Bukin tera ngkai a rangin ni kairoroaki ataeinimwaane bwa a na nako ni mitinare? Tiaki n ae e bon nakoia iangoana?

Te iango ae a na riai ni karaoia ataeinimwaane irouia bwa tao ke e na aki kakoroa nanon tabena n te nakoanibonga are e na karaoa te mwakuri ni mitinare. N aron are e a tia n taekinna Beretitenti Thomas S. Monson: “Ni kabane ataeinimwaane aika tau, ma ni konabwai a riai ni katauraoi n nako ni karaoa te mwakuri ni mitinare. Te mwakuri ni mitinare bon te tabe n te nakoanibonga—te mwiokoaki ae ti kabaeaki iai bwa ti na karaoia mairoun te Uea are e a tia n anga ae rangin ni mwaiti. Ataeinnimwaane, I kauringngkami bwa kam na katauraoi ibukin te mwakuri ni mitinare” (“As We Meet Together Again,” Riaona, Nobembwa 2010, 5–6).

Te katauraoi nakon te mwakuri ni mitinare bon mwakoron te bwai ae na riai ni karaoia te ataeinimwaane n te Nakoanibonga ae te Aaron. Bon tabena, ao e riai n namakina kakawakin te mwakuri anne. E koaua ae, e na aki ti nako ni mitinare ibukina bwa e kantaningaki ke bukina bwa e kairoroaki; e riai n nako ni mitinare bukina bwa iai nanona ni kan tibwaua ana euangkerio Iesu Kristo ae kaokaki ao nanona ni kan tibwauaia ma tabeman.

Ma ngke e tataro ibukin nakona ni mitinare, e riai naba n uringnga bwa man karekean te nakoanibonga, e a tia ni kaman kariaia te katabeaki ae tabu ni kauring, n tataekina, n ibuobuoki, ao n reirei, ao ni kaoia ni kabane bwa a na nakon Kristo (taraa D&C 20:59), n raonaki ma te beku ni mitinare ae bwanin ana tai. Ngkana aki kona n nako ni mitinare ataeinimwaane ibukin aki raoiroin marurungiia ke aki toamaun rabwataia, a kariaiakaki ma te karinerine.