Taimi o le Taumafataga o le Afiafi—o se Taimi o le Aoaoina

Serena Gedlaman, Alberta, Kanata

Ia liliu le taimi o le taumafataga o le afiafi i se taimi o le aoaoina. Pau lava le mea e tatau ona e faia o le faalatalata mai lea o ni aitema o mataupu aoaoina a le Ekalesia i le laulau ‘ai. I totonu o lo ma fale e tele lava ina ma faaaogaina meatotino e aoao ai le ma fanau. Mo se faataitaiga, matou te faatatau lava i le tusitaiala o le Faatuatua i le Atua mo Teine, o le tamaitusi O Le Alualu i Luma o le Tagata Lava Ia a Tamaitai Talavou, ma le tamaitusi o le Mo Le Malosi o le Autalavou. Ioe, matou te faalatalata mai foi ia tusitusiga paia.

O nisi taimi matou te faitauina ai ni nai palakalafa ma talanoa i ai. O isi taimi matou te sueina ai ni mau. E oo lava i le mataupu faavae o le faatuatua lona lima ua matou taulotoina ma talanoaina lona uiga a o matou aai.

Pe a e setiina i lea taimi ma lea taimi le laulau i nei mea faamanatu, o le a faigofie ai ona manatua le taua o le fafagaina o i tatou lava faaleagaga faapea foi ma le faaletino.

Manatua: O loo maua foi tusitaiala o le Faatuatua i le Atua mo Tama ma le Faataunuuina o Lo’u Tiute i le Atua. O aitema uma o loo lisiina atu i luga e mafai ona okaina e aunoa ma se totogi i le faletusi autu a le AAG po o le initoneti i le www.ldscatalog.com. O tagata o loo alaala i le I.S. ma Kanata e mafai ona valaau atu i le Faletusi Autu i Sate Leki i le 1-800-537-5971.