Sa inyong hunahuna unsa kaha ang pinakaimportante nga butang nga maangkon sa usa ka estudyante gikan sa seminary ug institute?
Sa inyong hunahuna unsa kaha ang pinakaimportante nga butang nga maangkon sa usa ka estudyante gikan sa seminary ug institute? Sa dihang gipangutana ang Commissioner sa Church Educational System, si Elder Paul V. Johnson sa Seventy, sa usa ka grupo sa mga estudyante sa seminary niining sama nga pangutana, gitubag niya nga ang pinakaimportante nga butang nga inyong maangkon mao ang “tinuoray nga pagpamatuod nga si Jesus mao ang Kristo. Ang pagsabut nga ang tinuod nga kahibalo mao ang espiritwal nga kahibalo. Kini naggikan sa Espiritu Santo ngadto sa atong indibidwal nga kalag. Kana mao ang labing gamhanan nga kamatuoran, ang labing gamhanan nga butang nga maangkon gikan sa seminary ug institute. Dili lang kini makapausab sa inyong nahibaloan; kini makapausab kon si kinsa kamo, ug makausab kini sa inyong panglantaw sa kalibutan. Ug kana nga matang sa mas taas nga edukasyon makatabang nga makompleto ang inyong ubang edukasyon” (“A Higher Education,” New Era, Apr. 2009, 15).
Si Elder Johnson mao ang usa sa daghang mga General Authority nga namulong kabahin sa talagsaong mga panalangin nga maangkon sa pagtambong sa seminary ug institute. Busa kon kamo mahibulong nganong kinahanglan mo nga motambong sa seminary, ania ang dugang pa nga maayong mga rason gikan sa mga propeta ug apostoles.
Litrato ni Spencer W. Kimball sa maayong kabubut-on sa LDS Church Archives