Ang tema sa Mutual niini nga tuig nagsulti kanato kon sa unsa nga paagi kita mopakita og ehemplo ngadto sa kalibutan.
12 Ayaw itugot nga adunay magatamay kanimo tungod sa imong kabatan-on; hinonoa alang sa mga magtotoo, pagkinabuhi ingon nga panig-ingnan sa sinultihan, ug sa paggawi, sa gugma, sa pagtoo, sa kaputli.
Ayaw Itugot nga Adunay Magtamay Kanimo Tungod sa Imong Kabatan-on
Si Pablo misulti ni Timoteo nga ang iyang ingon ka pagkabatan-on og edad dili magsapayan kon mahitungod kini sa pagsunod sa ebanghelyo ug sa pagserbisyo diha sa Simbahan. Daghang batan-on nga mga tawo adunay gamhanang espirituhanong mga kasinatian. Tan-awa kini nga mga pakisayran nga mabasa mahitungod sa pipila kanila: 1 Samuel 17:12–49 (David), 2 Nephi 2:4 (Jacob), Mormon 1:15 (Mormon), ug Joseph Smith—Kasaysayan 1:7–20 (Joseph Smith).
Sa unsa nga paagi kamo makapakita sa inyong pagkamaunungon sa ebanghelyo niining panahona sa inyong kinabuhi? Pagsulat mahitungod niini diha sa inyong journal.
Ehemplo
Imahe
President Thomas S. Monson
“Dili kita kinahanglang maghulat alang sa usa ka malaglagon nga panghitabo, usa ka mahinuklugon nga hitabo sa kalibutan nga atong gipuy-an, o usa ka linain nga pagdapit nga mahimong usa ka ehemplo—gani usa ka modelo nga sundon. Ang atong mga kahigayunan anaa sa atong atubangan dinhi ug karon. Apan kini mahanaw. Malagmit kini makita sa atong kaugalingon nga mga panimalay ug diha sa matag adlaw nga mga lihok sa atong kinabuhi. Ang atong Ginoo ug Magtutudlo mibutang og timaan sa agianan: ‘[Siya] naglibut sa paghimo og mga kaayohan’ (Mga Buhat 10:38). Siya gayud sa binuhatan maoy usa ka panig-ingnan nga pagasundon—gani usa ka ehemplo sa mga nanagtuo.
“Mao ba kita?”
Presidente Thomas S. Monson, “An Example of the Believers,” Ensign, Nob. 1992, 98.
Pulong
Kita nagpakita og dako nga disiplina sa kaugalingon kon kita makapugong sa atong mga pulong (tan-awa sa Santiago 3:2). Kay sa manaway sa uban, ang atong mga pulong kinahanglan nga mobayaw (tan-awa sa Mga Taga-Efeso 4:29; D&P 108:7). Aron sa pagpalambo niini nga bahin, kamo tingali, sama pananglit, magsulat og piho nga mga tumong aron sa paghatag og mga pagdayeg, magsulti og labaw pa ka mabination sa mga miyembro sa pamilya, maggamit og mas labaw pa ka makapahimuot nga mga tono ug mga pinulongan, ug maglikay sa mapanamastamason ug makapasilo nga pulong.
Panagsultihanay
Ang Griyego nga pulong nagpasabut og pamatasan o kinaiya.
Gugma nga Putli
“Kinahanglan nga itanom nato sulod sa atong mga kasingkasing ang liso sa gugma nga putli, ang tiunay nga gugma ni Kristo. Siya ang hingpit nga panig-ingnan sa gugma nga putli. Ang iyang tibuok nga kinabuhi, ilabi na sa iyang maulaong sakripisyo, maoy usa ka leksyon sa gugma nga putli. Ang Iyang matag lihok nagpakita og bug-os, dili kaduhaduhaan nga gugma alang sa tanan nga katawhan ug sa matag usa kanato. Ang Iyang ehemplo nagtudlo kanato nga ang gugma nga putli nagpasabut sa pagpaubos sa personal nga mga interes sa mauyunon ug malipayon nga paagi alang sa kaayohan sa uban. Ako nagtuo nga ang atong paglambo ngadto sa kahimayaan ug kinabuhing dayon nag-agad diha kon unsa kita ka maayo sa pagkat-on ug pagsunod sa baruganan sa gugma nga putli.”
Elder Joseph B. Wirthlin sa Korum sa Napulog Duha ka mga Apostoles, “Seeds of Renewal,” Ensign, Mayo 1989, 8.
Hugot nga Pagtuo
Aron mahimo nga ehemplo sa hugot nga pagtuo, sunda ang pagtulun-an ni Apostol Santiago: “pinaagi sa akong binuhatan pakitaan ko ikaw sa akong pagtoo” (Santiago 2:18).
Kaputli
Basaha ang mga pulong sa himno “More Holiness Give Me” (Hymns, no. 131), ug palandunga kon unsa ang gipasabut nga mahimo nga ehemplo sa kaputli.
Litrato ni Presidente Monson pinaagi ni David Newman