E masani lava ona ou fai i au uo e le auai i le ekalesia matou te o mai i le lotu. Pe tatau ona ou alu i a latou lotu pe a fesili mai ia te au?

E ui ina le tatau ona e le alu i au lava sauniga Lotu ina ia lua o ai ma sau uo i se isi lotu, ae e le afaina lou alu i ai i se isi taimi e vaavaai i a latou sauniga. O le a e maua ai se avanoa e aoao ai e uiga i isi tapuaiga ma tulaga e eseese ai ma la tatou ekalesia. Manatua ia e faaaloalo i a latou sauniga tapuai, e pei foi ona e faamoemoe latou te faaaloalo i a tatou tapuaiga.

O le aoao i tapuaiga a au uo, atonu o le a mafai ai ona faigofie atu au talanoaga ma i latou e uiga i autu faaleagaga. O le malamalama po o le a le mea e taua ia i latou e mafai ona fesoasoani i le faamalamalamaina o le mea e taua foi ia te oe. O le a latou talisapaia au taumafaiga e iloa atili e uiga ia i latou ma o latou talitonuga.

Ia e faaeteete a o e faia lenei mea. Ia aloese mai le faia o se mea e te lagona ai le le to’a lelei pe mafua ai ona e fesiligia ou lava talitonuga ma tulaga faatonuina. Ia e tatalo ina ia i ai le Agaga ma oe ae e te lei alu. Ona e fiafia lea i le avanoa ua faalautele ai lou malamalama i tapuaiga eseese ma, i le taimi lava lea e tasi, ia e malamalama atili ai e uiga i lau lava tapuaiga.