iVakavuvuli ni Noda Gauna

Na soqoni ni Matabete i Melikiseteki kei na iSoqosoqo ni Veivukei ena ikava ni Sigatabu ni veivula me vagolei ki na “iVakavuvuli ni Noda Gauna.” Na lesoni yadua sa rawa ni vakarautaki mai na vosa ni koniferedi raraba e se qai vakayacori oti ga oqo. Sa rawa vei ira na peresitedi ni iteki kei na tikina me ra digitaka na vosa me na vakayagataki, se me ra lesia na cakacaka oqo vei ira na bisopi kei na peresitedi ni tabana. Me ra vakamacalataka vakabibi o ira na iliuliu na kena yaga vakalevu vei ira na veitacini Matabete i Melikiseteki kei ira na marama lewe ni iSoqosoqo ni Veivukei me tautauvata ga na vosa era vulica ena dua na Sigatabu.

O ira era tiko rawa ena lesoni ni ikava ni Sigatabu era sa kerei me ra vulica ka kauta tiko mai ki na kalasi na mekesini ni koniferedi raraba se qai oti walega.

Vakasama ni Kena Vakarautaki na Lesoni Mai na Vosa

Masulaka me tiko vata kei iko na Yalo Tabu ni o vulica ka laki vakatavulica na (vei)vosa o ya. Ena rawa mo temaki ena so na gauna mo vakarautaka na lesoni mai na so tale na ivola, ia na vosa mai na koniferedi sa lewenivuli e vakadonui me taurivaki. Sa nomu itavi mo vukei ira na tani me ra vulica ka bulataka na kosipeli me vaka e vakatavulici tiko mai ena koniferedi raraba ni Lotu se qai vakayacori oti ga.

Taleva lesu na (vei)vosa, ka me kunei na ivakavuvuli kei na vunau ena sotava na nodra gagadre na lewe ni kalasi. Ka me raici na italanoa, na veitiki ni ivolanikalou, kei na ivakamacala mai na (vei)vosa ka na vukei iko mo vakatavulica na veika dina oqo.

Vola e dua na ituvatuva ni sala mo vakavulica rawa kina na ivakavuvuli kei na vunau. Na nomu ituvatuva me oka kina na taro eso me vukei ira kina na lewe ni kalasi me ra:

• Kunea rawa na ivakavuvuli kei na vunau era tiko ena (vei)vosa.

• Vakasamataka na kedra ibalebale.

• Wasea na ka era sa kila, vakasama, veika era sotava, kei na ivakadinadina.

• Bulataka na ivakavuvuli kei na vunau oqo ena nodra dui bula.

Vula	iUlutaga ena iKava ni Sigatabu
Me 2007– Okotova 2007	Vosa ka tabaki ena Liaona ni Me 2007*
Noveba 2007– Epereli 2008	Vosa ka tabaki ena Liaona ni Noveba 2007*

*Na veivosa oqo era sa tu ena initaneti (ena vuqa na vosa ni veimatanitu) ena www.lds.org.