Komentaryo

Akong Gihimong “Panimalay” ang Akong Bag-ong Branch

Ako bag-ohay lamang nga nakatrabaho sa Bengaluru, India, usa ka siyudad nga layo gikan sa akong lungsod nga pinuy-anan sa Chennai. Ako nalingaw sa akong bag-o nga trabaho; bisan pa niana, ang pag-adto og bag-o nga branch adunay lahi nga pagbati. Ako mibati nga usa ka langyaw, ug gimingaw ako sa akong branch sa amoa. Dayon akong nabasa ang artikulo “Paghimo sa Bisan Hain nga Ward ‘nga Panimalay’” sa Enero 2008 Liahona. Gibati ko ang kahupay, ug misugod sa pagpaila sa akong kaugalingon ngadto sa daghang mga miyembro. Nakadawat ako og calling ug nakahimog daghang mga higala. Ang labing importante, ako mas nakahibalo nganong ako mosimba. Karon ako nangita og bag-ong mga nawong ug nakig-ilaila kanila. Salamat sa artikulo.

Joseph Isaac, India

Ang Liahona Mitabang Kanako sa Pagsangyaw sa Ebanghelyo

Ako kanunay nga magdala og Liahona uban kanako. Tungod niini, ako nakahimo sa pagkuha og daghang mga referral alang sa mga misyonaryo. Kon ako kinahanglan nga magpaabut sa akong turno diha sa ospital, ako magbasa niini, ug ang mga tawo matingala, busa akong gipahimuslan ang higayon sa pagpakigsulti ngadto kanila kabahin sa ebanghelyo ni Jesukristo ug sa plano sa kaluwasan nga gitudlo sa Ginoo ngari kanato. Ang pagdala sa Liahona uban kanako bisan asa ako padulong nakatabang kanako sa pagsulti kabahin ni Jesukristo ug sa pagsangyaw sa ebanghelyo ngadto sa katawhan.

Margarita Herrera de Bello, Mexico