Baetere ao Ang aika a Rangi ni Kamwaitoro

C. Lee Bendixsen, Idaho, USA

N te bong teuana n au tei n te Idaho Falls Idaho Tembora, I anga nanou bwa N na uotiia uoman taari nakon aia ka, ae e a tia ni bae n te kawai ae abwabwaki nako maiakin Idaho Falls, Idaho, USA. Taanga aika akoi a tia n tei n tain bongin te angibuaka ae rangi ni kamwaitoro anne ao ni uota te Tari Thompson ao te Tari Clark n nikiran kawaia nakon te tembora.

E kakoaua te Tari Thompson bwa e tangira te baetere ae boou ana kaa. I uotia nakon te tabo ni ka ae kaan bwa e na kabooa ana baetere, ao bukina bwa iai bwaai ni mwakuri n au ka, I angananou bwa N na bitia.

E tekeraoi bwa I uota nangoan baiu kunnikai ae boou ao au kunnikai ni kamwaitoro ibukin te winta. I tabekaarake rabunan te ka, ao n tauraoi ni kanakoa te baetere are e aki maiu ao n onea mwina n ae boou.

Oneakin te baetere, N na tangiria ni kabwarai ao ni kanakoi tabeua bwain te kaa, n raonaki ma tangken bwain kaitiakan te kiraati. I kunea n te tai ae waekoa bwa au bwainimwakuri aki tiaiti ma taian tikuruu ao tabeua tikuruu ana bon aki mwaing naba. I kabonganai bwai ni mwakuri aika kakaokoro ao ni katai n taabo aika kakaokoro, ma akea te bwai ae mwaing. Te kabubue I tinaniku e kaniia 5 te tikurii Fahrenheit (-15°C), ao tangin te turaki are e riki man karen te ang ae korakora man banen butina are e bon rangin ni kamwaitoro. I a tia n roko n te kawai ae kamwaitoro, man n akea te kawai n otinko ma iai.

I rairaki nakon ti te tabo n ibuobuoki ae tauraoi. I tataro ma nanou ae korakora, ni kabwarabwara kainnanou nakon Tamara are i Karawa ao n Tuanga ngkana E kona ni kamaraui taian tikuru ke ni buokai ni kakaea te anga ae N na karaoi iai. Ni banen au tataro, I anaa riki te bwai ni kabwara tikuru ao n taua te tikuru are e aki kona ni mino. E a kaman maraurau! Ma te aki karongoa ao ni kaota te kaitau, I kanakoa te tikuru ao i reitianako.

E aki maan ao I kunea te tikuru ae kanganga arona, ae rawa ni kan mwaing ae mena i kabin te ka. I teimatoa n aki kona ni waaki, I tataro ma te bubuti ae korakora ibukin te ibuobuoki, I karaoia ma te onimaki ae rikirake. N te tai aei ao titebo ma I kairaki bwa N na kanakoi moa tabeua tikuru ake a mena inano ao ni minota bwain tauan te baetere, ngaia ae I karaoia. Te tikuru are e aki kona ni mwaing e a mwaing ngkai. N te tai ae aki maan ao I katikia ni kaotinakoa te baetere are e a mane.

I karina te baetere are e boou inanona ao ni manga kaoki bwain te kaa ni kabane nakon au kabanea ni kona ma baiu aika a kuri aki namakin. Ngkanne I a manga kanim uaean te iti. E minota te kiing te Tari Thompson man ni matangare ngke e a maiu te intin. I kaoka rabunan te kaa ma te kukurei. I a tia ni mena itinaniku n te maan ae kaan reke te aoa, ao rangau ma tabon waeu a kuri aki namakin ngke I waekiekie n nakonako ni karaurau nakon au kaa.

I ira te Tari Thompson ao te Tari Clark ni kakoaua bwa a bon roko raoi ni mwengaia. Ngke I buti, ana bwai ni kabuebue au kaa e bon rangin ni kakukurei, ao waeu ma rangau a moanna n abue. I kakaitaua Tamau are i Karawa ibukin Ana ibuobuoki. N tokina ao I rangin n rootaki ngke I ataia bwa E a tia ni kaekai aia tataro taari aikai ngke E kanakoai bwa N na riki bwa Ana tia ibuobuoki. N Ana kawai ae moan te kamimi E a tia ni buokiia ni kainnanoia ao ni kamatoa au onimaki.

I kabonganai bwai ni mwakuri aika kakaokoro ao ni katai n taabo aika kakaokoro, ma akea te bwai ae mwaing. I a tia n roko n te kawai ae kamwaitoro, man n akea te kawai n otinko ma iai.