“Kom̧ij Ro Jera”
Rilo̧mo̧o̧r ekar kwaļo̧k“ kom̧ij ro jera” juon kūr n̄an ejake juon jemjerā eo eutiejļo̧k im ekwojarjarļo̧k ilubwiljkin ro nejin Anij.
Ilo juon laļ eo eobrak kōn iakweleel im jepel bōro, ijo kōnono n̄an pukōt mejļan rej oktak n̄an ekajet im kajirere, im jemjerā ko rej ejaak jān -ro juon wōt aer ļōm̧nak (ism) im ro rej itok jān juon wōt jikin (ites), Ij kab jeļā ewōr juon jon̄ak ealikkar, epidodo, ijo jemaron̄ ippān doon, iakwe, im uwaan. Waanjon̄ak in ej Jisōs Kraist. Ij kam̧ool bwe E ej rikaenōm̧m̧an eo eļap.
Jej Ro Jeran
Ilo Tijem̧ba 1832, ilo an “waļo̧k jorrāān ko ilubwiljin laļ ko” ekar “lapļo̧k aer alikkarļo̧k” jān jabdewōt iien jān iien ejaak eo an Kabun̄ in, ritōl ro Rekwojarjar lo Kirtland, Ohio, rekar kuktok ippān doon n̄an juon kweilo̧k. Rekar jar “kajjojo iaer rekar jar n̄an Irooj n̄an kwaļo̧k ankilaan n̄an [er].” N̄an kile jar ko an membōr rein retiljek lo iien tūrabōļ kein reppen, Irooj ekar kaenōm̧m̧an er, kōnono n̄an ro Rekwojarjar jilu alen kōn ruo naan ko rekajoor: “ro jera.”
Jisōs Kraist eaar baj kūr wōt rikaļoor ro An retiljek ro Jeran. Jon̄oul emen katten ilo Katak im Bujen Ko, An Rilo̧mo̧o̧r eo kōjerbal naan in jera n̄an kōmeļeļeik jemjerā eo ej m̧ōņōņō kake. Ijjab kōnono kōn jerā eo laļin ej kōmeļeļeiki—kōnono kōn social media follower ak “likes.” Ejjab maron̄ waļo̧k ilo hashtag ak juon nōm̧ba ilo Instaram ak X.
Ij kwaļo̧k būruō, ke iaar juon rūm̧m̧an ded, ij keememej kōnono eo me iaar ron̄ naan ko rōkōmetak “A, jemaron̄ ke baj jerā wōt?” ak “Jen bajjōk jerā.” Ia ilo jeje ko rekwojarjar jaar ron̄ An ba, “Kwomij baj jera.” Ijoke, Ekar katakin bwe “ejjeḷọk yokwe ippān armej eḷap jān yokwe in, bwe armej en leḷọk an mour kōn ro jeran.” Im “kom̧ij ro im Jema eaar letok n̄an Eō; kom̧ij ro jera.”
Men in elukkuun alikkar: Rilo̧mo̧o̧r ejeļā kōn kōj kajjojo im ej lale kōj. An lale kōj ejjab dik ak eban ejjeļok tokjen. Ijoke, ej aiboojoj, lelōn̄ļo̧k, im ejjeļo̧k jem̧ļo̧kin. Imeļeļe naan eo an Rilo̧mo̧o̧r“ kom̧ij ro jera” juon kūr n̄an ejake jerā eo eutiejļo̧k im ekwojarjarļo̧k ippān ro nejin Anij “bwe jen maron̄ juon.” Jej kōm̧m̧ane men in ilo ad ippān doon n̄an pukōt jimor m̧aan n̄an koba ippān doon im n̄an ad juon wōt.
Jej Juon Wōt ilo E
Elukkuun em̧m̧an an Rilo̧mo̧or eo kōmeļeļe men in lo An kūr n̄an “itok, ļoor eo.” Ekar kōjerbal ro im eoktak jekjek in mour ko aer im menin letok ko aer bwe en kūr er An Rikaļoor. Ekar kūr er rieon̄od armej, zelotis, jiem jati ro kar ņa er ro nejin jourur, im bar juon ribbōk jāān. Tōmak ko aer lo Rilo̧mo̧o̧r ekar bokļo̧k er n̄an E n̄an kakobaik er. Rekar reiļo̧k n̄an E, lo Anij lo E, im “e ṃōkaj aer ilọk jān ok ko aer im ḷoor E.”
