Ejani Dëgjoni Zërin e Profetit

Dashuria e një Profeti

Nga Presidenti Diter F. Uhtdorf

Këshilltar i Dytë në Presidencinë e Parë

Nga një bisedë në konferencën e përgjithshme të prillit 2008

Disa vite përpara, Presidenti Tomas S. Monson erdhi në një konferencë rajonale në Hamburg, Gjermani, dhe unë isha i nderuar ta shoqëroja.

Presidenti Monson pyeti për Vëllanë Mikael Paniç, një ish president kunji që kishte qenë një nga pionerët e vendosur të Kishës në Gjermani. Unë i tregova se Vëllai Paniç ishte i sëmurë rëndë, që ishte i detyruar të rrinte në shtrat dhe i paaftë të merrte pjesë në mbledhjet tona.

Presidenti Monson pyeti nëse mund t’i bënim një vizitë.

Unë e dija se pak përpara udhëtimit të tij për në Hamburg Presidenti Monson i ishte nënshtruar një operacioni në këmbë dhe që ai nuk mund të ecte pa dhimbje. Unë i shpjegova se Vëllai Paniç jetonte në katin e pestë të një ndërtese pa ashensor. Ne do të na duhej t’i ngjitim shkallët që ta shihnim atë.

Por Presidenti Monson këmbënguli. Dhe kështu, ne shkuam.

Unë mbaj mend sa e vështirë ishte për Presidentin Monson të ngjiste ato shkallë. Ai mund të ngjitej vetëm disa njëherësh dhe pastaj të ndalonte për pushim. Ai nuk shqiptoi asnjëherë një fjalë ankimi dhe nuk do të kthehej mbrapa. Ngaqë godina kishte tavane të lartë, shkallët dukeshin si pambarim, por Presidenti Monson qëndroi gazmor deri sa arritëm tek apartamenti i Vëllait Paniç në katin e pestë.

Sapo arritëm ne patëm një vizitë të mrekullueshme. Presidenti Monson e falënderoi për jetën kushtuar shërbimit dhe e përgëzoi me një buzëqeshje. Përpara se të largoheshim, ai i dha atij një bekim të mrekullueshëm priftërie.

Presidenti Monson mund të kishte zgjedhur të bënte pushim midis mbledhjeve tona të gjata. Ai mund të kishte kërkuar të vizitonte disa vende të mrekullueshme të Hamburgut. Unë shpesh kam menduar se sa e shkëlqyer ishte që nga të gjitha pamjet në atë qytet, ajo që ai donte më shumë të shihte sesa cilëndo tjetër, ishte një anëtar i pafuqishëm dhe i sëmurë i Kishës.

Presidenti Monson erdhi në Hamburg për t’u dhënë mësim dhe për t’i bekuar njerëzit e një vendi. Por në të njëjtën kohë, ai u përqendrua tek njëri.

Kur Apostulli Pjetër foli për Jezusin, ai tregoi këtë përshkrim të thjeshtë: “[Ai] e përshkoi vendin duke bërë mirë” (Veprat e Apostujve 10:38). E njëjta mund të thuhet për njeriun që ne e mbështesim si profet të Perëndisë.

Ngjitja e Shkallëve

Presidentit Monson iu desh të ngjitej në mjaft shkallë për të ndihmuar Vëllanë Paniç. Mendoni për tre gjëra të ndryshme që mund të bëni për të ndihmuar dikë, veçanërisht në shtëpi. Vizatoni një pikturë ose shkruani në çdo shkallë që t’ju ndihmojë të kujtoni idetë tuaja.

Er Spricht Deutsch (“Ai Flet Gjermanisht”)

Presidenti Uhtdorf është i pari person nga Gjermania që shërben në Presidencinë e Parë. Kur ishte fëmijë ai fliste gjermanisht. Tani kur flet në konferencë të përgjithshme, ai flet anglisht. Shikoni tek fjalitë në të djathtë, nga biseda e Presidentit Uhtdorf në konferencën e përgjithshme të prillit 2008. Shihni nëse mund t’i përktheni fjalët gjermanisht në gjuhën tuaj.

“Unë gëzohem të kem privilegjin e madh që ta quaj veten anëtar të die Kirche Jesu Christi der Heiligen der Letzten Tage.”

“Unë lutem që Perëndia të më japë Kraft dhe një Herz të ndjeshme për të lartësuar këtë thirrje të shenjtë.”

“Unë ndihem kaq i privilegjuar të punojë nga afër me Präsident Monson. … Ai është Prophet Gottes.”

Majtas dhe lart djathtas: ilustrimet nga Beth M. Whittaker; djathtas: ilustrimet nga Sam Lawlor