Ang Akong mga Sumbanan sa Ebanghelyo

Sundon nako ang plano sa Langitnong Amahan alang kanako.

Hinumduman nako ang akong pakigsaad sa bunyag ug maminaw sa Espiritu Santo.

Mopili ako sa matarung. Nasayud ako nga ako makahinulsol kon ako makahimo og sayop.

Magmatinuoron ako sa Langitnong Amahan, sa uban, ug sa akong kaugalingon.

Akong gamiton ang mga ngalan sa Langitnong Amahan ug ni Jesukristo sa balaang paagi. Dili ako mamalikas o mogamit og binastos nga mga pulong.

Himoon ko kadtong mga butang sa Igpapahulay nga makatabang kanako nga masuod ngadto sa Langitnong Amahan ug ni Jesukristo.

Tahuron nako ang akong mga ginikanan ug mohimo sa akong bahin sa pagpalig-on sa akong pamilya.

Akong himoong sagrado ug putli ang akong hunahuna ug lawas, ug dili nako gamiton ang mga butang nga makadaot kanako.

Magsinina ako og tarung aron sa pagpakita og pagtahud sa Langitnong Amahan ug sa akong kaugalingon.

Mobasa ug motan-aw lamang ako og mga butang nga makapahimuot sa Langitnong Amahan.

Maminaw lamang ako og musika nga makapahimuot sa Langitnong Amahan.

Mangita ko og maayong mga higala ug magbinuotan ngadto sa uban.

Magpuyo ako karon nga mahimong takus nga moadto sa templo ug mohimo sa akong bahin aron makaangkon og mahangturong pamilya.

Ako Anak sa Dios

Nasayud ko nga ang Langitnong Amahan nahigugma kanako, ug ako nahigugma Kaniya.

Makaampo ko sa Langitnong Amahan bisan kanus-a, bisan asa.

Naningkamot ko nga mohinumdom ug mosunod ni Jesukristo.