Magtubo nga mas duol ngadto sa Dios

Ngozichi Okwandu, Abia, Nigeria

Sukad pa nga ako misugod sa pagtambong kanunay og institute, daghan kaayong epiritwal nga mga panalangin ang misulod sa akong kinabuhi. Ako nakaugmad og Kristohanon nga paghigugma sa akong mga kaubang estudyante sa institute, ang akong hugot nga pagtuo diha sa Ginoo mitubo nga mas lig-on, ug ako mas naduol kang Jesukristo pinaagi sa pagtuon sa kasulatan.

Ang mga leksyon mihatag kanako og direksyon pinaagi sa pagtabang kanako nga mas makasabut unsaon paggamit ang akong pagpili. Kini mitabang kanako sa pag-atubang sa mga pagsulay uban sa usa ka positibong panglantaw, ug ako nakakat-on nga ang Dios kanunay anaa sa duol alang sa pagtabang kanako sa pagbuntog sa akong mga panglimbasog. Sa dihang ako mitambong og institute, ako nakakita og mga tubag sa akong mga pangutana. Sa matag panahon nga akong gamiton ang mga pagtulun-an gikan sa akong mga klase, ang ubang mga butang sa akong kinabuhi ingon og mas daling mohaum sa ilang hustong mga lugar.

Ako mibati nga ang pag-apil og institute mao ang usa sa pinakamaayong paagi nga akong magamit ang akong oras samtang ako batan-on pa.