Doctrine ao Covenants 115:5

Te Uea e tua nakoira bwa ti na teirake ao n kaota nako.

E koaua ae I tuangkami ni kabane: Teirake ao kaota nako, bwa e na riki otami bwa te kainibaire ibukia aba(taraa D&C 115:5).

I Tuangkami ni Kabane

N te kaotioti aio man 1838, te Uea e anga ana kaetieti ni kaineti ma katean te tembora i Far West, Missouri, n ai aron naba taraakin tabeua katean Tion. E anga naba aran Ana Ekaretia ni bong aika kaitira: Ana Ekaretia Iesu Kristo ibukia aika Itiaki ni bong aika Kaitira. E ngae ngke e kaineti te kaotioti aei nakoia taan kairiri n te Ekaretia, te tua n “teirake ao kaotanako” e kaineti nakoira ni kabane.

Teirake ao Kaota Nako

“Iai ana mwakuri te Uea ae kakannato ibukimi n tatabemani ngkami nako ae kam na karaoia. Teirake ao kaota nako, bwa e na riki te ota anne bwa te kainibaire nakon te aonaba (D&C 115:5). E onimakiniko, ao E wewete ao n onimakiniko n tei n rietata ao n ota mwaaka inanon kakaewenako aikai ma boong aika kamimi.”

Beretitenti Dieter F. Uchtdorf, Kauoman ni Kauntira n te Moan Beretitentii, “Your Right to Choose the Right,” New Era, Aokati 2005, 8.

Am Ota

Ko na kanga ni kaota nako am oota. Iangoi iango aikai ao korei tabeua am iango n am tienoro.

Bwaina te nanoanga, tituaraoi, ao te nanorinano.
Tei ibukin ao maiuakin ana kainibaire te Ekaretia.
Moangare ao kaota te kimwareirei ni maiuakinan te euangkerio.
Tibwaua te euangkerio ma raoraom.
Kaota am kakoaua ibukin te koaua.

Kainibaire

Kainibaire—te bwai, n aron taraakin te buraeki, e katokaaki iaon te kainiman ao ni kabonganaki bwa kantaninga ibukin te boutoka ke te kanikinaa. Tara Doctrine ao Covenants 45:9.

“Taani uouota te kainibaire a mwaati i moa ibukin te mwananga ae tau. A tei ibukin te bwai ae raoiroi ao ae tamaroa. Aki toki n uouoti buraeki ke tabeua kanikina ni kaota te banna, oin te kantaninga ao te katiteuanaaki. …

“Ngkai ngaira taan uouota Ana kainibaire, ti na buokia ake iai nanoia ni kokoaua ni kakaea Iesu. Ti aki katiotioi buraeki. … N oneanimwin anne, ngkai ngaira taani uouota te kainibaire ibukin Iesu Kristo, ti anganano ao ni kakaitau ni katoka arana ae tabu iaora. Ti kaina ana taanga ni buaka ibukin ana kantaninga man berita aika a tabu.”

Unimwaane Russell M. Nelson man te Kooram n Abotoro n te Tengaun ma Uoman, “Standards of the Lord’s Standard Bearers,” Ensign, Aokati 1991, 7.

Aba

“N te bong aei ana aomata te Uea a bobotaki ‘mai buakoia aaba’ ngkai a ikotaki inanon botaki n taromauri ao titeiki man ana Ekaretia Iesu Kristo ibukia aika Itiaki ni boong aika Kaitira are a uamaenako ni kabuta te aonaba. … Te Uea e weteira bwa ti na riki bwa biikan ibukin te raoiraoi ni kairia ake a ukoukora te kamanoaki ao ana kakabwaia Tion.”

Unimwaane D. Todd Christofferson man te Kooram n Abotoro n te Tengaun ma Uoman, “Come to Zion,” Riaona, Nobembwa 2008, 37.

Te Baekuraun iroun Dina Beylis