Maimau pe ana mafai ona ou ta’u atu i le lalolagi atoa le talalelei. Ae a ou taumafai e ta’u atu le talalelei, ou te lagona lava le le atoatoa. E faapefea ona ou aoao efaasoa atu mea ua ou talitonu i ai?
E tele auala eseese e faasoa atu ai e tagata a latou molimau. O nisi tagata e faigofie lava ona tuuina atu a latou molimau i e o siomia i latou. O isi e mafai ona tusia a latou molimau i se tusiga matagofie. O isi e faasoa atu lo latou faatuatua e ala i musika po o ata. E faasoa atu foi molimau e ala i faataitaiga, i le ala o loo tatou ola ai.
O le a tupu lau molimau e ala i le faasoa atu, ma o le a e maua ai le lagona mautinoa e le gata ia te oe lava ia ae faapena foi i lau molimau. Ia e tatalo mo le fesoasoani ma le malosi e atiina ae ai lou gafatia e faasoa atu ai i isi mea ua e talitonu i ai. Ua folafola mai le Alii, afai e tatala lou gutu, o le a faatumuina (tagai MFF 33:8).
Afai e te fefe e tautala i luma o isi tagata, taumafai e tusi lau molimau ma faitau leotele ia te oe lava. Atonu o le a fesoasoani lea ia te oe e lagona atili ai le toafimalie i le faasoa atu o lau molimau. Ia amata i le faasoa atu i ou aiga ma au uo mamae. Ia amata atu i laasaga laiti ma faigofie, ia faalagolago i le Alii, ma i le aluga o taimi o le a e lagona ai lou toafimalie i le tuuina atu o lau molimau i sauniga po o soo se tasi e te feiloai i ai.
Aua le popole po o a manatu o isi tagata ia te oe. Afai ua saunia i latou, o le a valaaulia e lau molimau le Agaga Paia e pa’i atu ia te i latou. Ia e manatua o lau molimau o la oe lava lena meatotino ma o se mea e faapitoa i le Alii ma oe lava ia.
Sa saunoa mai Peresitene Thomas S. Monson: “Ua ia te oe se molimau; faasoa laia. Ia aua lava nei e manatu faatauvaa i le aafiaga loloto o lau molimau” (“Ia Avea Oe Ma Faaaoao,” Liahona, Me 2005, 115; “O Le Ala E Ola Ai,” New Era, Sete. 2005, 8).
Afai e te fefe e tautala i luma o isi tagata, taumafai e tusi lau molimau ma faitau leotele ia te oe lava. Atonu o le a fesoasoani lea e te lagona atili ai le toafimalie i le faasoa atu o lau molimau.