Barug nga Lig-on ug Dili Matarug sa Hugot nga Pagtuo

Itudlo ang mga kasulatan ug mga kinutlo nga makatubag sa mga panginahanglan sa mga sister nga inyong bisitahan. Pagpamatuod kabahin sa doktrina. Dapita kadtong inyong gitudloan sa pagpakigbahin unsay ilang gibati ug nakat-unan.

Mosiah 5:15: “Magmakanunayon ug dili mausab, sa kanunay puno sa mga maayo nga buhat, nga si Kristo, ang Ginoong Dios nga Makagagahum, mahimo nga mosilyo kaninyo nga iya, nga kamo mahimo nga dad-on ngadto sa langit, nga kamo mahimo nga makaangkon sa walay katapusan nga kaluwasan ug kinabuhi nga dayon.”

Unsaon nako sa Pagbarug nga Lig-on ug Dili Matarug sa Hugot nga Pagtuo?

3 Nephi 6:14: “Ang simbahan nabahin sa tibuok yuta gawas diha sa pipila lamang ka mga Lamanite kinsa nakabig ngadto sa tinuod nga hugot nga pagtuo; ug sila dili gayud mobiya niini, kay sila mga malig-on, ug makanunayon, ug dili matarug, andam uban sa tanan nga kakugi sa paghupot sa mga sugo sa Ginoo.”

Julie B. Beck, Relief Society kinatibuk-ang presidente: “Ang Santos sa Ulahing mga Adlaw nga mga babaye kinahanglan gayud nga lig-on ug dili matarug diha sa ilang hugot nga pagtuo. Sila makahimo ug kinahanglang molabaw diha sa pagpuyo ug pakigbahin sa ilang mga pagpamatuod kabahin ni Ginoong Jesukristo ug sa Iyang gipahiuli nga ebanghelyo. Kita nagbuhat niini samtang kita:

“1. Maghimo ug maghupot og mga pakigsaad uban Kaniya.

“2. Mga takus ug nagsimba diha sa Iyang mga templo.

“3. Magtuon sa Iyang doktrina nga anaa sa mga kasulatan ug sa mga pulong sa mga propeta.

“4. Makasarang, makaila, ug makasunod sa Espiritu Santo.

“5. Mopakigbahin ug manalipud sa Iyang ebanghelyo.

“6. Moapil diha sa sinserong personal nga pag-ampo ug uban sa pamilya.

“7. Maghimo og family home evening.

“8. Magpuyo sa mga baruganan sa kinaugalingong pagpaningkamot ug madaginutong pagpuyo.

“Kini importanteng mga butang nga kinahanglan gayud buhaton og una kay sa dili importanteng mga butang. Kini mga yano, kinahanglanon nga mga buhat nga ingon og ordinaryo. … Walay usa nga makahimo niini nga mga butang alang kanato—kini personal nga mga buhat ug mga kinaiya nga nakapalahi kanato isip lig-on ug dili matarug alang nianang maoy husto” (“Unsay Labing Maayo nga Mahimo sa Santos sa Ulahing mga Adlaw nga mga Babaye: Barug nga Lig-on ug Dili Matarug,” Liahona ug Ensign, Nob. 2007, 109–10).

Cheryl C. Lant, Primary kinatibuk-ang presidente: “Ang atong personal nga pagkakabig moabut samtang kita nagsugod sa pagpuyo sa paagi nga ang Ginoo buot kanato nga magpuyo—lig-on og dili matarug sa paghupot sa tanang mga sugo, dili lamang kadtong mga sayon. Kini dayon nahimo nga usa ka proseso sa paghashas samtang kita naningkamot sa paghimo sa matag adlaw nga mas maayo og gamay kaysa sa miagi” (“Matarung nga mga Tradisyon,” Liahona ug Ensign, Mayo 2008, 14).

Nganong Ako Kinahanglang Lig-on ug Dili Matarug sa Hugot nga Pagtuo?

Elder M. Russell Ballard sa Korum sa Napulog Duha ka mga Apostoles: “Ang inyong hugot nga pagtuo ug ang inyong kahibalo kalabut sa pagpahiuli sa ebanghelyo makahatag kaninyo og kalig-on nga magmatinud-anon ug magmatinuoron ngadto sa mga pakigsaad nga inyong gihimo uban sa Ginoo, ug mopakigbahin sa inyong mga kalig-on ug mga talento sa malipayong paagi sa pagtukod sa gingharian sa Dios dinhi sa yuta! Ang inyong pagpamatuod ni Jesukristo mao ang labing importanteng angkla nga inyong maangkon aron sa pagtabang kaninyo nga magpabiling makanunayon ug dili matarug, diha sa mga baruganan sa pagkamaturang, dili igsapayan ang mga hagit ug mga tintasyon nga mahimong moabut sa umaabut nga mga adlaw” (“Steadfast in Christ,” Ensign, Dis. 1993, 52).

Elder Richard G. Scott sa Korum sa Napulog Duha ka mga Apostoles:

“Kamo sa karon dili layo nga makahunahuna unsa kana nga desisyon sa pagdili magduha-duha sa pagkamasulundon ngadto sa Ginoo magtugot kaninyo sa paglampos sa kinabuhi. Ang inyong ligdong, dili mausab nga determinasyon sa pagpuyo og matarung nga kinabuhi makasumpay kaninyo ngadto sa inspirasyon ug gahum nga labaw sa inyong kapasidad karon sa pagsabut” (“Making the Right Decisions,” Ensign, Mayo 1991, 34).

Paghulagway sa litrato pinaagi ni Henrik Als; sa luyo ni Shannon Gygi Christensen