Ang Panalangin ni Dana

Ni Jane McBride Choate

Gibase sa tinuod nga istorya

1. Natawo si Dana nga may buslot sa iyang mga ngabil ug sa sulod sa iyang ba-ba. Kaupat na siya operahi aron sulayan kini sa pag-ayo. Karon si Dana ug ang iyang mga ginikanan adunay sabut sa doktor sa paghisgot mahitungod sa lain na sab nga operasyon.

   Atol sa pag-opera, mokuha kami og gamay nga bukog gikan sa imong bat-ang aron gamiton diha sa imong ba-ba.

2. Nabalaka si Dana kon unsay mahitabo human sa operasyon.

   Makainom pa ba gihapon ko og chocolate milk?

   Kon maayo na ang imong ba-ba, mahimo nimong imnon ang tanang chocolate milk nga imong gusto.

3. Nianang gabii sa wala pa ang operasyon, ang Papa ni Dana ug ang iyang tiyo mihatag kaniya og panalangin sa priesthood. Si Tiyo Hyrum ang midihog sa gipahinungod nga lana. Dayon si Papa mihatag sa panalangin.

   Panalanginan ko ikaw nga malig-on ang imong lawas ug dali nga maayo human sa pag-opera. Hinumdumi nga ang imong mga ginikanan ug ang imong Langitnong Amahan nahigugma kaayo kanimo.

4. Pagkabuntag gidala ni Papa ug ni Mama si Dana sa ospital.

5. Miabut ang nurse aron dad-on si Dana ngadto sa operahanan. Gigakos ni Mama si Dana.

   Pinangga ta ka, Dana.

   Ayaw kabalaka, Ma. Wala ko mahadlok. Gihatagan ko ni Papa og panalangin.

6. Human sa pag-opera walay problema si Dana. Nalipay siya nga si Papa mihatag kaniya og espesyal nga panalangin nga nakatabang kaniya nga maarang-arang.

Mga paghulagway pinaagi ni Scott Peck