Kairake n Ataeinaine, Teirake ao Kaota nako!
Te Boto ni iango n te Miutuo n te ririki aei bon te nakoa nakoim n riki bwa te tia kairiri. Bon te nakoa ibukim ni kairiri inanon te itiaki, te aki kamoamoa, ao inanon ae tabu. Bon te nakoa ni bita te aonaba!
Ngkana koa riki bwa mwakoron te botaki ibukia Kairake n Ataeinaine, koa anganaki te te koora ao te mwae n roroa ae tamnein te tooti ae mainaina ni karinna iaom bwa te kauring bwa ngkai koa riki bwa te kairake n ataeinaine inanon Ana Ekaretia Iesu Kristo ibukia aika Itiaki ni boong aika Kaitira, kona tei ibukin te koaua ao te raoiroi ao teirake ao kaota nako te ota nakon te aonaba. Are nanona bwa kona koaua nakon kinakim mai karawa n aron natin te Atua te aine ae onoti. E nanonaki bwa kona teimatoa n tei bwa te tia kakoaua Ibukina ao ibukin te Tia Kamaiu, “n taai nako ao ni bwaai nako, ao n taabo nako ake kam nako iai” (Motiaea 18:9).
Ti kantaningaia bwa n te ririki aei kona karina te mwae n roroa iaom ma te kakatonga ae tamnein te tooti ni kauringko bwa ngkoe te banna ni katoto nakoia ake a mena irarikim. Kona “kaota nako” ngkai ko tataro ni katoa bong, wareware inanon ana Boki Moomon, ongeaba ni kainibaire inanon Ibukin Kakorakoraia te Roronrikirake, ao moangare. Ti ataa anne ngkana ko kawakin tuua ao ni maiuakin kainibaire ake a kuneaki inanon Ibukin Kakorakoraia te Roronrikirake, kona kaota te kimwareirei ao n tau ni kairaki iroun te Tamnei ae Raoiroi. Te kairiri ae e na butimwai ngkami n tatabemani ngkami nako ni karaoi rinerine are a na kona ni buokiko n tau ni karekea te rekomente n rin te tembora.
Ngkai te beretitentii ni kabuta n te botaki ibukia Kairake n Ataeinaine, ti kakoaua bwa ngkana ko karaoi bwaai aikai, te Tia Kamaiu e na mena ikanne ni kaota kawaim. E berita nakoim, “N na riki bwa am taura … ; ao N na katauraoa te kawai imwaimi, bwa kam aonga ni kaawakin au tua; … ao kam na ataia bwa kam kairaki irou” (1 Nibwaai 17:13).