Kaila ba Mo sa mga Babaye diha sa Kasulatan?

Tan-awa kon inyo bang maparis ang mga deskripsyon sa mga babaye gikan sa kasulatan ngadto sa ilang ngalan. Gamita ang mga pakisayran sa kasulatan kon nagkinahanglan mo og tabang.

Gihupay ko sa akong bana sa dihang nasagmuyo ko tungod sa akong anak nga mga lalaki, kinsa anaa sa makuyaw nga panaw (tan-awa sa 1 Nephi 5:1, 6).
Sulugoon ko sa balay ni Haring Lamoni ug nakabig na ngadto sa Ginoo sa daghang katuigan sa wala pa makabig ang hari (tan-awa sa Alma 19:16).
Sa dihang namatay ang akong bana, “mipabilin” ko sa akong ugangang babaye ug miingon kaniya nga himoon nako ang imong katawhan akong katawhan ug ang imong Dios akong Dios (tan-awa sa Ruth 1:14, 16).
Natala ang akong ngalan sa Bag-ong Tugon ug sa Basahon ni Mormon. Gihulagway ako isip “hilabihan ka matahum ug kaputi” ug “usa ka bililhon ug pinili nga tawo” (tan-awa sa 1 Nephi 11:13; Alma 7:10).
Akong “[napilian] ang maayong bahin” pinaagi sa pagpaminaw sa mga pulong ni Jesukristo sa dihang Siya mibisita sa akong pamilya sa Betanya (tan-awa sa Lucas 10:42).
Nagpuasa ang akong mga katawhan alang kanako sa dihang girisgo nako ang akong kinabuhi sa paghangyo sa hari sa pagpalingkawas kanila (tan-awa sa Ester 4:16).
Ang akong ngalan nagpasabut nga “inahan sa tanan nga adunay kinabuhi” (tan-awa sa Genesis 3:20).
Gitawag ko og “pinili nga babaye” sa Doktrina ug mga Pakigsaad, ug ako mihimo sa “pagpili sa sagrado nga mga himno” (tan-awa sa D&P 25:3, 11).
Biyuda na ako sulod sa mga 84 ka tuig sa dihang miabi-abi ko sa batang Jesus sa templo (tan-awa sa Lucas 2:36–38).
Sa dihang giusab sa Ginoo ang ngalan sa akong bana, Iyang giusab ang akong ngalan nga nagpasabut og “prinsesa” (tan-awa sa Genesis 17:15).

Maria, ang inahan sa Ginoo
Sariah
Ana
Eva
Abish
Sarai/Sara
Ester
Maria, ang igsoon ni Marta
Emma Smith
Ruth