I kona ngkai n Riki bwa te Mitinare.
Anna e kataia n iri aia katoto mitinare. Iri taian kaetieti aika inano bwa e aonga ni kona ni karaoi rinerine aika e na buokia n riki bwa te mitinare ngkai.
Ko na kainnanoa: te taaiti ke onoua mwakororo ni beebwa aika nambwanaki man 1 nikarokoa 6 inanon te beebwa ae uarereke; teuana te koin, te bean ae mau, ke tabeua bwaai ni katoaia aomata.
Ko na kanga n takakaro iai: Te tia takakro e na rinea te bwai ae uarereke ni kabongana kanga te mwakoro ni bwai n takakaro. Ikaruoruo, kaminoa te taaiti ke buuta te nambwa man te baeki, ao kamwainga am mwakoro ni bwai n takakaro anne ni mwaitin te tibeiti are ko kaminoa ke are ko buutia. Ngkana ko roko n te tibeiti are e tuangko bwa tera ae e na kona ni karaoia te mitinare, mwaing nako mooa teuana te tibeiti. Ikaruoruo nikarokoa ni kabane a bane n rinanon te tia, te tabo are a tataninga iai mitinare!
Waaki
Ko nora te ataei n takakaro n ti ngaia ao ko kaoa bwa e na takakaro ma ngkoe ao raoraom.
Ko tibwaua am koaua inanon te botaki n utu n te tairiki.
Ko kamatebwai booki aika a tabu n te bong aei.
Ko karinerine n tain te taromauri.
Ko iangoa te Tia Kamaiu n tain te toa.
Ko buoka tinam n rukum kunnikai ake a tibwa tia ni uatiaki.
Ko uringnga n tataro ibukia mitinare.
E bane
Ko rabwa ngkai ko riki bwa te mitinare ae tamaroa!
Kamatata n te korotamnei iroun Jake Parker