O Le A Lelei Mea Uma

Saunia e Chad E. Phares

Mekasini a le Ekalesia

E faavae i se tala moni

“Sa faamalolosia i latou e le Atua ina ia faigofie ona latou tauave a latou avega” (Mosaea 24:15).

1. O le aso muamua o Eliota i se aoga fou, ma sa popole lava o ia.

   Tina, o le a ou misia au uo tuai.

   Ou te iloa o le a e misia i latou, ae e mafai ona e faia ni uo fou.

2. Ina ua taunuu atu i le aoga, sa saofai Eliota i se potuaoga fou. O le tele o tamaiti ua iloa lava e le tasi le isi. Sa latou talanoa ma talie. Sa saofai filemu lava Eliota.

3. Sa lei mafai ona maua e Eliota se isi e la te taaalo faatasi i le malologa. Na te leiloa pe o ai e fesili i ai. Sa fai atu e ni tamaiti se toalua sa i ai i le malae taalo se tala le lelei ia te ia. Sa le fiafia lava Eliota.

4. Sa foi atu Eliota i le fale ma le lagona faanoanoa.

   O le a se mea ua tupu?

   Sa faigata lo’u aso i le aoga. Na e fai mai o le a ou maua ni uo fou, ae e leai. Sa agaleaga mai nisi o tamaiti ia te au, ae e leai se mea na ou faia ia i latou.

5. Ou te faamalie atu i le leaga o lou aso. Ae afai e te taumafai pea, o le a lelei mea uma. Atonu e tatau ona ta tatalo e uiga i lenei mea. O le a sou manatu?

   Ua lelei. Ou te manao lava ia ou fiafia i le aoga.

6. I lea aso ma lea aso e tatalo ai Eliota mo se fesoasoani ina ia sologa lelei ona aso i le aoga. O nisi aso sa tau faigata lava, ae sa amata lemu lava ona ia maua ni uo latou te taaalo.

7. Sa faaauau pea ona tatalo Eliota mo se fesoasoani. Ina ua mavae ni nai vaiaso, sa taaalo Eliota ma ni uo fou i aso uma lava. E ui lava o nisi tamaiti e le lelei i taimi uma, ae e le i toe afaina tele lea ia te ia. Sa iloa e Eliota ua faamanuiaina o ia e le Tama Faalelagi ina ia mafai ona fiafia i lana aoga fou.