Sa Tunga-tunga sa Inyong Pagpangandam sa Misyon

Si Presidente Uchtdorf nagsulti sa mga misyonaryo nga maghunahuna nga sila anaa sa tunga-tunga sa ilang misyon. Inyong magamit usab kini nga ideya sa inyong pagpangandam sa misyon: bisan kon kamo 12 o 18 anyos, kamo makapangandam sa pagserbisyo og misyon.

Unsa ang pipila ka mga butang nga mahimo ninyong buhaton “diha sa tunga-tunga” sa inyong pagpangandam sa misyon?

Kanunay nga angay nga moadto sa templo.
Magkat-on sa pag-ila sa mga pagdasig gikan sa Espiritu Santo pinaagi sa pagsulat sa inyong mga pagdasig ug pagsunod niini.
Mag-ampo alang sa mga misyonaryo.
Mangutana sa mga misyonaryo sa inyong dapit kon unsa ang ilang marekomendar kaninyo aron sa pag-andam sa pagserbisyo og misyon.
Magkat-on nga epektibong mogahin sa inyong panahon, lakip ang importanting mga kalihokan sama sa pagserbisyo, pagtuon sa kasulatan, ug pagsulat sa journal.
Magpakigbahin og kasulatan nga bag-ohay lang nakadasig kaninyo, kon makig-istorya sa sakop sa pamilya. Ipasabut kon unsa ang inyong hunahuna kabahin sa kasulatan.
Mangutana sa inyong mga higala kabahin sa ilang mga relihiyon ug unsa ang ilang gituohan. Andam nga mopakigbahin sa inyong gituohan. Dapita sila sa simbahan o sa mga kalihokan.

Samtang inyong naila nga kamo anaa sa tunga-tunga sa inyong pagpangandam sa misyon, pagpakabuhi nga mas angay sa pagsalig sa Ginoo ug sa pagpakig-uban sa Espiritu.