Pagpakita og Hugot nga Pagtuo

Malinda Morrison, Western Australia, Australia

Ang akong gugma alang sa institute nagsugod balik sa seminary. Mipasakop ako sa Simbahan sa edad nga 14, ug ako adunay kauhaw alang sa kahibalo. Nalingaw ako nga nagkat-on kabahin sa ebanghelyo ug nahigugma sa dalaygon nga mga higala ug mga magtutudlo nga akong gikahimamat sa ngadto-ngadto.

Usahay ang pagtambong sa seminary lisud. Ang akong pamilya, kinsa dili mga miyembro sa Simbahan, dili maabagon sa akong pagtambong. Apan uban sa tabang gikan sa ubang Santos sa Ulahing mga Adlaw, ako nakahimo sa pagtambong og sayo sa buntag nga seminary. Ang akong pamilya nakakita nga ako seryoso kabahin sa akong pagkamiyembro diha sa Simbahan. Kini mao ang akong paagi nga mobuhat labaw pa kaysa gikinahanglan.

Sama nga ang seminary nakapabuhong sa akong kinabuhi sa dihang ako batan-on pa, ang institute nakapabuhong sa akong kinabuhi sa panahon sa akong young adult nga mga katuigan. Gimahal nako ang mga pulong ni Kristo diha sa akong kasingkasing ug sa akong hunahuna (tan-awa sa D&P 6:20; 84:85). Kini nga mga pagtulun-an mitabang kanako sa pag-alagad sa Ginoo sa mas epektibong paagi isip usa ka misyonaryo.

Ako mapasalamaton sa institute ug nasayud nga kini usa ka dinasig nga programa tungod kay ako nakakita sa mga panalangin niini sa akong kinabuhi ug sa kinabuhi sa uban.