Ang Conference Notebook Naghatag sa mga Tigbasa sa Pagtan-aw sa Labing Mahinungdanong Bahin sa Komperensya

Usa ka bag-o, regular nga seksyon sa mga magasin sa Liahona ug Ensign ang—Conference Notebook—makatabang sa mga tigbasa sa pagtuon ug paggamit sa mga pagtulun-an gikan sa kinaulahiang mga pakigpulong sa komperensya nga gihatag sa buhing mga propeta ug mga apostoles karon.

Nagsugod niadtong Enero 2012, ang seksyon makita sa walo ka mga isyu sa tibuok tuig—nga may usa ka notebook sa matag bulan gawas sa mga isyu sa Mayo, Hunyo, Nobyembre, ug Disyembre. Sa Mayo ug Nobyembre makita mismo ang mga pakigpulong sa komperensya.

Agig dugang sa paglakip sa mubo nga mga summary, mabulukon nga mga paghulagway, mga tip sa pagtuon, ug may kalabutan nga mga kasulatan, ang Conference Notebook makapakita og yano nga mga kalihokan. Maglakip usab kini sa mga istorya sa mga miyembro o mga pangutana sa ebanghelyo nga gitubag sa mga pakigpulong sa komperensya.

Samtang ang pipila ka bahin sa Conference Notebook gihimo aron sa pagpahinumdom sa mga tigbasa kabahin sa mga pakigpulong nga gihatag sa kinaulahian nga kinatibuk-ang mga komperensya, ang ubang mga bahin makatabang sa pag-andam sa mga tigbasa alang sa umaabut nga mga sesyon sa komperensya.

Matag seksyon sa Conference Notebook mga usa ngadto sa upat ka pahina ang gitas-on ug mopuli sa regular nga seksyon sa Small and Simple Things sa mga magasin sa Liahona ug Ensign.

Ang bag-ong seksyon nga Conference Notebook sa Liahona ug Ensign makatabang sa mga tigbasa sa paghinumdom sa labing mahinungdanon nga bahin sa komperensya sa mga bulan human sa kinatibuk-ang komperensya.