeļeiki Emma im [kōj] kajjojo n̄an kōm̧m̧ani.”

Elōn̄ men ko raurōk rekar waļok turājet ko ruo ilo wūņtō eo ilo Harmony, ekoba revelesōn eo kar lelo̧k n̄an kōra in kāālet im Irooj eaar kūr—juon revelesōn eo im ekar kōkajoor, rōjan̄, im kappe Emma Smith, leddik eo nejin Anij.

Ke leddik eo jibūmim Isabelle kar leļo̧k juon etan im juon kōjeram̧m̧an, jemān ekar kōjeram̧m̧an e kōn juon jeļā eo kōn priesthood eo; bwe en maron̄ wōnm̧aanļo̧k n̄an eddōkļo̧k kake im ekkatak kake kōjeram̧m̧an ko naaj boktok n̄an mour eo an; im bwe tōmak eo an ilo priesthood eo enaaj eddōkļo̧k ilo an wōnm̧aanļo̧k im rūttoļo̧k ilo meļeļe.

Ejjab aolep iien juon leddik jidikdik ej bōk kōjeram̧m̧an n̄an meļeļe priesthood eo im n̄an ekkatak wāween an kain̄i ko im bujen ko enaaj jipan̄e n̄an bōk kajoor an Anij. Ak iaar emeemej Emma im iar kōļmenļo̧kijeņ ippa make, Ta bwe enjab? Leddik in nejin edik ewōr an kajoor n̄an erom̧ juon kōra in kāālet ilo aelōn̄ eo An im āliktata juon lerooj. Kōn priesthood in kain̄i ko An im ilo kejparok bujen kallim̧ur ko, kajoor an Anij enaaj jerbal ilo e im kōn e n̄an jipan̄e anjo̧ ilo jabdewōt men ko mour in enaaj boktok im naaj erom̧ kōrā eo Anij ejeļā bwe emaron̄ erom̧. En̄in ej ta eo ij kōņaan bwe jabdewōt leddik ilo kabun̄ in ren meļeļe.

“Mour n̄an Kakūrm̧ool Men ko Tōllo̧kim.”

Katak wāween an kain̄i ko an priesthood im bujen kallim̧ur ko naaj kōtļo̧k kajoor an Anij n̄an ibweeb ilo mour eo am̧ kōn eļapļo̧k tōbrak, jerbal ilo eok, n̄an kōkajoor im kepooj eok n̄an tōpar aolep am̧ kōttōpar im maron̄.

Lukkuun lin̄ūri im kōļmenļo̧kijen kake kain̄i ko an Priesthood eo an Aron im Melkisedek, bujen kallim̧ur ko jej kōm̧m̧ani, im kajoor eo an Anij jej deļo̧n̄e kōn kain̄i ko.

Keememej, ejjab ro wōt im rej kōm̧m̧ani kain̄i ko im rej aorōk; ta eo kain̄i im bujen kallim̧ur eo am̧ ej kōpelļo̧ki rej barāinwōt aurōk n̄an am̧ ļōmņak kaki.

Ilo am̧ m̧ōn̄ā pilawe im idaak dren eo kajojo wiik ej juon kakeememej in an jerbal kajoor eo An ilo kwe n̄an jipan̄ eok anjo̧. Ilo am̧ kōņak kaarmen in priesthood eo ekwojarjar ej juon kakememej in menin letok in kajoor eo An ilo an jerbal ilo kwe n̄an jipan̄ eok erom̧.

Ewōr ippād aolep maron̄ eo n̄an bōk menin letok in kajoor an Anij.

Aolep iien jej bōk kwojkwoj eo.

Aolep iien jej deļo̧n̄e kōjem in juon tampeļ.

Men eo in ekar kam̧ōņōņō Jabōt eo aō. En̄in wūnin aō kaorōk pepa in mālim in deļo̧n̄e tampel eo aō.

“Kōn menin, ilo kain̄i ko ie, kajoor āinwōt anij ej waļo̧k.”

Kōn menin letok in ij kwaļok aō kam̧ool ilo etan Jisōs Kraist, amen.

Kakeememej ko

1. Lale Katak im Bujen Ko 107:20

2. Elder D. Todd Christofferson ekar katakin: “In all the ordinances, especially those of the temple, we are endowed with power from on high. This ‘power of godliness’ comes in the person and by the influence of the Holy Ghost. … I testify that God will keep His promises to you as you honor your covenants with Him. … He will, by His Holy Spirit, fill you with godly power” (”The Power of Covenants,” Liaona, May 2009, 22, 23).

3. Lale Dallin H. Oaks, “The Aaronic Priesthood and the Sacrament,” Liahona, Jan. 1999, 45.

4. “Every man and every woman who participates in priesthood ordinances and who makes and keeps covenants with God has direct access to the power of God” (Russell M. Nelson, “The Everlasting Covenant,” Liaona, Okt. 2022, 10).

5. Lale Joshua 3:5, footnote a. Elder Dale G. Renlund ekar kōmeļeļeiki: “Jān kajoor eo an bujen kein, jej bōk eļapļo̧k kajoor eo an [Irooj]. N̄an lukkuun kōmeļeļeiki, bujen ko an peptaij im tampeļ rejjab, ilo im kōn bujen kein make, rej unjen kajoor. Unjen kajoor ej Irooj Jisōs Kraist im Jemedwōj Ilan̄. Ilo ad kōjparok bujen ko ad, jej bōk kajoor eo an Anij ilo mour ko ad.” (“The Powerful, Virtuous Cycle of the Doctrine of Christ,” Liahona, May 2024, 82.)

