Mga Highlight sa Mormon Tabernacle Choir

Minilyon nga mga tawo sa tibuok kalibutan ang pamilyar sa musika sa Mormon Tabernacle Choir, mapasundayag man sa choir sa kinatibuk-ang komperensya o sa mga programa sama sa 83 na ka tuig nga Music and the Spoken Word nga ipakita matag semana. Hinoon, ang dili kaayo pamilyar, mao ang matag adlaw nga mga detalye kabahin niining grupo sa mga mag-aawit.

Ang Mormon Tabernacle Choir naglangkob sa 360 ka bolunter nga mga mag-aawit nga nag-edad og 25 hangtud 60 anyos. Sa daghang katuigan, ang choir nakabiyahe na ngadto sa 28 ka mga nasud ug nakapasundayag sa 37 ka mga estado ug sa Washington, D.C. Sila sa kasagaran mosakay sa eroplano isip usa ka grupo padulong sa dapit asa sila mopasundayag. Gikan sa eroplano sila ipasakay og 11 ka mga tour bus, nga pagasundan og 4 ka bus sa mga gamit ug 4 ka mga semitrailer nga gikargahan sa mga ekipo. Sila dayon mobyahe ngadto sa lain-laing mga siyudad, usahay 6 hangtud 10 ka oras ang gilay-on.

Samtang nagbyahe, ang matag miyembro sa choir magsul-ob og blue nga name tag nga giimprintahan sa logo sa choir ug sa ilang ngalan. Ang tanang mga miyembro sa choir ug orchestra gi-set-apart isip “music missionaries”; sila morepresentar sa Simbahan bisan asa sila moadto.

Kon ang mga miyembro sa choir dili mobyahe, ang sagad nilang semana maglangkob og dili moubos og usa ka adlaw nga rehearsal, uban sa produksyon sa Music and the Spoken Word, usa ka internasyonal nga programa nga gisibya sa telebisyon ug radyo matag Dominggo sa buntag.

Ang mga miyembro sa Simbahan nga madawat sa choir motratar niini nga usa ka calling. Kon sila moapil sa choir, sila giingnan sa pagkonsiderar sa gipasalig nga panahon nga sama sa pagserbisyo sa presidente sa elders quorum o sa Relief Society sa ward. Kon sila madawat sa choir, ang miyembro mahimong magpabilin hangtud 20 ka tuig o hangtud nga mag-60 anyos.

Makapainteres nga mga Kamatuoran kabahin sa Choir

• Ang mga sinina nga gisul-ob sa mga babaye sa choir gidesinyo ug gitahi sa usa ka wardrobe committe.

• Adunay mga 20 ka magtiayon sa choir ug sa Orchestra sa Temple Square.

• Ang choir nakaangkon og duha ka platinum ug lima ka gold nga mga album.

• Ang choir nakapasundayag sa inagurasyon sa lima ka presidente sa U.S.