Bar n̄a em̧ōj aō lo wāween kōm̧m̧ane jemjerā ko routiejļo̧k im rōkwojarjarļok ilo an kakobaik kōj n̄an juon wōt. Kōrā eo ippa, Jennifer, im n̄a kar jeraam̧m̧an n̄an karūttoikļo̧k ajri ro ļalem nejum̧ ilo New York City. Ilo jikin kweilo̧k in epoub, kōm kar ejake jemjerā ko rekwojarjar im raorōk ippān ro ritūrum̧, lo jikin jikuul, ro rej business ko, ritōl ro an kabun̄, im jān Armej ro Rekwojarjar.
Ilo Māe 2020, ilo an kar laļin kajjieon̄ oņake nan̄inmej eo ipeļaakin laļin, ro uwaan New York City Commission of Religious Leaders rekar kūr juon kweilo̧k ejidimkij ilo mejatoto. Ejjeļo̧k kar agenda. Ejjeļo̧k rilotok. Kar juon kajjitōk n̄an kobatok ippān doon im kōnono kōn apan̄ ko rekar jelm̧ae āinwōt jet ro im rej tōl. Jikin Lale Nan̄inmej eo Elap ej kab m̧ōj an kōjeļāik jikin kweilo̧k eo em̧ōj an ļap COVID-19 ilo United States. Meļeļein ejjeļo̧k bar ippān doon. Ejjeļok bar itok ippān doon.
N̄an ritōl in kabun̄ rein, ejako aer naaj kwaļo̧k, ejako aer naaj jar, im kabun̄jar ilo kajjojo wiik. Doulul in am edik—ekitbuuj Cardinal, reverend, rabbi, ritōl jar, pastor, rikwaļo̧k, im elder—kar ron̄jake, kōnono, im jipan̄ doon. Ijello̧kin aer kalimjōke oktak ko am̧ jān doon, jekar lo ta eo kōm ej juōn wōt kake. Jekar kōnono kōn ta ko rekkar im renaaj waļo̧k. Kōm kar jutak kōn im uwaaki kajjitōk ko kōn am tōmak im ilju im jakļaj eo. Innām kōm kar jar. O, ewi jon̄an am̧ lukkuun jar.
Ilo juon jikin kweilok eo eobrak kōn elōn̄ kain manit im epen m̧akūtkūt ie, jekar lo oktak ko am jakoļok ilo am itok n̄an doon āinwōt ro rej jemjerā lo juon ainikier, kōttōpar, im jar.
Ekar jako am̧ kalimjōk doon jān kōtaan tabōļ ko ak kōm kar jim̧or kalimjōk lan̄. Kōm kar em̧m̧akut jān kweilo̧k eo amim ilo am juōn wōt im pojak n̄an jibwi “jabōļ ko” am̧ im jino jerbal. Tōprakin jerbal ippān doon ko am̧ im jerbal ko n̄an jipan̄ taujin riNew York ro ekar katakin eō bwe ilo laļin ej kūr n̄an jepelļok, katooļok, im jab bōk koņaad, enaaj baj wōt ļapļok ippān doon jān jepeļļok. Rilo̧mo̧o̧r ej akweļap, “Kom̧in juon; im eļan̄n̄e kom̧ij jab juon kom̧ij jab Aō.”
Ro jeiū im jatū, jej aikuj kabōjrak ad pukot un ko n̄an jepeļļok im pukōt mejļan n̄an “juōn wōt.” Em̧ōj an kōjeram̧m̧an kōj kōn menin letok kein rej makoļok im piktokid bwe jen karuwaineneik ekkatak jān doon im eddōkļok. Ekkā aō ba n̄an rijikuuļ ro aō ilo University bwe kojro naaj kōm̧m̧ane ta eo kōjro ej kōm̧m̧ane jān doon, jeban aikuji doon. Ak kōnke kwojjab kōm̧m̧ane ta eo ij kōm̧m̧ane im n̄a ijjab kōm̧m̧ane ta kwōj kōm̧m̧ane, kojro ej aikuji doon. Im aikuj in ej kakobaik kōjro jim̧or. N̄an kōjepel im kakkure ej mōttan karōk eo an rikapo eo n̄an kakure jemjerā ko, baam̧le ko, im tōmak. Rilo̧mo̧o̧r eo ej kakobaik kōj.
Jej An
Juon iaan kōjeraam̧m̧an ko bwe “kom̧in juon” ej juon wāween ekajoor n̄an ad uwaan. Elder Quentin L. Cook ekar katakin bwe “kadkak in jetōb ko ad bōnjāer n̄an erom̧ juon wōt ippān Kraist.”
Ilo aō kar loļo̧k baam̧le eo aō ilo West Africa ilo Ghana, ekar ļo̧kjen āō kōn wāween aer mour. Ke ij tōparļo̧k m̧ōnjar eo ak kapijuknen, rekar wōnm̧ae kōm kōn naan kien “kwoj ruwainene.” Ke ekar pojak kijōm, eo ej lale kōm eaar ba, “kworuwainene.” Wāween kein reddik n̄an karuwaenene ekar kaetokļok ilo kōttōpar im jibadbad. Kwoj ruwainene. Kworuwainene.
