Ou te Usitai ia Iesu Keriso Ona Ou te Alofa Ia te Ia

Saunia e Sandra Tanner ma Cristina Franco

E mafai ona e lagonaina le alofa o le Faaola mo oe e ala i le Agaga Paia. O le a le taimi e te lagonaina ai le alofa o le Faaola? Pe a fai au tatalo po o le faitauina o tusitusiga paia po o le usuina o pese a le Peraimeri? Pe e te lagonaina Lona alofa pe a e ’ai ma inu i le faamanatuga? O le a le mea e tupu pe a e lagonaina lenei alofa? E mafanafana lou loto? Pe e te lagonaina le toafilemu? O le lagonaina o le alofa o le Faaola, o le a tatou mananao ai e faaali atu lo tatou alofa ia te Ia.

O le mau o lenei masina ua aoao mai ia i tatou, e mafai ona tatou faaali atu lo tatou alofa i le Atua e ala i le tausia o Ana poloaiga. I totonu o lau api talaaga o mau, tusi ai i lalo nisi o poloaiga ua e iloa tausi. A tatou tausia poloaiga e faaali atu ai lo tatou alofa i le Atua, Na te faamanuiaina i tatou ia tatou lagona atili ia Lona alofa.

Api Faamaumau o Mau Setema 2010

Faitau le Ioane 14:15.

Tatalo i le Tama Faalelagi e fesoasoani ia te oe e faaali atu lou alofa ia te Ia e ala i le usiusitai.

Tauloto le Ioane 14:15 ma toe fai atu i isi.

Filifili se tasi o nei gaoioiga, pe fai sa oe lava gaoioiga:

Ia fesoasoani i se isi e tauloto le Ioane 14:15
O Tulafono e Sefulu o loo maua i le Esoto 20:3–17. Ia faitau fuaiupu na; ona faatumu lea o maa o loo i le itulau e 63 i se ata po o ni nai upu e faamatala ai tulafono taitasi. Ia faatu se sini e tausi ma le filiga se tasi o tulafono i le vaiaso o lumanai.
Talanoa i ou matua po o lou faiaoga o le Peraimeri e uiga i se taimi na latou lagonaina ai le Agaga Paia ma iloa e alofa le Faaola ia i latou.
Ia manatua ni taimi na e lagonaina ai le alofa o le Faaola ma tusi e uiga i ai i lau api o talaaga.

E faapefea ona fesoasoani mea ua e faia e te malamalama ai i le Ioane 14:15?

Tusi i lau api o talaaga pe tusi se ata e uiga i le mea ua e faia.

Tauagavale: ata na tusia e James Johnson; taumatau: ata na tusia e Scott Greer