Vuli mai vei Parofita Josefa

Sue Barrett, Mekesini ni Lotu

E dua vei ira na neitou vakatasuasua talei ni lotu vakamatavuvale o ya na italanoa i Josefa Simici kei na iMatai ni Raivotu. Au tukuna tiko na italanoa, ka ratou matanataka sara na makubuqu, me vakatakarakarataki o ira na dauvunau kei Josefa Simici. Au a droinitaka eso na pepa me vunikau drokadroka ka vakabira ki lalaga ena tutu ni rumu, ka vola eso na ivakatakilakila ena vosa “Dauvunau” me baleti ira na dauvunau, ka vakarautaka e dua na idabedabe kei na dua na iVolatabu me wiliwili mai kina o “Josefa.”

Era kaya mai na dauvunau vei Josefa, “Na noqu lotu e dina. Josefa, mai lewena na neitou lotu.” A sauma o Josefa, “Au sega mada ni kila,” se “Meu na vakasamataka mada.” Ni ra sa vosa oti kece vua na dauvunau, a dabe o Josefa ena idabedabe ka wilika e cake na Jemesa 1:5. A qai gole yani ki na “veikau” tekiduru ka masu. E sega ni dua a vakatakarakarataki Tamada Vakalomalagi kei Jisu Karisito, keitou a vakanomodi ni a gole yani o “Josefa” ki na veikau me laki masu. Era yadua na gauna na gone me ra vakatakarakarataki dauvunau kina vata kei Josefa.

Keitou a qai veivosakitaki Josefa Simici kei na iMatai ni Raivotu, na sala ni kena dau saumi mai na neitou masu dina ga ni keitou sega ni raivotu, kei na kena dusimaki keitou na ivolanikalou.

Na Nomudou Lotu Vakamatavuvale Talei

Vakauta na italanoa ni nomudou lotu vakamatavuvale talei ki na [e-mail].