Jej likūt ejja naan kein wōt ilo kōjem in m̧ōnjar ko ad. Ak kōkaļļe eo n̄an Karuwainenik Rilotok ro ejabwe. Jej ke karuwaineneik aolep ro rej deļo̧n̄tok kōjem ko? Ro jeiū im jatū, ejabwe ad jijōt ilo jia ko. Jej aikuj ron̄jake kūr eo an Rilo̧mo̧o̧r n̄an ejake jemjerā ko rekwojarjar ippān aolep ro nejin Anij. Jej aikuj mour kōn tōmak! Jema ekkā an kakeememej n̄a ke jijōt ilo jea ilo raan in Jabōt ejjab kōm̧m̧an bwe jen juon Rikūrijtin eo em̧m̧an im kiki lo garage ejjab kōm̧m̧an bwe kwon juon wa.
Jej aikuj mour bwe laļin en jab lo wōt kōj ak en lo E ilo kōj. Men in ejjab kōm̧m̧an wōt lo raan in Jabōt. Ej bōk jikin ilo im̧ōn wia ko, im̧ōn gas ko, kweilo̧k ko an jikuuļ, kuktok ko an jukjukin pād—aolep jikin ko ijo membōr im jab membōr in baam̧le eo am̧ rej jerbal im jokwe ie.
Ij jar lo raan in Jabōt āinwōt juon kein kakeemeemej ke jeaikuji doon im ippān doon jej aikuji E. Menin letok ko ad rej make wōt im taļōn ko rej kajenoļo̧k kōj lo laļin ej kakobaik kōj ilo juon jikin ekwojarjar. Rilo̧mo̧o̧r eo ekar kūr kōj n̄an jipan̄ doon, lōn̄aj doon, im kōketak doon. Men eo in E ekar kōm̧m̧ane ke Eaar kōmouri kōrā eo ekar to̧o̧rļok, kōmour rileba eo ekar akweļap kōn An tūriam̧o̧, kar kapilōk e prince eo edik eo ekar kajjitōk kōn ta emaron̄ kōm̧m̧ane, kar iakwe Nikodimōs eo ekar jeļā enaaj kar m̧ōjņo an tōmak, im jijōt ippān kōrā eo turin aibōj laļ eo ekar en̄jake an makeļo̧k kōn wāween mour iien ko im kar kwaļo̧k n̄an e kōn wūnin mijen eo An. N̄an n̄a ej m̧ōnjar—juon jikin n̄an ippān doon im jipan̄, kōmour, im kōkmanman. Āinwōt an Būreejtōn Russell M. Nelson kar kwaļo̧k: “Gospel net eo ej net eo ekileptata ilo laļ in. Anij ekar kūr aolep n̄an itok n̄an E. … Ewōr ruum̧ n̄an aolep.”
Jet remaron̄ kar en̄jake bwe men eo kwoj en̄jake kwojjab uwaan. Ennaan eo an Rilo̧mo̧o̧r n̄an kwe im n̄a ejjeļo̧k oktak: “Itok n̄an Eō, kom̧ otemjej rej jerbal im ban, im Inaaj kakkijeik kom̧.” Gospel eo an Jisōs Kraist ej jikin eo em̧m̧an n̄an kōj. Itok n̄an jikin jar ej letok kōjātdikdik kōn raan ko rōm̧m̧an, kallim̧ur eo ke kwojjab makeļo̧k, im juon baam̧le eo eļap an aikuji kōj āinwōt ad aikuji er. Elder D. Todd Christofferson ekar kwaļo̧k bwe “Juon wōt ippān Jemān, Nejin, im Jetōb Kwojarjar ejjeļo̧k pere ilo kobatok eo ejjeļo̧k jemļo̧kin.” N̄an jabdewōt ro rekar em̧m̧akūt im rej bar pukōt kilen aer bar ro̧o̧l tok, Ij kwaļo̧k juon karuwainene im m̧ool eo an indeeo: Kwoj uwaan. Ro̧o̧l tok. Etōrein.
Ilo laļin akweleel im jepelļok, ij kam̧ool bwe Rilo̧mo̧o̧r Jisōs Kraist ej juon rikaenōm̧m̧an eo eļap. Imaron̄ ke kūr kōj wōj n̄an mour jim̧we kōn karuwainene eo an Rilo̧mo̧o̧r bwe “komin juon” im n̄an kwaļo̧k lo peran, āinwōt kar E,“Komij ro jera.” Ilo āt eo ekwojarjar etan Jisōs Kraist, amen.