6. Lale Katak im Bujen Ko 107:1–3; Josep Smith Ukook, Hibru 7:3 (in the Bible appendix); Alma 13:2, 16. Būreejtōn Dallin H. Oaks taught: “Jān jeje ko rekwojarjar jej barāinwōt jeļā bwe ro rej bōk priesthood in rej jerbal ilo etan Irooj (lale Katak im Bujen Ko 1:38; 36:2). Inaaj kiiō kwaļo̧k wāween an rūkaki ro im pris ro im tikōn ro aikuj in kōm̧m̧ani eddo ko aer rekwojarjar n̄an jerbal ilo etan Irooj n̄an kepooj im kōjeraam̧m̧an, im leto-letak kwojkwoj eo” (“The Aaronic Priesthood and the Sacrament,” Liaona, Jan. 1999, 45).

7. Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar Ilo Raan Ko Āļiktata, 3.5, Gospel Library.

8. Lale Katak im Bujen Ko 107:18–20; Pilippai 1:6.

9. Lale Russell M. Nelson, “Spiritual Treasures,” Liaona, Nov. 2019, 77.

10. Lale “Joseph and Emma Smith’s Home” (history.ChurchofJesusChrist.org) for more detail about the reproduction of the Smith home at the Church historic site in Harmony, Pennsylvania.

11. Kajoor in priesthood eo an Anij ej jiōbļo̧k wōt n̄an mour ko an ro rej bōk kain̄i ko an priesthood eo im kōm̧m̧ani bujen kein (lale Bok in Bōk Meļeļe Eļap, 3.5, Gospel Library).

12. Lale Josep Smith—Bwebwenato 1:71, note.

13. Lale Katak im Bujen Ko 25.

14. Lale Katak im Bujen Ko 25:1.

15. Katak im Bujen Ko 25:2.

16. Lale Katak im Bujen Ko 25:13. “The word covenant is of Latin origin, con venire, and literally means a ‘coming together.’ In the context of the priesthood, a ‘covenant’ is a coming together or an agreement between God and man. It presupposes that God and man come together to make a contract, to agree on promises, stipulations, privileges, and responsibilities. …

    “A covenant made in this manner is immutable and unchangeable. It anchors the soul; it creates a steadfast and sure foundation for future expectations” (Dale G. Renlund and Ruth Lybbert Renlund, The Melchizedek Priesthood: Understanding the Doctrine, Living the Principles [2018], 60).

17. Katak im Bujen Ko 25:7.

18. Katak im Bujen Ko 25:8.

19. Katak im Bujen Ko 25:12.

20. Lale Katak im Bujen Ko 25:15.

21. Katak im Bujen Ko 25:15. Būreejtōn Dallin H. Oaks ekar katakin: “The ordinance of baptism and its associated covenants are requirements for entrance into the celestial kingdom. The ordinances and associated covenants of the temple are requirements for exaltation in the celestial kingdom, which is eternal life, ‘the greatest of all the gifts of God’ [Katak im Bujen Ko 14:7]” (“Covenants and Responsibilities,” Liaona, May 2024, 96).

22. Lale Katak im Bujen Ko 25:1.

23. Katak im Bujen Ko 25:3.

24. Lale Katak im Bujen Ko 25:15.

25. Lale Dallin H. Oaks, “The Aaronic Priesthood and the Sacrament,” Liaona, Jan. 1999, 44–45. Būreejtōn Oaks ekar katakin:

    “In a closely related way, these ordinances of the Aaronic Priesthood are also vital to the ministering of angels. …

    “… Angelic messages can be delivered by a voice or merely by thoughts or feelings communicated to the mind” (“The Aaronic Priesthood and the Sacrament,” Liahona, Jan. 1999, 44, 45).

    Ilo kakkobaba, Rikanaan Josep Smith ekar letok kallim̧ur in ke eaar kōnono n̄an Doulul eo an Kōrā ro: “If you live up to your privileges, the angels cannot be restrained from being your associates” (Teachings of Presidents of the Church: Joseph Smith [2011], 454).

26. Lale Katak im Bujen Ko 84:19–20.

27. Lale Katak im Bujen Ko 107:18–19.

28. Russell M. Nelson, “Spiritual Treasures,” 77. “Willard Richards reported: ‘President Joseph Smith read the revelation [given] to Emma Smith … and stated that … not she alone, but others, may attain to the same blessings’” (Teachings: Joseph Smith, 453–54). Bar lale Nauvoo Relief Society Minute Book, March 17, 1842, in The First Fifty Years of Relief Society: Key Documents in Latter-day Saint Women’s History (2016), 1.2.1, churchhistorianspress.org.

29. Lale Katak im Bujen Ko 24, section heading. En̄in ej ennaan eo “Revelesōn kein jilu ijin ilaļ kar litoki ilo iien in n̄an kōkajoorļo̧k, rōjan̄, im katakin.”

30. Teachings: Joseph Smith, 454.

31. Lale Russell M. Nelson, “Spiritual Treasures,” 77. “I entreat you to study prayerfully all the truths you can find about priesthood power. Kwomaron̄ jino kake Katak im Bujen Ko 84 im 107. Jekjōn kein renaaj tōl eok n̄an bar jet eoon. Jeje ko rekwojarjar im katak ko an rikanaan ro raan kein, rilolo ro, im rikwaļo̧k revelesōn ro rej obrak kōn m̧ool kein. As your understanding increases and as you exercise faith in the Lord and His priesthood power, your ability to draw upon this spiritual treasure that the Lord has made available will increase” (Russell M. Nelson, “Spiritual Treasures,” 79).

32. Lale Katak im Bujen Ko 109:22.

33. Katak im Bujen Ko 84:20.