2012
Te Boki ibukin te Maungatabu n Okitobwa
Tianuare 2012

Maungatabu n Okitobwa Te Boki

Tera are I a tia n taekinna Ngai te Uea, ao I bon taekinna,… ngkana boni man bwanaau ke man bwanaaia Au toro, bon tii te arona (D&C 1:38).

Ngkai ko a tia n rinanon te maungatabu ni kabuta ibukin Okitobwa 2011, ko kona ni kabonganai iteranibaa (ao Booki ibukin rongorongon te maungatabu n taai aika a na roko) ni buokiko ni kamatebwai ao ni kamwakuri reirei ake ai tibwa ngkai mairouia burabeti aika a maiu ao abotoro.

Aia Berita Burabeti

Beretitenti Thomas S. Monson.

“Tiaki te bongina n nako man anne are I tuai n reitaki iai ma Tamau are i Karawa rinanon te tataro. Bon te reitaki ae I rangin kawakinna—akean kabonganana teuana ao N na boni bua. Ngkana akea am reitaki ma Tamam are i Karawa, I kaumakiko bwa ko na mwakuri nakon te kouru anne. Ngkana ko karaoia, ko na inaomata ni karekea Ana kairi ao Ana tararua inanon maium—aika a kakawaki ibukira n tatabemaniira nako ngkana ti kan teimatoa n te maiu n tamnei inanon mwamwanangara iaon te aba. N aron te kairi ao te tararua bon bwaintangira ae E anganiira n akea booia ngkanai ti ukoukorii.”

Beretitenti Thomas S. Monson, “Teei n Taabo aika a Tabu,” Riaona, Nobembwa. 2011, 84.

Nako ao Karaoia

Unimwaane L. Tom Perry

Unimwaane L. Tom Perry man te Kooram n Abotoro n te Tengaun ma Uoman e reireira bwa kabirimwakaan ara atatai ibukin te Ekaretia, ti riai n:

  1. “Bwaina te ninikoria n tataekina Iesu Kristo. Ti tangiriia tabemwaang bwa ana ataia ae ti kakoaua boni Ngaia te banna ni katooto n rongorongoia aomata ni kabane.”

  2. “Karaoa ae tamaroa n am katoto nakoia tabemwaang. … Maiura a riai n riki bwa katoto ibukin te raoiroi ao te tamaroa ngkai ti kataia n irii Ana katoto nakon te aonaaba.”

  3. “Taetae ibukin te Ekaretia. Inanon waakin maiura ni katoa bong, ti kakabwaiaki ma ara tai n tibwatibwai ara koaua ma tabeman.”

Man “Te Tangira ae Kororaoi e Kanakoa te Maaku,” Riaona, Nobembwa. 2011, 42–43.

Kanoai taian Bwangabwanga

  1. “Te Tataromwaaka ni kamatebwai e na katea te onimaki iroun te Atua te Tama, iroun Natina ae Ana Rikitemanna ae Tangiraki, ao inanon Ana euangkerio. E na katea am onimaki irouia ana burabeti te Atua, ake ngkoa ao aika ngkai. E kona ni kaaniko riki nakon te Atua nakon te boki riki teuana. E kona ni bita te maiu nakon ae tamaroa.” (Henry B. Eyring, “Te Tia Kakoaua,” Riaona, Nobembwa. 2011, 70.)

  2. A n riki bwa te rao ae teimatoa are e aki mamaara ni waakin te tai.” (Richard G. Scott, “Mwaakan te Boki ae Tabu,” Riaona, Nobembwa. 2011, 6.)

  3. “Ibukiia naake a taku bwa kakatai ake a kaitaraaki iai a bon ribuaka, te kabomwii ni baika a katanginano n te maiu aei.” (Quentin L. Cook, “Anene Ake A Aki Kona n Anenei,” Riaona, Nobembwa. 2011, 106.)

  4. “Ngkana iai iroura , ti na angananora ni beku ao ni buokiia tabeman ngkana e aki angaraoi ao n aki iangoa te kan atongaki ke ni kabomwii.” (Silvia H. Allred, “Te Tangira ae Aki Kon ni Bwaka,” Riaona, Nobembwa. 2011, 115.)

Kaekaaia:

  • 1. Ana Boki Moomon; 2. kamatenanoan te boki ae tabu; 3. Te Mwakuri ni Kamaiu; 4. tangira ae kororaoi.

Maing: korotamnei ao kamatata iroun Paul Mann; atai: Te Uea Iesu Kristo, iroun Del Parson ©1983 IRI; tamnei iroun Emily Leishman; korotamnei ao kamatata iroun John Luke ao Christina Smith