O La Tatou Itulau

Sa ou fanau i le Ekalesia a Iesu Keriso o le Au Paia o Aso e Gata Ai, o lea ou te faafetai ai lava. Ua ou aoaoina mai le Ekalesia le tele o mea e uiga i le Tama Faalelagi, Iesu Keriso, ma le Agaga Paia. O Iesu Keriso o lo’u faataitaiga sili lea. Ou te iloa e alofa o Ia ia i tatou uma.

Na faamalosia la’u molimau i lo’u papatisoga. Sa matuai o’u lagonaina le Agaga Paia. O loo fesoasoani mai le Agaga Paia ia te au e filifili le mea tonu.

O Iosefa Samita o se perofeta, e faapea foi i perofeta uma sa muamua mai ma mulimuli mai ia te ia. E moni le Tusi a Mamona ma le Tusi Paia.

Lukas D., 11 tausaga, Siamani

Elyssa M., 9 tausaga, Filipaina

Keilyn C., 11 tausaga, Costa Rica

I se tasi taimi na matou taaalo pasiketipolo ai ma tamaiti o le matou vasega i le aoga, ma sa faaaoga e se tasi o tamaitiiti le polo e togi ai le isi tamaitiiti. Sa ou taumafai e taofi o ia ma fesoasoani ia malamalama o le mea sa na faia e sese, ae sa lei faalogo mai o ia ia te au.

Mulimuli ane sa fai mai le epikopo ou te faia se lauga i le lotu e uiga i le amio mama. Ou te lei iloaina pe o le a le uiga o le amio mama ma pe sa ia te au foi pe leai. Ona faamanatu mai lea e lo’u tina, ona sa ou taumafai e tausi le filemu i le va o au uo i le aoga ma sa ou taumafai e fesoasoani i e vaivai, na i ai ia te au le uiga o le amio mama.

David S., 10 tausaga, Taiuani

Ina ua talosaga mai Peresitene Monson ia tatou tuuina atu se auaunaga i isi, sa ou foaiina atu la’u pea seevae e sili ona ou fiafia i ai i se teineitiiti mativa lava. Ou te faamoemoe e fesoasoani pea ia te ia i le tele o nisi mea.

Thayane S., 10 tausaga, Pasila

Tauagavale: ata o le pasiketipolo© Getty Images