Faamatalaga
Faamaoniga o Faaaliga Faifai Pea
O le Liahona o se faamaoniga ia te au o faaaliga faifai pea i le Ekalesia. O au o se peresitene o se paranesi, ma i totonu o mekasini ou te maua ai tali i a’u tatalo e faatatau i ausilali i la’u paranesi. O le Liahona e pei lava o le Tusi a Mamona—e faigofie ona malamalama i ai. O lea la ua mafai ona aoao i ai vaitausaga taitasi i aoaoga faavae a Keriso, ma malamalama atili ai foi uo a le Ekalesia i mataupu faavae ma le faatulagaga o le Ekalesia. O le a ou lafoina lomiga i a’u uo e le auai i le ekalesia ina ia latou manuia ai mai lenei mekasini ofoofogia.
Armel Davy Kiakaka, Cote d’Ivoire
O Se Galuega o le Alofa
Ou te le o mautinoa tonu pe aisea ua taulai ai lava le Liahona i le autalavou, tamaiti, ma le autalavou matutua, ae ou te iloa e aunoa ma se masalosalo o le galuega lea a lo tatou Tama Faalelagi. Na ou faitau i mekasini ma fiafia i ana savali talu mai lo’u tamaitiiti, ma e ese le aoga tele ia te au. O lea la ua avea au ma se tagata matua nofofua, ma ou te maofa i le fiafia o le Tama Faalelagi e patino ia te au lava ia. Ou te faafetai atu mai le ta’ele o lo’u loto ia te outou mo lenei galuega o le alofa.
Olivia Judith Chavez Vega, Peru
Faamolemole auina mai sou finagalo faaalia po o se fautuaga i le liahona@ldschurch.org. E ono faapupuuina tusiga mo le uumi po o le manino.