Karaki Man te Maungatabu

Beretitenti Thomas S. Monson, “Ninikoria n Tei I Bon Iroum,” Riaona, Nobembwa. 2011, 61–62.

“I kakoaua te bwai are I rinanona ni karekean te ninikoria n au koaua ae matoatoa ae riki ngke I beku n te United States ibukin te Navy ni kaniia tokin ana Kauoua ni Buaka te Aonaaba …

“ I bon uringnga ngke inanon rokon te Taabati imwiin te moan wiiki[te kaembwa ibukin te nakonako]. Ti karekei taeka ni butimwaai mairoun te mataniwi n aobitia. N tei ni mabu iaontano n angin California ae karaurau, ti ongo ana oota: ‘N te bong aei aomata ni kabane a na bane n nako n taromauri—ni kabane, ao ngai I aki. N na karauai ni motirawa!’ Imwiina e takarua, ‘Ngkami ni Kabane Katorika, kam na kaitibo ni Camp Decatur—ao tai oki ni karokoa te aoa teniua. Waaki nako, mwaati!’ Te aomata ae tau buraburana e otinako. Imwiina e takarua ana oota are imwiina: ‘Ngkami ake Iutaia, kam na kaitibo ni Camp Henry—ao tai oki ni karokoa te aoa teniua. Waaki nako, mwaati!’ Temanna ae tuakaroko buraburana e mwaati n otinako. Imwiina e taku, ‘Nikirana ngkami aika Kamatu, kam na kaitibo n taabo ni kamataku ni Camp Farragut—ao tai oki ni karokoa te aoa teniua. Waaki nako, mwaati!’

“N te tai ae waekoa e kaoti te iango teuana n au iango, ‘Monson, bon tiaki ngkoe kaain te Katorika; tiaki ngkoe te Iutaia; tiaki ngkoe kaain te Kamatu. Boni kaain te Moomon, ngaiare bon teei ikai!’ I bon kakoaua bwa I namakinna ae I tei n ti ngai. Te ninikoria ao te tei ni matoatoa, eng—ma ti ngai.

“Ao imwiina I ongo taeka aika a tangiraoi ae I a tibwa ongo ake e taekin te mataniwi n aobitia. E taraa te tabo are I mena iai ao n titiraki ‘Ao ngkami uakai tera arami ae kam arani ngkami iai?’ N te tai anne I aki ataia ae iai raou aika tei irarikiu ke ibukiu iaontano. E nako te bwanaa n botaki n tii teuana n kaeka ‘Moomon!’, E kanganga kabwarabwaraan te kimwareirei are e kaona nanou ngke I tanrikaaki ao n noora mwaitiia riki tabeman kaimoa.

“Te mataniwi n aobitia e ngongoa atuna ni kaota te kubanako n taraana ma imwiina e taku, ‘E tamaroa, ngkami naako kakaea ami tabo teuana ni botaki. Ao tai oki ni karokoa te aoa teniua. Waaki nako, mwaati!’ …

“E ngae ngke te bwai are I rinanona e taraa ni kaokoro ma are I kantaningaia, I bon angananou n tei n ti ngai, n tia n rangin kakawaki.

“Ni karokoa te tai anne, iai taai ngke manga akea temanna n tei ibukiu ngaiare I bon tei n ti ngai. Ai kakaitaura Ngai ngkai I karaoa te babaire ngkoa n teimatoa ni korakora ao ni koaua, n kakatauraoi n taai nako ao n tauraoi n tei ibukin au aro.”

Titiraki aika a na iangoaki raoi:

Tera aron teira ni matotoa n rootia tabeman?
Ko kona n uringa tain ninikoriam ma am koaua ae matoatoa ngke a kataaki? Ko kanga ni kaekaa?
Tera ae ti kona ni karaoia ni katauraoira n tei ni matoatoa?

Iangoa korean am iango inanon te tienero ke maroroakinna ma tabeman.