Karokoan te Buraimwari n te Mwenga
Te Inaomata n Rinerine Bon te Bwaintangira n Rinerine i bon Ibukira
Ko kona ni kamanena te reirei aei ao te waki ni kakukurei n reireiniko riki ibukin ana boto n iango te Buraimwari ibukin te namakaina aio.
“Tekeraoi te koronririki, Juliana!” E taetae Tamau. E angan Juliana te bwaoki ae niraki n te beebwa ae raneanea ma te kabae iaona.
E moangare Juliana. E bon rangin kukurei ni karekea ana bwaintangira mairoun tamana ao n aki kona n tataninga ma e a kaukia.
Ko kukurei n aron Juliana ngkana ko karekea te bwaintangira? Tamara are i Karawa e a tia n anganira ngaira n tatabemanira nako te bwaintangira ae kakaawaki. E aranaki bwa te inaomata n rinerine. Te inaomata n rinerine bon te konabwai ni karaoi oin ara rinerine.
Imwain rokora nako aon te aba, Tatan e aki tangira temanna bwa e na iai ana rinerine. E tangiria ni kairoroira nako aon te aba ao ni karaoa are e tangiria bwa ti na karaoia. Ma Tamara are i Karawa e ataia bwa e kakawaki ibukira bwa ti na karaoi oin ara rinerine. Ma rinerine tatabeua are ti karaoi, ti rikirake ni kaan nakon Tamara are i Karawa ao Iesu Kristo. A tangirira bwa ti na karaoi rinerine aika tamaroa bwa ti aonga ni manga oki riki ni maeka ma Ngaiia.
Te ririki aei n te Buraimwaari ti reiakinaki bwa ti na kanga ni kona ni kabonganai ara rinerine nakon RTE—rinea te eti!
Kamatata n te korotamnei iroun Maryn Roos